分享法國剖腹3/9 part 1

蘿蔔菜
|
本帖最後由 蘿蔔菜 於 18-12-5 17:40 編輯

襯我仲未腦震盪記低我人生中畢生難忘最痛苦最偉大嘅一日。

生產前的一晚:2/9
老實講我都有d後悔開刀(後續),但就唔敢係經理「c6」面前提。驚佢話我又係我話要開刀,即係你想點呢(emoji)
開刀嘅前一晚,本想去salon洗個頭就算數(emoji)‍♀️,坐月冇得洗嘛,橫掂都係,把心一橫剪短佢(emoji)‍♀️,過左呢晚我就第2個身分,好期待。晚上一家人仲去左元朗打冷行左又斜又高角樓,“輪盡”嘅我食客見到都彈開⚠️,既然係產前既一晚就等於放逐嘅一晚食咗海鮮(emoji)綠豆沙,個一晚我好好訓(emoji),都忘記自己要入人生第一次手術室(emoji),一d緊張都冇。

生產當日的早上:
3/9早上11:00後就❌飲食,我懶醒食左個好豐富的沙嗲(emoji)(emoji),之後難民營(3袋嘢)就搭的士去法國。

生產當日的早上:
到達醫院我地仲係lobby到hea 係個個moment個腦淨係想訓晏覺(emoji)(因為慣咗午睡)13:00前要入院,入院唔係就咁係地下辦入院登記,等我仲坐左咁耐(emoji),要上3/F婦產科報到好多野簽,填好多野(emoji),食咩奶粉(emoji)「好多隻款」,選擇做咩測試「我揀左聽力,代謝」,相簿要入咩名「醫院送」,住幾人房,三人同六人相差唔過$50,我揀左三人近廁所位(emoji)(emoji),搞好文件姑娘帶我入去脫毛聽心跳(emoji)量血壓,經理孭住3袋野落地下搞入院同登記個醫健通(emoji)‍♀️(因為成37w5d先拎到健康院b鏈報告個時我已經行唔到)開通就可以睇到公立檢查資料,原來開刀唔經產道都唔會感染到,好在我無去最後一次產檢。



















附件: 你需要登錄才可以下載或查看附件。沒有帳號?註冊
kayleau
|
多謝分享, 期待您續po
蘿蔔菜
|
本帖最後由 蘿蔔菜 於 18-12-5 22:08 編輯

Part 2

生產前的中午:
13:00搞到15:00先上房,終於上到房(emoji)窗口有位媽媽剛生完,中間位無人,之後就我啦,夠靜唔太殘眼,d窗簾遮光唔使用眼罩(emoji)(emoji)‍♀️,每人會有個衣櫃咁高既locker 方便勾衫,夾萬,醫院送床墊姨媽巾網褲仲有一大喳嬰兒試用裝好似酒店擺床度,接著就有茶姐比壺杯,姑娘量血壓聽心跳(emoji)⋯⋯姑娘會提你唔好諗住出街行阿會定時入黎量血壓check胎動架(emoji)
電視可以(emoji),睇電視(emoji),叫外賣有甜品中西式任君選擇(emoji)(最好半個鐘前叫定)canteen 只供職員使用(咪洗指意偷偷離開病床)(emoji)
我地唯有恰下,17:00 有個便服男人入左黎(麻醉師)(emoji)(emoji)講解過程有咩反應及後遺症。個時矇矇曨曨仲未識緊張好眼訓(emoji)(emoji)(之前刨左文知道會系點)好記得佢臨尾問有冇咩問?我求其到問:支針要打幾多分量。佢:條問題我第一次聽(emoji),冇人會想知道(emoji)其實想比自己心理準備打針時hold腰幾耐,佢:唔好知啦,反正唔痛(emoji)

生產前的下午:
17:30姑娘比左件半截上身手術袍(emoji)+兩個腳套叫我光脫脫換左佢(emoji),叮囑18:00換好灘係床度唔好落床,個刻係興奮可以落貨了(emoji),18:00換好上返床等,記得柯清VV先換,一落地2條腿套就'sir'落地(emoji)‍♀️,而件袍背部係冇繩綁(emoji)‍♀️

生產前的下午:
18:30嬸嬸同姑娘推手術床,仲幾個人夾手夾腳抬過床,都未係緊張(emoji),因為有我重視嘅經理同阿妹在旁一路陪住,一齊落手術室,無驚,
姑娘亦都會一路同你吹水,落貨前當然要留影。b來了港媽上身(emoji)









附件: 你需要登錄才可以下載或查看附件。沒有帳號?註冊
musiccisum
|

蘿蔔菜
|
Part 3

手術室前:
由3/F搭lift去2/F手術室(emoji),阿妹到左2/F就走咗上返去等候室等見bb同接應屋企人,得返經理一路叫我放鬆啲唔使驚b仔好快出黎(emoji)(emoji),個時好想喊因爲終於都落貨(emoji),由第1週到38週又戒食,戒飲(emoji)(emoji),戒夜街(emoji),戒貪靚(emoji)(emoji)(emoji)‍♀️,戒玩,戒夜訓,怕熱怕落雨怕餓怕多人,驚早產驚搬屋驚裝修驚食錯嘢,咩都驚一餐都挨過(emoji)‍♀️終於阿囝聽話無早出世等到生,感恩(emoji)(emoji)之後負責推我個位姑娘拎左個號碼牌(15)唔係要等成14個先輪到我嘛,同擺底個文件袋係腳邊,然後帶左經理去個室(可能換衫)最尾既對話:「有咩事幫我照顧b仔同我父母」(emoji)‍♀️之後等(emoji)⋯⋯個場不倫係生仔同割盲腸做手術嘅都係同一個自動玻璃窗門出面等(emoji),未緊張未驚(emoji),後來有個full gear好似魚檔(膠水鞋圍裙浴帽)嘅阿姐出來推左我入去(emoji)‍(emoji),入去原來係等候位(emoji)(emoji),見到d醫護人員好忙,一個人訓係床度望住白色天花板孤00等(emoji) 個刻開始好可怕(emoji),一個人個種驚開始起(emoji),咁大個女未入院,擔心會不會有咩併發症,大量出血(emoji),大量輸血(emoji),心臟會唔會負荷唔到無左條命⚰️,睇雙面醫生生仔過程劏開肚皮個幕,下半身無知覺又聽到手術聲(emoji)(emoji)(emoji),好想出返去唔生阿(emoji),好想同醫生講順產☹️係我想喊喊豬時接生劉醫生出現講幾句,及時收返d情緒,見佢已經換哂手術裝,同平時產檢兩個人,更加nice,唔知係咪想鼓勵我。亦要同自己講我就快做媽媽要更加堅強更加要勇敢(emoji)

蘿蔔菜
|
Part 4

麻醉過程:
見到麻醉師3個助護,我仲好老套講「拜託哂你地」,訓係度左寧右寧見到手術室儀器(emoji),大大張不銹鋼床,個刻真心青,不段深呼吸呼喚自己放鬆好快會見到蘿蔔仔,3個護士抬我過不銹鋼床上,麻醉師叫我放鬆準備右手背打種豆,咪以為好似抽血咁小兒科,都有痛感,但我都要忍住,
左手博心跳血壓,之後打麻醉針姑娘叫打側訓好似隻蝦咁訓,其實都幾難個肚頂住又點曲呢?
後來1個護士幫手推住我腳,1個護士禁住我膊頭向下壓,真係洗唔洗曲到成個波咁款,麻醉師開始啦啵,唔講由自可聽到更加驚,呢針唔痛,可能注射藥多(emoji),我hold曲身都有半分鐘,個時腦一片空白,微著眼睛叫自己放鬆心情阿囝好快出黎,之後護士將我打平訓我感覺到上身係躺平而下身係麻麻痺痺發脤咁,開始set手術簾,我眼前只有大大盞手術燈,麻醉師就問有無feel到消毒緊你腳,我話有咩完全無feel

剖腹過程:
聽到皿器交響樂,又有噴泉聲「我估係好似牙醫咁有支管吸」我諗已經開咗肚皮,麻醉師會撩下吹水舒緩氣氛,分散注意力,同埋佢地無on call36小時咁緊湊,會傾計,我諗大概由麻醉到正式開始15分鐘,經理著到成個醫生咁行黎坐我隔離我地傾住計,博哂嘢仲可以拖住手比鼓勵,開始感覺到進入攞b出黎環節,感覺有幾對手,卒,初,禁,個肚腩,有d似做人手推脂, 雖然平時覺得你唔識關心問候,到左沿崖你不段摸住我額頭同我講唔使驚有我係度你好叻放鬆d,b仔好快出黎,十幾年未曾聽過,眼紅紅。推推下聽到一句準備,我隻手揸實咗,緊張度深呼吸,未夠3秒聽到一句「哎呀」,聽到呢句我驚到眼淚標出黎,麻醉師原本企我隔離睇住過程即刻見佢落手幫手推,我問經理咩事?佢都睇唔到未夠5秒我就聽到好響量喊聲同呼氣聲「我估係醫護人員」我自己都到抽一口涼氣,醫生就即刻話好大個頭唔會再落刀開大d傷口會介親bb,所以第一次推唔哂出黎缺氧咗變左紫色,慢慢會退,老細就從此誕生

附件: 你需要登錄才可以下載或查看附件。沒有帳號?註冊
點評
JD930    發表於 18-12-6 10:11
JD930
|
蘿蔔菜 發表於 18-12-5 22:18
Part 4

麻醉過程:
恭喜晒
廷廷@
|
恭喜恭喜 今日臨時俾通知可能會開刀 到而家都未訓得著 睇完你既經歷都輕鬆好多 希望可以分享下開刀之後既過程
蘿蔔菜
|
本帖最後由 蘿蔔菜 於 18-12-12 15:01 編輯

Part 5

剖腹後:
聽到好響亮嘅喊聲,兩公婆係到標淚水,然後姑娘抹乾淨同包實實影相,同囝囝第一句就係生日快樂,姑娘會即時講性別重量出世時間同特徵,阿囝耳仔有粒瘜肉就係佢既特徵,根住會影全家福(emoji),爸爸唔敢抱比人笑:你第日都要抱架啦,當我地影緊相既同時佢吸緊d惡露同聯針,我已經得意忘形到以為完成哂整過過程,接著爸爸就上房等我啦,而我就要係休息位度眼光光望住天花諗成件事好amazing 吓,我生左啦我可以過返正常生活啦,剛剖腹完仲好精靈,劉醫生(emoji)‍⚕️過黎問候叫我休息吓,會開止痛藥,姑娘會按時比,用咗一個鐘完成,推返上房8:15,真係好在珊姐叫我揀夜晚開刀,開完刀個人好攰要休息好眼訓,如果揀日頭有人黎探你又要招呼佢地,同醫生日頭趕頭趕命開會應診,夜晚佢收工後就時間好充足,自己又安靜休養(emoji)



附件: 你需要登錄才可以下載或查看附件。沒有帳號?註冊
mitchan
|
多謝樓主的詳細分享
我下星期都在法國開刀,又驚又期待
yan_lpy
|
感謝分享!之前聽人講好多關於剖腹的唔好處, 搞到我而家1516會唔會做順產. 聽完你分享之後個心定番D. 謝謝你.祝你早日出院及BB健康成長.
蘿蔔菜
|
mitchan 發表於 18-12-13 10:16
多謝樓主的詳細分享
我下星期都在法國開刀,又驚又期待

唔驚架,個環境幾好,你一定會放鬆放心產子
做個靚太
|
哇~令我諗番我當初開刀嘅情境!
不過點解你會變到唔想開刀嘅?我都係法國開刀,我覺得真係好舒服,雖然落地第一下真係好痛,但我成個過程都唔錯,餵人奶就餵得好,所以如果第二胎,我都想去番法國開刀~
huthy
|
恭喜你呀!
想問下開刀後,個傷口會唔會痛好多日呀?
同埋埋單幾錢啊?
heheboy
|
恭喜呀,想問下背後打麻醉真係吾痛嗎?
Daisywong313
|
夜媽媽睇到你呢個post,記返之前7月生,過程一樣
你打完麻醉之後覺唔覺得成個下半身好麻,佢每抹一下,我就好似有電流過咁,我覺得好辛苦呀,唔知其他人係咪咁呢
irenewsw
|
我舊年都係法國生, similar experience. 我覺得幾好呀. 打咗麻醉針之後我覺得下半身俾發泡膠包住咁, 冇哂感覺. 但落床第一下係好痛的...
mamaocean
|
恭喜蘿蔔菜生個蘿蔔仔, 真係詳盡緊張刺激又開心
蘿蔔菜
|
irenewsw 發表於 18-12-21 17:58
我舊年都係法國生, similar experience. 我覺得幾好呀. 打咗麻醉針之後我覺得下半身俾發泡膠包住咁, 冇哂感 ...

係,我呢世都記得個d痛楚
蘿蔔菜
|
Daisywong313 發表於 18-12-18 03:23
夜媽媽睇到你呢個post,記返之前7月生,過程一樣
你打完麻醉之後覺唔覺得成個下半身好麻,佢每抹一 ...

我仲好記得蟻冷咁扶欄行去老遠玻璃窗睇b
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽