ALVIS823 發表於 19-1-29 05:14
請問濠餅要咩材料同點煮,謝謝分享
潮底煎蠔餅當然要蠔仔,我呢度買唔到,所以我用大隻嘅洗乾淨後切開,其實冇咁正,不過好過冇得食。
洗蠔仔唔好先落水,要加D生粉/麵粉去摔下先,輕輕力唔好摔爛,你會發覺摔到D黑色污衊同蠔殼出嚟,之後就用水洗乾淨,唔好直接用水沖,會好易沖爛,如果見到D水好混濁好黑就用粉摔多次再過水,之後就用個篩瀝乾水,備用。
之後用地瓜粉/薯粉四湯匙加大概六至八匙清水開個粉漿,拌勻至冇粉粒。另外準備兩隻大雞蛋(鴨蛋更香)打勻。另外再準備兩隻雞蛋,略打下(我鍾意有D蛋白,所以冇打勻)分開用,總共四隻雞蛋。
粉漿水加入蠔仔,再加兩隻蛋,切一把芫茜碎(鍾意食芫茜加多D)加入去拌勻。鑊燒熱加油,油熱加入蠔仔蛋漿,煎到兩邊都差不多熟後,將兩隻蛋一半倒落去,煎到蛋一面脆後,反轉將餘下雞蛋倒晒落去,煎到兩面都脆邊就可以上碟。
我再灑多D芫茜,因為屋企人超鍾意食,食果陣可以沾魚露或辣油。
花旗太太生活在花旗國,留意時差,你問我未必即時答到。