人天生係會八,同埋自己小朋友都有機會唔小心走漏風聲。你回想自己小學,都知道邊個成績好,邊個有錢,邊個要日日去補習社,邊個住唐樓,邊個住咩區。津校小一英文堂,都會問 “where do you live?”,一聽個地區,有 d 區一定係有返咁上下米,有 d 區有錢極有限。就算個小朋友唔知,返到屋企匯報畀阿媽聽,就一清二楚。仲要有 d 小朋友八得更細膩,派通告等等,會睇到人地果份有寫「減免」。我以前都做到,依家 d 小朋友聰明咁多,更加容易啦。
例如第一關,生日會,有個好朋友請你小朋友去佢間別墅玩,咁你去唔去?唔畀去,你又怕小朋友被孤立。去,你就見到個個小朋友都身穿名牌,件禮物都勁過人,你去到,唔通唔同班家長傾計咩,就算唔傾,班家長都 feel 到你地唔係同佢地一樣。