1. 新年大陸團,個導遊同領隊都係花0靚仔腦筍未生埋,唔介紹景點都算,落車唔扶老人家而係第一時間行埋一邊食煙。去到一個景點係市集,集合時間全團人上曬車等係差佢兩個,結果我地係車上遠遠見到佢兩個仲係市集玩緊,過曬集合時間仲要行去遊戲檔比錢玩攤位遊戲,有個團友嬲到落車捉佢地番黎。同一個團,司機唔識路,每個景點都迷路唔識去,又唔問人。個個年代無 google map 所以每個點都攪好耐。仲要個時長途車,一上車領隊放車上 DVD 比我地睇,一開個畫面係白底一個「奠」字,個鏡頭慢慢拉遠見到全世界人係靈堂比人殺曬訓曬係血泊上(簡稱「滅門」),個時仲要係初二羅!條片播左兩分鐘都係呢D,然後領隊先識熄左佢。