小朋友自信心不足

NodameB
|
事先講明,不是想討論宗教,只是想改善我女沒信心問題。
我和先生沒有信仰,本區只有2間沒宗教(一間難入,一間不想選), 有宗教學校對我來說是不反對,又不是一個特別的選擇,唔好話我選得就要接受。
我女是初小生,幼稚園沒有宗教,她的小學算是宗教濃厚。她很傷心時,便會入房祈禱。某科目成績差,她又祈禱,因為她覺得自己改變唔到(但其實自從有補習是進步了)。有一次,她竟然對住個公仔水晶球祈禱 (我估計她覺得水晶球可以許願)
我想佢知道,謀事在人,成事在天,有困難首要自己努力改善,成唔成事,唔到自己話事,但她現在似是倒轉了次序,自信心不足,找精神寄託。
wan_sosin
|
你可以試下同你囡囡講,如果唔想努力甚至壞人去求神,神又點會答應這種人呢?
相信神只會答允積極努力嘅人,只要付出努力,神會見到。
Poyau
|
要付出先有收成
pinkochang
|
唔好介意以下說話無任何挑釁性,
只係好奇小朋友有苦惱都寧願去祈禱/同水晶球講都唔主動搵父母,
不如想小朋友解決自信心不足問題時,
父母們都睇下係咪有乜野做得唔妥當令同小朋友無自信之餘亦唔向父母求助

因為我見佢只係初小, 應該仲好依賴父母,
但佢既行為我覺得似乎對你哋有D隔膜

加油
tansyneko
|
應該同自信心無關係(?),佢哋好似係好興向神尋求指引之類,我同事都係咁,我去拔罐佢話幫我祈禱等我快D好返(?)
JoanC
|
我唔知道你所講嘅問題係有幾嚴重,如果佢自己有努力,再加許願,我又覺得問題未必好大。我細過都會咁做,大大下就會知道成功與否同許願無關,跟住就唔會許。

但如果佢完全靠許願,失敗又只怪責點解許願唔靈驗,咁就唔同講法,要好好傾下。
NodameB
|
pinkochang 發表於 18-12-17 17:06
唔好介意以下說話無任何挑釁性,
只係好奇小朋友有苦惱都寧願去祈禱/同水晶球講都唔主動搵父母,
不如想小朋 ...

唔介意呀!謝謝你的分析。
我都諗過點解佢唔同我地傾,可能佢覺得我地無能力解決問題,所以要借助全能的神給她力量。
南丁媽咪
|
我不是基督徒
但小學是基督教
多次常試返教會但總覺得唔夾所以冇返

我都會祈禱
大肚生仔個仔小一面試有咩事都會祈禱
我覺得係一種信仰
同冇自信心冇關
祈禱同自己努力冇話不能夠並存
祈禱冇影響日常生活,冇問題
正等於我媽日日裝香...都係求闔家平安

你試下放底佢祈唔祈禱
再諗下佢係咪冇自信

KAVEN
|
tansyneko 發表於 18-12-17 17:06
應該同自信心無關係(?),佢哋好似係好興向神尋求指引之類,我同事都係咁,我去拔罐佢話幫我祈禱等我快D好返(?) ...
睇完真系笑C我
KAVEN
|
南丁媽咪 發表於 18-12-17 18:43
我不是基督徒
但小學是基督教
多次常試返教會但總覺得唔夾所以冇返
好似自相矛盾
南丁媽咪
|
KAVEN 發表於 18-12-17 19:08
好似自相矛盾

自相矛盾啲乜?

返教會唔夾?
我中學時去教會,唔知點解安排我去啲大學生的小組
所以真係好唔想返
Ytfc
|
KAVEN 發表於 18-12-17 19:06
睇完真系笑C我

我都笑咗,拔罐都可以拉到去祈禱都
NodameB
|
天氣唔好學校都會有祈禱,我唔知係為搵野講而講,定係一般這個宗教習慣是這樣。我覺得天氣唔好,只要自己心情唔好影響就得,而唔係咩都要搵幫助。越介意不好的事,便越是令自己不開心,其實壞天氣,唔好提,過了時間又咪好天。
pinkochang
|
NodameB 發表於 18-12-17 18:30
唔介意呀!謝謝你的分析。
我都諗過點解佢唔同我地傾,可能佢覺得我地無能力解決問題,所以要借助全能的神 ...

因為我細個既時候有類似情況, 不過無話祈禱(因為唔係教會學校)
但會望天等流星, 見到飛機飛過就當流星去許願解決問題,
而我依家回想返嗰陣的確同父母有隔膜,
佢哋忙於返工同打理家務, 幫我既生活打理得好好, 但就係好少同我傾偈,
嗰陣我有乜唔開心都唔會同佢講, 我細個都自信心好低落,
試下陪佢多D, 係用心咁陪, 唔係聽佢講完就算,
小朋友睇得出大人既眼神係HEA佢定認真聆聽
wmkcnw
|
NodameB 發表於 18-12-18 09:32
天氣唔好學校都會有祈禱,我唔知係為搵野講而講,定係一般這個宗教習慣是這樣。我覺得天氣唔好,只要自己心 ...
樓主, 就係因為你欠缺 "同理心" , 令小孩唔想同你傾心事。

你乜都話自己點點點就得。呢個係你自己的諗法, 唔可以硬套入別人身上。小孩都有自己感受和處事方式。

你成日否定小孩的處事方式和內心感受,令佢更加無自信。 而且小孩又未能夠找到合適朋友傾心事, 咪唯有祈禱。

我諗如果佢唔祈禱,無得訴苦, 真係好可能做傻事。
wmkcnw
|
NodameB 發表於 18-12-17 16:03
事先講明,不是想討論宗教,只是想改善我女沒信心問題。
我和先生沒有信仰,本區只有2間沒宗教(一間難入, ...
樓主, 其實你都係倒轉左處理小孩問題的次序。

小孩遇到錯折, 首先要好好聆聽佢感受, 認同佢感到灰心和難過是正常的,並陪佢一齊難過。 這就是同理心。

之後等佢心情平服左, 才引導佢諗解決方法。

如果佢祈禱能平伏心情, 咪由得佢。 之後慢慢俾多些鼓勵佢。
NodameB
|
wmkcnw 發表於 18-12-19 23:54
樓主, 其實你都係倒轉左處理小孩問題的次序。

小孩遇到錯折, 首先要好好聆聽佢感受, 認同佢感到灰心和難過 ...

謝謝你的建議
littlecake
|
NodameB 發表於 18-12-17 18:30
唔介意呀!謝謝你的分析。
我都諗過點解佢唔同我地傾,可能佢覺得我地無能力解決問題,所以要借助全能的神 ...

我覺得係宗教影響,佢已相信佢嘅神,神係比父母更重要,你睇d頒獎典禮個個上台第一句感謝主,只個人感覺,不喜勿插
natjosejim
|
NodameB 發表於 18-12-18 09:32
天氣唔好學校都會有祈禱,我唔知係為搵野講而講,定係一般這個宗教習慣是這樣。我覺得天氣唔好,只要自己心 ...

「越介意不好的事,便越是令自己不開心,其實壞天氣,唔好提,過了時間又咪好天。」這是大人積累了人生經驗,然後漸漸變得看得開的睇法,她一路長大,你可以同佢分享,教化佢,但小孩子感受和想法直接得多,不能期待她小小年紀就這樣看破世情,不少成年也做不到
natjosejim
|
讓她自己去摸索下人生路吧,在你所說的情況,不覺有什麼傷害性,祈禱只是一種投射,即使沒有宗教色彩,大人或小孩也可以向自己許諾一些事情,希望自己達到,如果做到就點點,這是給自己信心、同自己加油和減壓,人就是人,不是什麼特別缺乏自信心的表現,只是各人處理壓力什麼的方法不同(有或多或少的壓力也是平常事,不必緊張),現在小孩處於有宗教文化的學校,學會祈禱,也似乎是自然的事
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽