0-6個月

跳至

首頁

尾頁
   1


大宅

積分: 1996


發表於 18-12-1 02:23 |顯示全部帖子
本帖最後由 babyyanyanpig 於 18-12-10 11:01 編輯

BB已經5個月大,食奶同訓覺都唔係好乖. 話說BB好喜愛媽媽,但奈何媽媽就係唔夠奶, 由BB出生開始, 最多都係泵得3OZ,到依家,每次泵30分鐘都係最多得2OZ. BB差不多每次食樽都爆咸, 要=佢差不多訓著就可以食曬6OZ奶, 好多GROUP都話不停埋身,就可以夠奶,我曾經係佢第一個星期試過,埋身完,一放低就咸,佢真係唔夠飽
好想全人奶,因為佢真得好喜歡埋身,唔喜歡奶樽,所以有時覺得自己好似欠左BB, 每次佢食樽爆咸,婆婆話佢唔乖,其實可能係佢由2個月開始已經分到媽媽同奶樽,佢只係唔喜歡食樽,只可惜我滿足唔到佢的需要,到依家,我係要工作的,奶又唔多,每次要泵3次先剛剛夠佢一餐,感覺奶越來越少,其實已經無限次想放棄,但係因為BB太喜歡啜,所以堅持到依家,但係屋企人覺得,你又唔夠奶,佢因為埋身,所以食樽又唔乖,你唔好比佢食啦...依家BB可能已經當我係奶咀吧啦,喜歡啜到訓,家人沒有人支持再埋身吧. 全屋人訓曬,埋身完,再補奶樽餵埋BB,再拍埋訓,再去泵奶,果種心情真係好單吧.

又要泵,又要埋身,又要洗奶樽,又要洗泵,真係好疲倦, 就來6個月加固, 可唔可以唔再泵,不再擔心KEEP住個少少奶, 直接比BB當奶咀,可以嗎?其實如果無奶,係咪唔好比BB啜?我唔想取走BB的安全感,但係,有時,佢可能係因為肚仔餓,所以半夜成日醒,我比佢埋身,但係又滿足唔到佢,我半夜比佢埋身,我又好似無訓, 心又會想,其實我係咪唔應該比佢再埋身? 咁佢食樽係咪會乖D, 訓覺有會好D.......作為身手媽媽,我都唔知應該怎樣才是對BB最好.


別墅

積分: 578


發表於 18-12-1 03:40 |顯示全部帖子
點解要覺得餵唔到人奶就欠咗bb?
唔夠人奶咪奶粉囉,又唔係毒藥,何必要辛苦自己搞到咁大壓力?睇開啲個人先會開心啲,成日咁愁阿b會吸晒啲負能量跟住唔開心

利伸:我仔食緊人奶+奶粉


大宅

積分: 1370


發表於 18-12-1 05:17 |顯示全部帖子
你要改變一下個心態 唔夠奶唔係欠左bb
你由一開始已經係負面嘅狀態
心情差 無休息 都係會好影響造奶

連續啜5個鐘 唔覺得會對做奶有幫助
只會令bb當你奶咀 而你又攰上加攰 更加無奶
Bb肯唔肯食樽 係習慣返黎
你一日唔放手俾佢試 佢永遠唔會接受

既然已經無奶 做乜仲要辛苦自己泵?
既然bb半夜唔醒 點解仲逼佢埋身?
其實你已經盡左力 6個月可以開始加固 不如你收拾心情
放啲心機係第二度 努力整好味嘅副食品俾bb
湊bb湊到每日苦瓜乾咁 bb個成長環境都唔會開心架
加油啊 媽媽!




複式洋房

積分: 431


發表於 18-12-1 05:33 |顯示全部帖子

回覆樓主:

我都係一名窮媽媽。阿B就快兩個月,一日食得一餐泵奶,其他餐食水奶。我明白你心情。本來都谂住全人奶。想顺產最後要開刀,諗住最初奶少係咁原因,但後來追奶最多每次泵得3oz,左右,通常得2oz.陪月煲好多谷奶湯都唔得。埋身餵阿B啜幾啜就唔再啜,最後餐餐都要補奶水。一個月後陪月走咗老公又返工,得我一個人揍。依家我一日只有時間泵三次奶,儲埋只夠佢一餐。最初都覺得自己好失敗,欠左B B,我都有喊過。但諗返我阿媽同好多媽媽都係餵奶粉我同其他人都係咁大,同埋依家D奶粉型養都好接近人奶。都唔好俾咁大pressure自己。


別墅

積分: 610


發表於 18-12-1 07:43 |顯示全部帖子
我bb20日大,佢因為出世時住院一星期食慣奶咀,埋身唔係好肯食,我都好似你咁冇咩奶,飲咗、食咗催奶嘅食物,每次泵都係100ml上下,唔夠bb食,都曾經覺得自己冇用,覺得點解埋身唔成功又唔夠奶比bb,但我覺得我已經盡力就可以,冇話欠唔欠bb,我bb基本上食5餐人奶3餐奶粉,記住最緊要bb健康就得,放鬆啲媽媽,bb會感受到你嘅情緒㗎~


男爵府

積分: 6295


發表於 18-12-1 08:19 |顯示全部帖子
babyyanyanpig 發表於 18-12-1 02:23
BB已經5個月大,食奶同訓覺都唔係好乖. 話說BB好喜愛媽媽,但奈何媽媽就係唔夠奶, 由BB出生開始, 最多都係得3 ...

唔好比甘大壓力自己,我都唔係多奶,一直只係泵出黎比bb飲,都覺得自己愈來愈小奶,所以係依個零星期先教佢埋身,因為我係生佢個陣臨時變左開刀,之後唔同病房,同埋佢個咀太細一直埋唔到,同埋一埋身就推開我,我老公個陣都唔支持我埋身,但到佢依家再大隻啲先比佢埋返,所有野平常心啦,唔好甘大壓力


大宅

積分: 4292


發表於 18-12-1 08:54 |顯示全部帖子

回覆樓主:

其實俾自己咁大壓力,只會越來越少奶


大宅

積分: 1246


發表於 18-12-1 09:41 |顯示全部帖子

回覆樓主:

母乳只有媽媽先比到bb,壓力大同孭左個責任上身係人之常情,我都係窮媽,頭1個月都好唔開心,見到你話夜晚埋身拍訓教泵奶洗樽,我諗返起果段日子有幾咁痛苦,幾經辛苦捱住眼訓泵左咁耐都係得少少,都唔知喊左幾多個夜晚,基本上其他人講咩都入唔到耳,係靠自己叮1聲諗通,而家有就泵冇就算,留返多d時間同bb傾計同玩,我相信呢樣都係重要,祝你早日諗通,可以開開心心咁去享受湊仔既樂趣


珍珠宮

積分: 47558

BB防敏心得分享勳章


發表於 18-12-1 09:48 |顯示全部帖子
我覺得你太嚴重喇講得,你放鬆D心情喇,心情都會影響奶量架。而且你話之前俾佢埋身咗5個鐘,我覺得佢已經系當咗你系人肉奶咀喇。從而家開始,有幾多奶就餵幾多,唔好有負擔亞!


大宅

積分: 1996


發表於 18-12-1 10:11 |顯示全部帖子
mtcat 發表於 18-12-1 03:40
點解要覺得餵唔到人奶就欠咗bb?
唔夠人奶咪奶粉囉,又唔係毒藥,何必要辛苦自己搞到咁大壓力?睇開啲個人先 ...
奶粉不是毒薡,只係BB唔喜歡食樽,只喜歡埋身,但我又滿足唔到佢,所以先覺得好似欠左佢,否則,佢可能已經係肥B了。


大宅

積分: 2257


發表於 18-12-1 10:41 |顯示全部帖子
babyyanyanpig 發表於 18-12-1 02:23
BB已經5個月大,食奶同訓覺都唔係好乖. 話說BB好喜愛媽媽,但奈何媽媽就係唔夠奶, 由BB出生開始, 最多都係得3 ...

你有得埋身bb已經好幸福喇,我大仔時都係唔夠奶,更加唔肯埋身。我同自己講半人奶咪加長佢食人奶既時間囉…之後一直做泵媽,泵2餐先夠佢一餐,一直泵到阿仔15個月先掛泵。佢現在已經4歲喇,見到細b埋身食都話要食奶奶。仲話記得媽媽奶好好味,所以盡力啦,有幾多俾幾多,信自己,保持輕鬆愉快心情,試下半夜唔好埋身轉泵出來,都有助keep住奶量。加油


大宅

積分: 1996


發表於 18-12-1 11:42 |顯示全部帖子
esssss 發表於 18-12-1 05:17
你要改變一下個心態 唔夠奶唔係欠左bb
你由一開始已經係負面嘅狀態
心情差 無休息 都係會好影響造奶
依家心情已經好好多,早一個月就因為人奶呢個問題就差不多抑鬱,依家已經沒有了. 半夜係BB醒,仍醒好多次,埋身係最好方法去立即安撫佢, 可能佢當係奶咀,但真係好WORK.你都是餵人奶的嗎?


大宅

積分: 1996


發表於 18-12-1 11:43 |顯示全部帖子
我要做媽媽 發表於 18-12-1 09:48
我覺得你太嚴重喇講得,你放鬆D心情喇,心情都會影響奶量架。而且你話之前俾佢埋身咗5個鐘,我覺得佢已經系 ...
心情已經好多了,只係煩佢唔食奶樽,所以食得少JIE.....希望加固會好些


別墅

積分: 986


發表於 18-12-1 11:46 |顯示全部帖子
其實母乳係好,如果無亦唔洗免強
我媽話以前佢地都係餵奶粉,佢話係近年政府不停洗腦話母乳點點點!其實都不知有幾多人係餵奶粉,不要太大壓力
奶粉媽:)bb現在5個月非常健康,重得好好


侯爵府

積分: 21950


發表於 18-12-1 13:10 |顯示全部帖子
babyyanyanpig 發表於 18-12-1 11:42
依家心情已經好好多,早一個月就因為人奶呢個問題就差不多抑鬱,依家已經沒有了. 半夜係BB醒,仍醒好多次,埋身 ...

我都係人奶問題搞到好崩潰,不過而家打算收奶,其實食奶粉都可以好健康,反而而家減產我精神負擔仲細


大宅

積分: 1996


發表於 18-12-1 16:16 |顯示全部帖子
freshrose 發表於 18-12-1 13:10
我都係人奶問題搞到好崩潰,不過而家打算收奶,其實食奶粉都可以好健康,反而而家減產我精神負擔仲細
...
其實食奶粉係完全無問題,只係我B喜歡啜,雖然少,我先繼續泵奶,保持住,希望餵到6個月.

咁係收左奶未?有時想收都唔容易.


大宅

積分: 1996


發表於 18-12-1 16:19 |顯示全部帖子
miumiu419 發表於 18-12-1 11:46
其實母乳係好,如果無亦唔洗免強
我媽話以前佢地都係餵奶粉,佢話係近年政府不停洗腦話母乳點點點!其實都 ...
咁就好啦.

我個B成日唔洗樽,越來越瘦,我都好頭痛...


大宅

積分: 2353


發表於 18-12-1 16:22 |顯示全部帖子
我係餵人奶餵咗一個月就無奶喇,後嚟轉咗奶粉。


大宅

積分: 1996


發表於 18-12-1 16:22 |顯示全部帖子
hohoyin731 發表於 18-12-1 09:41
母乳只有媽媽先比到bb,壓力大同孭左個責任上身係人之常情,我都係窮媽,頭1個月都好唔開心,見到你話夜晚埋 ...
所以我都打算餵到6個月就唔泵,佢喜歡啜就由佢, 只希望加固之後佢可以食好少少,訓好少少,咁就好啦...

多謝你明白我......只有經歷過才會明白...


大宅

積分: 1996


發表於 18-12-1 16:27 |顯示全部帖子
cpycpyhelen 發表於 18-12-1 08:19
唔好比甘大壓力自己,我都唔係多奶,一直只係泵出黎比bb飲,都覺得自己愈來愈小奶,所以係依個零星期先教 ...
加油呀,媽媽,其實係我第一個月唔識泵, 不過,沒有得再想回頭, 如果有第二個BB可能會好D,HAHA...

首頁

尾頁

跳至