求:腸胃科醫生 (腸易激 / 腸敏感)

fwfirstbaby
|
本帖最後由 fwfirstbaby 於 18-11-27 10:51 編輯

自8月無故突然出現急性腹瀉(係忍唔住、爭啲爆),
我出親街都緊張會再次發生,一緊張就腸攣下攣下、一攣就要緊急地去廁所,形態係糊/水,
呢個狀態大約一星期一次,

試過keep住幾日食李萬山整腸丸、諗住調整下腸敏感情況,但食左果幾日便秘,於是停食,停食左係恢復有廁所去、但去得辛苦、要谷,一谷就感覺到好似谷到腸痛。

fwfirstbaby
|
上網睇下徵狀,自己認為係「腸易激綜合症」,有少少關係到心理壓力,所以都開始叫自己放鬆、唔好諗咁多負面(eg 曾經想像過如要外遊就著成人尿片、但其實我仲好後生,踏入3字頭咋)

最近我食左幾日「新表飛嗚」,感覺腸好似正番啲、無再成日感覺到攣攣地、但都試過去左一次正常便、過10分鐘就肚痛去廁所痾糊狀),
另外間中仲感覺到喑地裏一兩個近腸既穴位痛,
所以都驚會唔會大腸癌之類。

所以,想請問大家有無試過類似經驗、改善方法、腸胃科醫生介紹(如可以、敬請告知大約醫生費)

萬分感謝

lowrylover
|
妳似情緒影響了腸胃,腸胃係人類嘅第2個神經系統,緊張情緒會直接影響腸胃,心理影響生理
yuyuyu_ng
|
fwfirstbaby 發表於 18-11-27 01:11
自8月無故突然出現急性腹瀉(係忍唔住、爭啲爆),
我出親街都緊張會再次發生,一緊張就腸攣下攣下、一攣就 ...

我都有你這些問題,個人緊張或者好急,都搞肚痛!轉頭就要去廁所,特別係 返工lunch 完之後。情緒真係會好影響整套消化系統,唯一可做就係改變自己性格!
fwfirstbaby
|
yuyuyu_ng 發表於 18-11-30 14:53
我都有你這些問題,個人緊張或者好急,都搞肚痛!轉頭就要去廁所,特別係 返工lunch 完之後。情緒真係會好 ...

謝謝你回覆,
我都努力試緊控制情緒,好想快啲過番以前生活
fwfirstbaby
|
lowrylover 發表於 18-11-28 21:51
妳似情緒影響了腸胃,腸胃係人類嘅第2個神經系統,緊張情緒會直接影響腸胃,心理影響生理 ...

係。。。我正正就係比緊張既情緒影響到心理再影響埋腸,
其實我知腸係無事,但就總係好怕出街坐車,
就算搭地鐵,過幾個站就想落車番屋企,想番去一個我覺得安全自在既地方
lowrylover
|
回覆 fwfirstbaby 的帖子

咁妳每日能應付返工嗎 ? 聽妳講心理已經開始影響到正常生活,有冇嘗試睇家庭醫生講返你現時嘅狀況 ? 有需要的話,家庭醫生應該會寫轉介信比妳去睇專科,或者坐第2種交通工具會唔會令你放鬆d 呢 ?
fwfirstbaby
|
lowrylover 發表於 18-12-2 23:26
回覆 fwfirstbaby 的帖子

咁妳每日能應付返工嗎 ? 聽妳講心理已經開始影響到正常生活,有冇嘗試睇家庭醫生 ...

多謝你關心,我幸好係全職媽媽,所以唔使定時間番工,亦可能因為咁,自己就覺得避得過無乜必要都唔使出街,

其實我覺得腸道應該好番架喇,呢兩星期都無乜痾/大便不成形。

前日準備坐地鐵去街,以為自己做到,搭左幾個站驚到落車,再坐幾個站番屋企。

番到屋企我喊左好耐,覺得自己好無用,都唔知驚乜,隨身都帶晒紙巾,有咩事咪即去廁所囉,反正地鐵一定有。。。。

到今曰心情都仲好差,我準備閒日抽時間自己搭下地鐵,習慣番常人生活。

至於家庭醫生,曾經同佢講過懷疑自己有腸易激,佢回答係呢個病好多人都有,無辨法,唯有肚痛食止痛藥、要去廁所就去。
fwfirstbaby
|
lowrylover 發表於 18-12-2 23:26
回覆 fwfirstbaby 的帖子

咁妳每日能應付返工嗎 ? 聽妳講心理已經開始影響到正常生活,有冇嘗試睇家庭醫生 ...

諗番其實個人可能性急,慣左時間表係自己控制到,自8月果次,就覺得突然去廁所呢樣係自己控制唔到,例如怕未必搵到廁所,怕佢無緣無故黎料,怕出醜,所以就個人越諗越更緊張,搞到想避世,就算搭車都想下一秒到步,想自己對腳企係可以周圍行既地方,有咩事都可即刻搵廁所。

我知道呢個係心理身理惡性循環,我需要靠自己克服 ,我需要靠自己重回以往生活,

但出街時,只要有一秒開始驚,即使下一秒安慰自己,都好似重整唔番個心定啲,好似一個制,按著左條腸,即使心定,條腸都搞到自己無法安定,出親街,個腦一無野諗就無啦啦諗到條腸,一諗到就憋喇~~番唔到轉頭,唉。。
Atomoxetine
|
如果是腸易激綜合症,
應該去睇精神科醫生,
食抗焦慮藥。

如睇腸胃科都得,
但是治標不治本
點評
學會放下    發表於 5 天前
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽