自由講場今日: 290|主題: 1300950

收藏本版

發帖

返回列表

跳至頁

樓主: crazygal

積分: 31044

1^#

發表於 18-11-24 23:54 |顯示全部帖子

其實個廣告原本想表達啲咩呢?

如果想講中國同意大利文化融合, 個女模可以好自然咁示範用筷子食pizza, 意大利炸條, 意粉, 一啲違和感都無. 個旁白亦可以讚話用筷子食意大利嘢一樣得. 個女模無需表現到好似唔識用筷子, 同笑得咁陰陽怪氣.

但係, 個廣告就係拍到個女模笑得咁陰陽怪氣, 好似唔識用筷子, 好似前世未見過呢3樣咁常見既意大利食品. 啲意大利食品亦比一般份量大, 個意粉份量特別明顯, 而個旁白亦都好刻意咁講對筷子"小棍子", 個意大利食品咁"偉大", "對個女模嚟講係咪好大", 又話"你以為係意大利, 可惜你係身在中國". 你意大利嘢就係偉大, 筷子就係小.

我只係覺得若真係要表達中西飲食文化結合, 個表達手法係可以話係失敗. 若講個廣告係辱華, 的確係無明顯證據, 但個廣告既效果係令人覺得個女模夾硬用筷子食意大利嘢, 格格不入, 再加上咁樣既旁白, 呢點係個廣告陰濕之處.

我覺得用筷子食西餐, 或用刀叉食中餐都無問題, 一樣都可以食得好自然, 唔駛笑到咁既衰樣. 筷子既靈活性亦比用刀叉高. 若要表現出用筷子食西餐(or vice versa), 中西飲食文化結合既手法好多, 有正向思維既係唔會拍到咁違和.

如果只有個廣告係難以話D&G辱華, 但個老闆EQ低, 太直, 好直接咁講中國係country of shit, 呢個就係斷正係辱華.

私人傳訊

RelaxHippo

珍珠宮

積分: 31044

2^#

發表於 18-11-24 23:55 |顯示全部帖子

j_joycie 發表於 18-11-24 23:19
呢單野唔止辱華啦. pizza 都可以話係意國代表性食物, 正常都用手拎起食. 呢個廣告藍本好唔掂 ...

用手食pizza, 或用筷子好似刀叉分開pizza再夾嚟食都得, 唔駛拍到咁.

私人傳訊

RelaxHippo

珍珠宮

積分: 31044

3^#

發表於 18-11-25 00:02 |顯示全部帖子

本帖最後由 RelaxHippo 於 18-11-25 00:05 編輯

我近年潔癖嚴重咗, 唔想弄髒隻手, 筷子係最好用既餐具同工具. 我常用嚟夾薯片, 食蛋糕, 搞奶茶, 煮嘢食用嚟搞拌, 煎嘢, 炸嘢, 都係一對筷子搞掂晒. 仲有鼎爺教用筷子起蟹肉.

個廣告創作人一定係西人, 對筷子既靈活運用毫無認識, 亦好自大咁認為佢西方食品好偉大, 筷子難以駕馭.

私人傳訊