埋身

bicycle0132
|
想問下大家,因為我個b埋身訓多過食~係咪少奶先會咁,因為我泵出黎都係得40ml,而家滿月喇...之前出院個時密密比佢埋身2個星期喇,跌磅跌得好犀利,奶好似密密埋都冇奶...係咪要泵先得
柚子妹
|
bicycle0132 發表於 18-11-23 20:22
想問下大家,因為我個b埋身訓多過食~係咪少奶先會咁,因為我泵出黎都係得40ml,而家滿月喇...之前出院個時 ...

如果跌磅又真係擔心啲。
一個月返健康院時,姑娘有無講啲咩?
埋身餵,一定比泵出黎製造更多嘅奶。
會唔會係BB吸啜唔到?
我女全埋身13個月,我一次都無泵過出黎。
但初生時,真係密密餵,最耐隔兩個鐘就要餵,每次啜至少廿分鐘以上。如果佢瞓著,你feel到佢無再啜,就離口。一係拍醒佢繼續啜,一係由佢瞓。等佢瞓醒再餵。
如果佢慣左含住瞓,你嘅乳頭就會變左奶嘴。

bicycle0132
|
柚子妹 發表於 18-11-24 13:41
如果跌磅又真係擔心啲。
一個月返健康院時,姑娘有無講啲咩?
埋身餵,一定比泵出黎製造更多嘅奶。

姑娘話跌磅跌得太犀利,一定要補奶粉,我之前都keep住有一星期係佢喊我就埋身餵,不過一餵就訓,我都試過2個鐘冇停過咁埋身,都係唔得...試泵出黎都係冇乜奶,同追唔到磅
柚子妹
|
bicycle0132 發表於 18-11-24 18:06
姑娘話跌磅跌得太犀利,一定要補奶粉,我之前都keep住有一星期係佢喊我就埋身餵,不過一餵就訓,我都試過2 ...

如果跌磅跌得勁,無奈都要補奶粉。
最緊要係BB食得飽。
餵人奶,奶粉,其實都無所謂。
唔好比咁大壓力自己,覺得一定要餵人奶先係對BB最好。
無形嘅壓力都會影響奶量。

我係從來無諗過餵人奶的,所以我無買到任何餵人奶要用嘅野,例如泵奶器,乳墊,哺乳內衣,儲奶袋等等。可能我無壓力,反而有奶。當然BB係密密食,兩個鐘一次。無哂自己。我女13個月大。我去邊做乜都要帶住佢。
bulldog64
|
BB 跌咗幾多磅? 如果想堅持餵人奶最好搵健康院姑娘(或出面有些母乳機構有免費workshop)評估一下BB埋身食奶情況,搵出點解BB一埋身就瞓(BB有冇黃疸?)有時你奶流量慢時BB等等下都會瞓著。每個媽媽同BB情況不一,如果跌得太多磅,從健康角度應補D奶粉先,再改善埋身情況。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽