生左兩件既你地 點平衡 點避免偏心?

dativebond
|
本帖最後由 dativebond 於 18-12-10 14:15 編輯

同埋,我本身做細既,可能一直都係被偏心果個,因此唔會咁關注父母對我的愛有無減少,最好唔好管我仲好。

但我相信一般而言,做細既好少會好留意父母的關注有無少左,因為佢根本無得比較前後分別(都未出世,根本無前作基準。),唔同大果個,本來係萬千寵愛在一身果個,會對父母的關注更敏感。

因此,我覺得在意大果個既感受,係早期係更重要。直至細果個識講野,醒目左,就要變得同樣重視兩位的感受。

但呢刻,仲未到時候,雖然細既好快就會識講野,而家兩歲。

我而家一番屋企,會馬上主動向兩位大爺打招呼,好多時兩位一齊撲過來,要同時抱住先掂,但條腰就黎唔掂。
sumpo
|
事實上我係錫大b, 但實際上又成日要照顧細b, 細嘅先得個歲半,樣樣野仲要跟,大嘅4歲,返學都要照顧,但未去到樣樣,開始都要學自理,所以大嘅,成日覺得我地唔錫佢,其實我最錫係佢,偏偏有時一個人真係分身不下,真係唔知點做好
GCHK
|
rainbowchuuu3 發表於 18-12-10 11:13
暫時黎講都係俾大嘅去參與照顧細嘅
另外無時無刻都有提醒大嘅 佢永遠都係爸爸媽咪既寶貝

幾好亞,咁樣就的確好理想
haha748494
|
其實做父母無話偏心邊個小朋友,可能我兩件相差10歲,大囝都同我哋一樣,好惜細佬。
hoganbaby
|
rainbowchuuu3 發表於 18-12-3 16:42
同c6已經好努力唔想忽略個大女 時時提醒佢 佢係爸爸媽媽既大寶貝
星期日99會過黎幫手湊個細既 得閒就會同c ...

咁真係要耐心咁引導翻個大嘅,俾佢覺得自己係大姐姐而感到有自豪感,同埋父母對待佢睇地,要一視同仁,無俾小朋友有落差感
fibe0313
|
我3個仔女。大仔19歲,細仔14歲,妹妹2歲。兩個仔係同前夫生既,無一齊住。但會約出來見面去街食飯。3個之中,我最錫細女,係好偏心,但2個哥哥都唔會話唔開心既,因為妹妹太細。但我就感覺到佢地係會有少少呻醋囉。
NoSan
|
BabyFungT 發表於 18-12-7 02:26
相反,我忽略咗細嗰個,因為大嗰個一直都好癡身....但大就好錫細嘅,會同佢玩、見到喊又會幫手氹,但日常起 ...

我都係,自問無咁鍚細嗰個
twinkle_0504
|
長輩都提醒我要錫大女,其實我偏心大女,細女出世到而家差唔多一歲,真係冇乜湊過佢,因為大女好痴身,如果二個一齊喊,實抱大女先,細女婆婆抱或爸爸抱,對细女好內疚
qkhui
|
回覆 twinkle_0504 的帖子

我都有2個小朋友. 細仔出世時大仔11歲. 因當時大仔好想有弟弟/妹妹, 所以佢好開心. 佢都會幫手睇細佬. 噉當我陀住細仔時. 因都要幫大仔溫書, 同佢出街, 當時都巳同佢講. 遲O的細佬出世, 媽咪可能會多O的時間照顧佢, 因佢仲細. 噉我話. 你比細佬幸福好多. 因你自己巳獨佔佐爸爸媽媽11年了. 暫時比幾個月時間媽咪TAKE CARE 細佬. 噉等細佬大少少. 你又多一個人鍚你. 噉初初細佬出世, 其實我都放手比婆婆同老公揍多O的. 我都盡量配大仔. SO FAR 都無問題.

噉到細佬大O的. 我都會同細佬講, 你真係, 你一出世就多佐亞哥鍚你. 亞哥個時都比你少佐一個人鍚. 我話你都要鍚哥哥多O的. 不過其實細佬都知我鍚哥哥多O的..

不過依家哥哥巳F.5. 佢都無咩時間理我地, 所以依家就真係多時間陪細佬>. 哥哥難得清靜. 不過我依家都仲要叫哥哥鍚我. 我哥一係時間我就會去去痴佢. 如果哥哥忙. 我一有時間就會叫細佬走去同亞哥講, 我地好掛住你. 噉亞哥就會笑. 又攬下細佬.

其實我自己覺得. 點都會有唔同. 又唔可以講係偏心. 只要我地做父母. 多攬佢地. 佢地自然大佐就會知.




twinkle_0504
|
回覆 qkhui 的帖子

你大仔大過d可能好d,我大女啱啱三歲炸,如果抱妹妹唔抱佢,我驚佢會唔中意妹妹,暫時大女都好錫細既,但係細妹開始大,又驚佢呷家姐醋😂😂
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽