新手孕婦一問十擔心:作小產

Miachan1209
|
由我驗左懷孕果晚開始有啡,有幾日又冇左,又有返,量重好多,咁我就入急症,點知等左半日,只係安排我去第二間醫院睇早孕婦科同一封話照到胎囊但照唔到胎既信,當晚已經好擔心,隔多日去早孕科終於照到心跳,成個人放鬆晒。
點知琴晚沖完涼,出血,又入急症,又係冇開藥俾我,冇打針。
醫生重話醫學冇解釋點解會出血,就算今日照到有心跳,聽日都可能冇左,冇藥食冇針打冇解釋,最重要係如果冇左心跳,點保住媽媽先係重點。
我同老公聽到呆左😑
我已經約左產科星期日拎安胎藥,但佢冇針打🤦🏼‍♀️
HOPEFORBB
|
回覆 Miachan1209 的帖子

明白你的擔心,但好無奈頭三個月的確係要靠個胎本身,甚至成個孕期都有機會出現其他問題。唯有放鬆啲,俾啲信心BB

另外出血,你去公立醫院係咩都無得做,我諗你去私家婦科會好啲,因為起碼有安胎針打,政府係一定無
IamMidwife
|
Miachan1209 發表於 18-11-30 13:34
由我驗左懷孕果晚開始有啡,有幾日又冇左,又有返,量重好多,咁我就入急症,點知等左半日,只係安排我去第 ...

你好,我係助產士呀!明白你十分擔心而家情況.
早期懷孕出血的確令人好驚,好擔心作小產,但係又真係冇得預防亦冇特別原因,唔係你做錯咗啲咩事令到作小產.
公立醫院只會幫你照超聲波睇下個胎仲喺唔喺度,而家照到有心跳就好喇!
醫生咁樣同你講野,我明白點解你會咁唔安樂,我身為醫護人員都唔想幫個醫生解釋咁多.
去睇私家開啲安胎藥食下,其實果啲都係keep住你荷爾蒙水平保持懷孕狀態嘅藥,唔好咁易俾個胎流咗.食咗藥都唔一定要打針㗎喇,藥量已經夠,呢個你可以放心.
你而家可以做嘅係多休息,唔好操勞,保持心境開朗,身體荷爾蒙就會調節返,就冇咁易出血喇.
你有咩問題隨時inbox問我。

prswinki
|
Miachan1209 發表於 18-11-30 13:34
由我驗左懷孕果晚開始有啡,有幾日又冇左,又有返,量重好多,咁我就入急症,點知等左半日,只係安排我去第 ...

去私家睇啦。我試過7、9、11週流啡見紅都有,去私家醫院。流啡就食藥,見紅即刻打安胎針
Miachan1209
|
多謝你地,我諗我都要去打安胎針先放到心,可惜大埔冇得打只係得食藥,一定要出港安打😭
w054e42
|
我都試過差唔多的經歷,不過待遇就比你好好多⋯⋯

我當初自己驗到有BB,剛剛5週個陣突然食下飯feel到下身有D濕濕地既感覺,見到有啡流同血塊,走去將軍澳急診,姑娘驗孕確認真是有左之後,15分鐘內見左醫生照埋超聲波,轉去聯合婦產科(因為將軍澳醫院無婦產科),30分鐘內入左病房,瞓左3日醫院,期間照陰超及一般的檢查一樣不漏~出院寫左一星期病假比我又安排兩星期後番去再照超聲波(因為BB太細未有閃閃見到)!
真心覺得已經好好服務(前後唔使500蚊埋單)~~~

宜且我記得當時我作小產個陣醫生都有同我講叫我放鬆心情好好休息,如果真是留唔住BB都是因為身體機制問題之類,話身體自然會淘汰有問題的胚胎之類⋯⋯不過做人媽咪當然會想留住BB當醫生講廢話啦~但是我本人就唔是好贊成打安胎針,始終有藥的成份,無論講到幾安全都唔想博~盡量休息一下睇定D先,我當時都持續有啡流直到13週左右先無~

我BB宜家都快6個月啦~相信你的BB亦都會加油💪,所以唔好太焦慮,比D信心同BB大家都會平安
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽