家長想自己仔女識啲有錢人可以幫助事業正常不過。但係都要睇下自己本身既背景,竹門對竹門,木門對木門。我讀大學考牌嗰年嗰陣識咗班外國讀書返黎既同學,佢地屋企非常有錢,細細個讀傳統名校或者IS,中學去外國讀boarding school 同埋大學。畢業後返香港考牌。初頭都有講有笑,後黎佢地叫我去啲聚會係house party 或者去啲超貴既餐廳食飯。嗰陣仲讀緊書邊有咁多錢呀,久而久之大家生活圈子不同都疏遠咗。小朋友世界一樣,你唔係預備個女去外國讀書,屋企年年去歐洲旅行幾次同埋summer camp係去外國既話,好難同班有錢人埋堆。