跟團難忘事

是是但但
|
秋思 發表於 18-11-24 12:46
當年首爾還叫漢城時,跟團去玩
當時漢城人不懂美語,無中文路牌
一晚食完晚飯,開車時留低了一對母子係餐廳 ...

雖然係好慘好驚....但都唔洗大巴大巴煎人呀....
1010mum
|
shinku 發表於 19-2-22 13:20
比野上身,當中既野係人定鬼 ????

可能是狼,會狼嚎,真的狼嚎。
hellofairy
|
好多年前跟團去韓國,有自費餐,個導遊介紹我地去食海鮮餐,點知去到愈食愈貨不對辦,咪話返個導遊,亞導遊即時變臉,勁惡鬧返我地唔識野,嬲我地係餐廳落佢面,仲係中途發脾氣落車走左去,個領隊個下真係勁尷尬
cindyyu73
|
我中四SUMMER成家去北京
果團12個人
有印尼華僑 有澳洲回流

但大家既共同語言係客家話 笑死
YY1101
|
SmallKayKay 發表於 19-2-22 11:09
回覆 YY1101 的帖子

用千8蚊買果條皮帶似紙皮?
吾係似係用兩用爛左
見到係纸皮
面係用好硬既咭印D紋出黎
iki
|
記得第一次去日本跟東瀛遊,個領隊全程一個跟,成個冷面笑医,日日楝篤笑,真係笑足7日,團友自然開心,當時未結婚,其餘重有三對情侶,最后都有結晒婚,最記得佢話我唔揸旗架,我一拍手指你地好到齊嘞
ycmami
|
話說幾十年前嘅年三十晚,我哋十個朋友跟團去大陸,點知個香港領隊樣樣都矇查查,十問十唔知,成班團友仲醒過佢,好在仲有個內地導遊,班團友一日鬧佢鬧到黑,鬧佢乜都唔知、唔識就唔好帶團,佢好委屈話其實自己係新手,都係啱啱考咗個牌,因過年唔夠人手,所以之前一晚臨時拉夫上陣,佢自己都未去過目的地,係朋友哎足一晚佢先勉強應承,自己都好唔想帶隊,到最尾嗰日佢話想收小費,啲團友又發難鬧爆佢,又話要投訴,又話要賠償團費,搞到氣氛好差,最後緊係收唔到數,我哋party其實咁多日都好同情佢,所以就私底下比咗我哋十個人嗰份,免得佢白做咁多日!
ChingYee123
|
我記得好多年前去韓國旅行,團友中有個阿太係單獨一個人去既,佢既言行好令人討厭,成日吹噓自己幾有錢幾咁巴閉,對啲團友指指點點,左彈右彈,搞到被成團人杯葛,餐餐食飯都係孤獨一個人坐開,好陰公下。我跟團咁多次都係第一次見有團友被杯葛!

p.s. 個孤獨精阿太成日話我似佢個女,唔知想點!
Villa
|
好多年前跟團去韓國, 離港前一晚, 同幾個團友連領隊夜晚食宵夜, 成班後生仔女傾到忘形......

到埋單時領隊先發現佢個袋唔見咗, 個個都好驚, 唔知點算, 因為佢自己d証件係晒個袋裡面, 而且第二朝中午就要返港, 當時領隊都有報失, 總之我地就抱最壞打算全團要自己返港

到第二天距離到機場時間都差不多, 領隊都仲未搵返個袋.....但真係好似做戲咁做, 最後一刻又真係有警察打比佢話搵返, 有驚無險可以趕到飛機一齊返港



kokobear
|
啱啱聖誕跟團去韓國滑雪,導遊細心妥貼;亦冇強迫買嘢,團友大多準時,價錢又抵;超值
joanie731
|
1010mum 發表於 19-2-22 12:31
第一次搭飛機,跟初戀男友去菲律賓。

導遊帶全團去按摩,仲要間間房都係單人房。

咁你返香港有冇同佢分手?
1010mum
|
joanie731 發表於 19-2-22 17:23
咁你返香港有冇同佢分手?

本帖最後由 1010mum 於 19-2-22 17:28 編輯

都拖拉咗好多年。

初戀,那種感情是不一樣的。
princessgw
|
土耳其玩熱氣球。第一日等左勁耐,其他熱氣球都起升,我地個團遲遲都上唔到。最後pilot話天氣唔好要取消。平日溫文爾雅既導遊,上番車之後見佢不斷發火鬧。領隊話玩熱氣球既佣唔少,我地個團都多人玩,一早起身,食到嘴唇邊既錢要嘔番出黎。我地一致決定第二日再去, 由於玩完熱氣球個日便要離開個個市, 唔得便要等下一次去先有機會。
babyf
|
廿歲時第一次同個女性朋友跟團去泰國,個肥仔副導遊好後生,成日撩我,加上團友玩嘢,成日約個副導遊去happy hour,話要幫佢撮合我同佢,我當然唔落踏同佢哋出去啦,我個朋友吹水話佢晚晚在大堂等我。最後個朋友出賣我,畀咗我香港公司個電話佢,佢又真係日日黄昏打長途畀我,不過我無咩嘢同佢傾,久而久之就無打畀我了。
cloudwingwing
|
我以前都開過post講,我跟永安豪華團去澳洲,全團只有我的小朋友,其他都是大人,較年長的,個個團友都好照顧我小朋友,同佢玩,大家都不會爭先恐後,乜都讓我們先,好難忘。食好住好,份量多,餐餐勁飽。
NodameB
|
1)報左個搭車國內團,過左關發現有些大陸女仔上車,坐埋同啲單身男人,好奇怪佢地識搵番一pair, 我幾肯定佢地係唔識,開頭好生外,過幾日我聽到有女仔叫人老公 當時我同佢地差不多年紀,知道團中有咯咯同咸蟲,好鑑介。

2)Sars後去九寨溝,搭左幾日車,無景點,領隊時常話依個團好平係得咁多食。幾日經歷四季,第1次睇雪,好開心。山區無廁所,用旅遊巴分開,男左女右在雪地orrr....到咁多年後,仍然是我最喜歡的旅行。

3)團友好面善,過左2,3日大家有機會傾計,原來係朋友既朋友。
炸彈媽
|
魚兒小寶貝 發表於 18-11-24 13:03
做女果陣去旅行,飛機隔走廊位有個印巴媽媽帶住兩個超可愛既幾歲小孩,媽媽全程瞓覺,我同佢兩個玩,後來女 ...


qee
|
去蘇梅join day tour
一車有幾個唔同party
其中一個係得自己一個人嘅印度女仔
同車有我兩公婆,一對大陸夫婦同一對西人couple
個印度女仔一開始好friendly,一上車就同成車人say hi,好健談
點知麻煩到極點,參觀景點講明幾點集合,遲到就一定
我地坐架車,司機對上車頂可以上去坐,佢坐上去吹風,甩咗隻鞋,我地有人眼明手快幫佢執
車頂應該大家輪流坐,到大陸夫婦坐,佢叫人老公落返嚟俾佢坐
食lunch拎咗我老公支水
叫其他團友幫佢拎嘢
我同老公叫佢做印度公主
babyf
|
同男朋友(現老公)跟團去韓國,個導遊個老婆係韓國人,成日跟車昅住個老公。最後一晚個老婆無出現,個男導遊話帶班男團友去浸浴,回來我問男友去的地方係有料定無料?佢話自己是無料服務,個男導遊應該是有料服務,回程時係咁開心share
shirleyleung15
|
無跟團十幾年,上年過年同老人家一齊去北海道跟團,中間車程下下個幾鐘,後面有對妹妹(6歲)全由起程搭飛機到第二晚到酒店前未停過口講野完全訓吾到,第二晚去到酒店其中一個老豆捉個女鬧爆先去食飯,老豆全程黑面,食完上房,佢老婆同個朋友(2個都係新移民)就話未見過佢老公咁嬲鬧個女,第三日上車明顯有調動吾俾兩個妹妹一齊坐,咁我開始在車上訓到覺,但晚上一返酒店兩家人都打開哂門,兩個妹妹周圍走。嘈到一個點,我第一次想打去酒店投訴我地面房好嘈,但最後無,我吾希望再有跟團既機會
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽