請教順產人奶媽(emoji)(emoji)坐月問題

KRISTY88
|
依家38週 想請教順產餵人奶既媽媽
坐月時可以食雞蛋嗎?食蛋、海鮮、牛肉,會陰傷口係咪會埋得唔好,生肉芽?

坐月時如果食雞煮糯米酒,係咪不能餵人奶,要揸出來倒左佢?

坐月時刷牙洗面洗手都要用煲過既熟薑皮暖水?

沖涼用煲過既熟薑皮暖水,會陰傷口會不會好”拿”?

如果想之後keep住餵人奶,係咪一路都要戒魚生、海鮮、燒鵝呢類食品? 如果食左,之後d奶係咪要倒?

好多問題(emoji)(emoji)謝謝解答
艾森
|
本帖最後由 艾森 於 18-12-9 23:36 編輯

媽咪教我會陰傷口未埋唔好食蛋、牛肉、海鮮,傷口會「發」咁話,我唯有聽話。餵人奶食唔食得牛肉同海鮮要視乎個別bb情況,有d bb會對牛肉同海鮮敏感,你擔心就試少量再觀察bb反應。好似我女初生時我食蛋同牛奶佢會敏感,我就停食,等佢再大個d先再試食睇佢反應。

坐月時刷牙洗面洗手都要用煲過既熟薑皮暖水?
我淨係沖涼用薑水,洗頭用花灑水,其餘用暖滾水。

沖涼用煲過既熟薑皮暖水,會陰傷口會不會好”拿”?
我用薑水沖涼感覺唔會「嗱」,不過初初生完會陰傷口係用紙巾同熟水清潔都會痛痛地。


餵人奶唔好接觸酒精,煮過酒精唔會完全揮發,酒精經血液傳到母乳。如果你飲完酒,無人會知道過幾耐時間之後母乳先無酒精,bb接觸到酒精係好嚴重。補品選擇有好多,點解明知餵人奶唔可以接觸酒精都要冒險?初生bb密密食,有時餵完一個鐘已經又餵下一餐,我全埋身坐月無食過雞酒,我坐月食得最常食嘅補品係雞湯同黑芝麻間中有食少量花膠

https://m.mingpao.com/pns/港聞/article/20160830/s00002/1472493692366/「肚脹如波」-嘔吐送院-母飲雞酒哺乳-嬰疑酒精中毒



如果想之後keep住餵人奶,係咪一路都要戒魚生、海鮮、燒鵝呢類食品? 如果食左,之後d奶係咪要倒?

母乳滴滴珍貴,我從來唔會浪費,怕bb敏感一係唔食,一係試少少睇下bb反應如何,魚生可以食,有菌只係媽咪肚瀉,唔會影響bb。海鮮、燒鵝可以食,不過我都信中醫理論,始終有d食物係濕毒會對皮膚唔好,所以我餵人奶期間盡量飲食清淡,係等呀女一歲後有食下咖喱同辣嘢

KRISTY88
|
艾森 發表於 18-12-9 23:32
媽咪教我會陰傷口未埋唔好食蛋、牛肉、海鮮,傷口會「發」咁話,我唯有聽話。餵人奶食唔食得牛肉同海鮮要視 ...

感謝你,終於有人解答我
dobbybabie
|
KRISTY88 發表於 18-12-10 08:45
感謝你,終於有人解答我

你自己坐月?
KRISTY88
|
dobbybabie 發表於 18-12-11 00:07
你自己坐月?

喺99度坐,但佢都唔係好識咁
Sseason_Tse
|
KRISTY88 發表於 18-12-6 19:40
依家38週 想請教順產餵人奶既媽媽
坐月時可以食雞蛋嗎?食蛋、海鮮、牛肉,會陰傷口係咪會埋得唔好,生肉芽 ...

剛剛順產一個月,坐月剛開始惡露未清,我完全唔補,照平時清淡飲食,雞蛋有食,我傷口癒合幾好。之後惡露乾淨飲雞酒同薑醋,一樣照餵B,刷牙洗面洗手我只係用熱水爐40度水左右,有時候洗手用煲過的凍薑水。我到依家都係用薑水沖涼,唔會拿。剛開始頭兩個星期傷囗我都用花灑沖洗,跟住坐住沖薑水,唔會再特別用薑水洗下面,記得大小二便後都係用花灑沖的。
mc98816
|
我嗰陣自己坐月主要食豬肉同雞肉
坐完月先食牛肉同雞蛋

我唔捨得倒左D 母乳 滴滴皆辛苦
所以我寧願唔食 糯米酒煮雞

沖涼用水喉水沖完最後淋一次薑水
所以我個傷口就唔那嘅

坐完月 除咗回奶食物 我咩都食
太重味道的就9唔9先食1次 麻辣咖哩嗰啲

母乳我餵到阿b 2歲收工
KRISTY88
|
mc98816 發表於 18-12-14 16:19
我嗰陣自己坐月主要食豬肉同雞肉
坐完月先食牛肉同雞蛋

好西利 可以餵到2歲。我生完3個月要返工都煩緊,唔知去邊度泵奶好
mc98816
|
KRISTY88 發表於 18-12-14 18:04
好西利 可以餵到2歲。我生完3個月要返工都煩緊,唔知去邊度泵奶好
...

你都可以架
初初返工 我係會議室泵 但同我個位太遠
幾日後我拎餵奶巾係位泵就算行都懶得行
fantasytong
|
KRISTY88 發表於 18-12-6 19:40
依家38週 想請教順產餵人奶既媽媽
坐月時可以食雞蛋嗎?食蛋、海鮮、牛肉,會陰傷口係咪會埋得唔好,生肉芽 ...

我坐月食茶餐廳外賣,無特別注意食多定食少,初初身體最好都食得清淡啲。

酒精係會直接入左母乳入面,真係想食揀餵完奶食少少唔怕,不過當時我係直情無食過雞酒。

我全日用暖水洗手,會陰傷口用花灑沖最乾淨,沖涼開暖氣用暖水,再用薑水沖身,先洗頭吹乾再沖涼就無咁易冷親。

我全埋身兩年,不嬲唔飲酒,無戒口。
Healthy123.
|
坐月時如果食雞煮糯米酒,係咪不能餵人奶,要揸出來倒左佢?
雞酒原因是 "行" 血。 不放糯米酒,用熱水代替,變成雞湯,祇不過內容比較多些材料。

坐月時刷牙... 用熟水
洗面洗手都要用煲過既熟薑皮暖水? 最好

沖涼用煲過既熟薑皮暖水,會陰傷口會不會好”拿”? 怕刺激到會陰,可考慮洗會陰時,用熟水而不用薑水。 但洗澡可以用薑水。

如果想之後keep住餵人奶,係咪一路都要戒魚生、海鮮、燒鵝呢類食品? 如果食左,之後d奶係咪要倒? ............. 魚生, 這食物,盡量唔好食啦.

多問題是正常的
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽