想請教大家,如何幫助小學生去改善中文作文?

give_thanks
|
本帖最後由 give_thanks 於 18-12-5 00:01 編輯

小朋友三年班,平日有閱讀習慣,最愛看何紫,馬翠蘿等兒童小說,又愛看格林童話、安徒生童話、 神奇樹屋等等。
但一直中文作文也做得不好, 二年級看圖作文還勉強可以, 但到三年級只有作文題目,完全沒有提示的情況下,第一次評估成績便強差人意。

我暫不希望請補習老師或者參加作文班。 我想自己慢慢教, 雖然我會考的中文成績也不是很好,但相信也能應付小三的課程。 但我完全沒有概念應該怎樣逐步去幫助他。
give_thanks
|
我第一步應該怎樣做?是否應該先參考一些教作文的書再去教他?大家有沒有什麼介紹? 其實之前也買了一些作文書給他看, 其實他也很喜歡看這些範文, 但卻好像吸收不到, 是否應該在她看完文章之後跟他一起分析一下文章?
yurijm
|
先學好寫大綱
學校寫作課應該有寫作工作紙
可以用呢啲工作紙作藍本去設計寫作題目
多數會有幾條引導問題
教學生每一段要點寫
咁就可以用類似既工作紙去套入相同寫作題目類型

舉個例子: 學校有教寫「我最喜愛的人」
咁在家裡練筆時就可以套入相同既題型
寫「我最尊敬的人」
寫作步驟大致會一樣
重點就要教小朋友學識審題、扣題
重覆用類近既工作紙,慢慢減少引導問題
咁樣做,小朋友會入腦啲
知道寫作呢啲文章要有乜框架

另一方面,當然要多讀書
記多啲好詞好句
要保持每日寫好一句好句子、段落
字數可以不限,但一定要通順同運用修辭手法
長期練習,文句就會改善到
bbhappy68
|
讀多啲中文課外書 我個女好鍾意睇書 而家五年級作文都幾好 有80幾分
give_thanks
|
bbhappy68 發表於 18-12-5 00:59
讀多啲中文課外書 我個女好鍾意睇書 而家五年級作文都幾好 有80幾分

都已經有睇書
五年班八十幾好犀利呀!
你囡囡係書不離手?
係唔係其他科成績都好好?
bbhappy68
|
give_thanks 發表於 18-12-5 08:04
都已經有睇書
五年班八十幾好犀利呀!
你囡囡係書不離手?

咁佢又唔係書不離手 其他科目都係八十幾 唔算特別叻 你可以教佢多啲成語 作文時運用一啲成語 可以提高分數
topyy
|
睇書,做媽媽要比啲耐性,會睇書既唔會差都去邊,要先input先有output,只係暫時未output仲儲緊,我小朋友都係高小先發力,之前一直搵緊自己既學習方法,搵到,就會bam一聲成績升上去,閱讀係幫佢成長,學做人,長遠啲睇你會開心啲
mother904
|
首先要搵出係中文能力問題,定係諗唔到內容。
語文問題可以由做句開始,可以訓練文筆,一句的內也較去容易諗,慢慢加至四、五成一小段,再慢慢變成一篇文。
如果係諗唔到內容,平日多同小朋友討論,傾乜都得,引導佢識得從生活發掘內容。
最好的練筆方法是每天寫日記,叫佢記錄一天之中有趣的事,寫乜野,寫幾長由得佢,文字旁邊畫下公仔都得。日子有功,慢慢就會進步。
算死草
|
give_thanks 發表於 18-12-5 00:00
小朋友三年班,平日有閱讀習慣,最愛看何紫,馬翠蘿等兒童小說,又愛看格林童話、安徒生童話、 神奇樹屋等 ...

有睇書習慣寫句子應該通順?!
可能想像力唔夠,多d去參觀,郊遊,不同公園玩,可以令寫作內容豐富d,提佢作文時多d加入書本學過詞語。
give_thanks
|
mother904 發表於 18-12-5 08:20
首先要搵出係中文能力問題,定係諗唔到內容。
語文問題可以由做句開始,可以訓練文筆,一句的內也較去容易 ...

佢係諗唔到內容. 但係其實平日佢好多鬼主意, 一去到昨文就諗唔到。
佢今次作文嘅題目係 "一個幫助別人嘅經歷" , 咁佢諗到去公園玩嘅時候見到小朋友跌低咗, 跟住佢去扶起佢再送佢去醫療室. 但係佢就唔識 點樣豐富嗰個故事, 只係簡單幾句交代咗. 返到屋企之後我慢叫佢再諗多啲細節, 佢諗咗好耐先至諗多咗啲內容出嚟.
bbc2018
|
give_thanks 發表於 18-12-5 00:00
小朋友三年班,平日有閱讀習慣,最愛看何紫,馬翠蘿等兒童小說,又愛看格林童話、安徒生童話、 神奇樹屋等 ...

我小朋友高小亦喜歡何紫,馬翠蘿等兒童小説,佢差不多看咗成個系列

中文寫作可以教佢用mind map 去思考。一定要想好段落大鋼,再每段發展

高分提示

如記敍文。倒敍法會高分些,如看到一張相,想起.......

用多些修辭手法,如誇張,比喻。如急得像熱鍋上螞蟻……

用對話生動些。四字詞語。描寫神情,動作

成篇文要有一個高潮的情節

要首尾呼應。反思。如一分耕耘,一分收穫

盡量不要被扣錯字
如果肯的話,背下靚詞,靚句。開一本簿寫,失望詞語,描寫天氣……
要多練習,吾肯寫,可以口頭講。
mother904
|
give_thanks 發表於 18-12-5 08:33
佢係諗唔到內容. 但係其實平日佢好多鬼主意, 一去到昨文就諗唔到。
佢今次作文嘅題目係 "一個幫助別人嘅 ...

可能佢對作文有壓力。叫佢由寫日記開始啦,內容不限,由得佢隨心所欲地寫,寫完唔好批評佢呢樣唔得嗰度唔得,寫得一年半載,應該對表達同觀察都有進步。
日記由得佢自由發揮,但如果作文,就要佢先諗大網,定好每段寫乜,小三學生通常寫到三、四段已經夠,花少少時間諗清楚想寫乜先落筆。
give_thanks
|
bbc2018 發表於 18-12-5 08:34
我小朋友高小亦喜歡何紫,馬翠蘿等兒童小説,佢差不多看咗成個系列

中文寫作可以教佢用mind map 去思考。 ...

麻煩你可唔可以再詳細講下如何用 mind map去組織篇文章?

仲有嗰啲修辭手法, 好詞好句, 例如你講嘅焦急得如熱鍋上的螞蟻, 擠迫得像沙甸魚一樣, 係唔係應該叫小朋友背咗佢?
give_thanks
|
mother904 發表於 18-12-5 08:38
可能佢對作文有壓力。叫佢由寫日記開始啦,內容不限,由得佢隨心所欲地寫,寫完唔好批評佢呢樣唔得嗰度唔 ...

都有叫佢寫日記 但係都係好簡短 同冇乜結構, 不過我都冇批評
fong2005
|
我細女好鐘意睇書,佢四年級,作文都有八十幾,佢通常作文前,會定時間,地點,人物,事情,結果或結論。
佢剛作左篇我最喜歡的動物,我女作屋企條花羅漢,由最初點解要買,同邊個去買,條魚外貌如何,生活習慣,趣事等,佢大約十五分鐘至半小時作好,有二百字至二百五十字。
其實如果你小朋友作文用身邊例子,因為係親身體驗,所以會有豐富內容,至於用字,就多看書,會好好多!
bing-jing
|
本帖最後由 bing-jing 於 18-12-5 08:44 編輯

先詞排句成段
小朋友學習,憑感覺,現階段好難強加技巧,但基本上詞彙要豐富,我手寫我心……有時間容後再交流
xl_bigbig_b
|
bbc2018 發表於 18-12-5 08:34
我小朋友高小亦喜歡何紫,馬翠蘿等兒童小説,佢差不多看咗成個系列

中文寫作可以教佢用mind map 去思考。 ...

jm你的意见好正,好有用
felicesmile
|
鼓勵佢寫日記, 寫低感受, 但你千其唔好偷睇, 但同佢講如果想比你睇你會好開心同樂意睇。
jojobbmum
|
多看範文,記好句,好詞語,加入成詞,修辭詞手法,
用五官寫,首尾扣題,呼應,
o_____o
|
我小朋友初小中文作文好差,最低試過68,多數一直keep住7x至80頭,係三年級暑假我要佢睇書,乜類型也可以只要佢係有興趣。係四年級考試前我用左二個月時間幫佢,一開始我會同佢根據學校D題目重作一次,lee d係我協助下完成既作文我會keep係屋企個file,一得閒叫佢拎出來睇,背左某D百搭既句子同形容詞。考試前會同佢分析同睇其他同年級既作文題目,教佢遇到類似既題目可以點樣用返我地作過過既故事換來換去。你留意下高小既題目通常叫你寫一件事或者一次活動既經過,同埋經過果件事你學習到乜野。佢4年級第一次中作98分,老師好驚訝。之後考試次次9字頭,剛剛5年級派左卷中作都有97。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽