大家會要求平價粉麵檔有好好服務嗎？

本帖最後由 mikinana 於 18-12-9 11:56 編輯

我經常去一家平民粉麵檔食魚蛋粉同油菜，只是＄40，我覺得好平同好食，起碼食完不口渴（沒加味精）。果度啲侍應大多是上年紀阿姐，有點冷漠，但我沒想過要求什麼好服務及禮貌，只是食完就走。

但前兩日見到一家三口，個女兒三十幾歲，聲大大話阿姐沒服務沒禮貌，又不給水杯他們洗筷子，自己不小心倒瀉樽調味品又話阿姐懶無用細樽，一句道歉也沒有，阿姐一句也沒回應佢哋！我見到替阿姐難過，已經老到腰都彎了，但都努力在麵店工作，可能只拿最低工資，大家還會要求她對你笑容滿面，好好服務嗎？

我只是不吐不快，同想知道大家點睇，佢哋一家是否一般香港人表現同要求？

會出聲鬧人既人，簡單說話都表達唔到自己，基本上情緒、精神都有點問題。
唔係大部分香港人係咁，但一定有人係咁。
香港係一個好有壓力既大城市，生活迫人，傻人亦比較多係事實。

正常如果倒瀉野應該都會唔好意思，因為麻煩到餐廳員工無啦啦做多野要幫手清理

哩D食市，一般無水供應又何來水杯呢？……不過鬧人嘅院友，就實有一兩個嚮左近

基本上食平，食貴我都唔會對待應有特別要求，一般服務水平即可。

阿姐唔需要回應/鬧番個無理食客，喺佢碗麵度加料，已經乜仇都報晒！

發窮惡D人

去邊都要尊重人吧, 呢D無品人大把

唉，算啦

世界上好多皇帝女，去到邊都係要求咁「高」的

俾平民價錢 想要酒店服務

講真， 而家就算去米朱蓮食碗麵， 都未必有好既服務啦

就算高級低級食肆服務差 , 唔會即場爆佢 只會望吓佢 , 但以後唔會幫襯
係大庭廣眾嘈吵無咩謂 , 39547

呢d無禮貌嘈嘈閉食客, 應該食唔少加料料理。

本帖最後由 gglc 於 18-12-9 13:21 編輯

好多人用庶渣價錢，但想食燒鵝。

宜家D人，壓力大，成日無理取鬧

可能有啲人40蚊消費對佢嚟講已經係好高
應該要得到高級服務

係，我見過普通茶餐廳，有個2x歲女仔自己無禮貌先，但就話人職員無禮貌，叫個餐要全部改人地都同佢改，個女仲要發人脾氣話人答得佢無禮貌，又話自己唔應該响呢d地方食飯，人地都唉下就無理佢，仲繼續嘈
(尖沙咀區）

多謝各位的＂正常＂回應，令我覺得香港還有希望！但我這一兩年真的多見咗無理取鬧的香港人包括年青人，可能真是壓力大，令有啲人情緒失控