10週幾日 今日bb冇左心跳....新手一問

ruruko
|
本帖最後由 ruruko 於 18-12-18 02:37 編輯

大家好!唔好意思比較長篇上個月11月去左美國旅行唔知自己有左,有日揸緊車比個發雞盲鬼佬撞我車尾,咁call白車入左醫院啦入到院覺得好似谷M咁又有少少啡,以為M到點知醫生檢查後話我原來有左,仲作小產,當時有照超聲波照到入面有bb,但係冇心跳,醫生話可能係因為個b太細未有心跳,叫我反香港再搵醫生檢查,(最後一次M係10月4號)當時醫生話大概4 5週左右,未有心跳都屬正常
兩星期後反到香港後約見醫生,照超聲波照到有心跳,bb大約7週幾,當時我睇住個Mon見到有閃閃真係由個心到笑出黎,第一次懷孕見咁心仔跳跳下真係覺得好奇妙,但醫生話胎盤著床位置近子宮口,有機會會變成胎盤下置,要多留意,走時約定3星期後再覆診
[size=25.33333396911621px]今日覆診,照唔到bb心跳,而且size停留左喺8週4日,今日理應係10週幾,醫生細心地多角度照,最後都係冇閃閃,嗰下真係喊左出黎,最後醫生比左4個選擇我,希望大家幫我揀下應該點做
[size=25.33333396911621px]第1:等佢自然排出,醫生比左2粒藥我,如果有日見紅又子宮痛,就食兩粒,粒藥係幫助子宮收縮,收縮個胎會自動排出,成功率都好高但問題係唔知等幾耐,醫生話答唔到時間,可能今晚可能聽日可能下星期,我問唔會等半年掛?佢答唔會,但幾時真係答你唔到
[size=25.33333396911621px]第2:而家食呢兩粒藥,等佢排出,但因為雖然係死胎但子宮同包住bb嘅水long依然正常係好實淨咁癡住子宮,強制排出會好痛苦,所以1嘅方法係等佢本身都快要排出時加藥令佢加快速度排出
[size=25.33333396911621px]第3:寫紙去私家醫院,佢地嘅做法同2一樣食2粒,訓醫院等排出,排唔出就做刮宮,呢個大概會收萬幾2萬蚊
[size=25.33333396911621px]第4:寫紙去排政府,政府醫院做法一般都係比同樣嘅藥你食4粒,會係最痛苦,因為子宮急劇收縮會好痛好痛,排唔出又係刮宮,

[size=25.33333396911621px]大家有冇類似嘅經驗?我應該點揀好,係等定點好??[size=25.33333396911621px]因為醫生都話自然排出對我身體係最少創傷,因為而家子宮依然好實淨,強制打開子宮可能會刮傷,同埋手術始終有一定風險,術後感染唔定,傷到子宮唔定 etc
[size=25.33333396911621px]藥我已經有2粒係手,係等佢見紅就食,但自從喺美國撞車時見到少少啡後冇再有見紅啡,所有都正常,就係咁先唔知要等幾耐
[size=25.33333396911621px]咁我應該點做??thx各位有經驗絲打麻煩比點意見我吖謝謝[size=25.33333396911621px]btw真係好傷心
Miss_S
|
ruruko 發表於 18-12-18 02:23
大家好!唔好意思比較長篇上個月11月去左美國旅行唔知自己有左,有日揸緊車比個發雞盲鬼佬撞我車尾,咁call ...

好明白你心情。我上年都係6weeks見到有心跳,到9weeks流啡無左心跳,希望你唔好太傷心!我自己就喺無食藥之下去廁所流左出嚟,但未清哂,所以要做刮宮,我覺得去私院做手術好D,可以快D清左D組織,快D recover。
Roselike
|
ruruko 發表於 18-12-18 02:23
大家好!唔好意思比較長篇上個月11月去左美國旅行唔知自己有左,有日揸緊車比個發雞盲鬼佬撞我車尾,咁call ...

我同你經歷差不多,我上年去加拿大,旅行中知道自己懷孕,回到香港照到心跳,跟著過左一日流啡,一星期冇左心跳,醫生話係機率問題,個胎唔健康,係自然淘汰,你也不必太過難過,因為當時決定快D解決,唔想拖太耐令自己難過的心情持續,所以選擇私家醫生到私院刮宮,因為個人唔係好信政府醫生,希望你早日平復心情,因為個人拖得耐,難受的心情又耐一日
ayako
|
Sorry to hear that.
介唔介意講吓當時心跳係幾多同埋有冇先兆停心跳?
我前排都小產左所以好擔心
fa9bb
|
我去年6月尾都試過,10w但size6-7w
因為唔想藥流唔乾淨最後都要刮宮
同埋自己心情好差
於是去仁安吸宮約2萬幾蚊
之後都recover 得快宜家18週了
心理關口唔易過但唔需要迫自己咁快放低
最緊要養好身子休息多啲
Hug hug ~
ruruko
|
ayako 發表於 18-12-18 13:14
Sorry to hear that.
介唔介意講吓當時心跳係幾多同埋有冇先兆停心跳?
我前排都小產左所以好擔心

完全冇任何先兆架,都有懷孕嘅反應,上次7週產檢係見到有心跳
今次10週4日就冇左心跳
照聲波到睇到佢嘅發育去到8週4日
即係b已經走左兩星期
但到今日呢一刻都冇肚痛冇見紅或啡,一切都正常
Mamachanchan
|
回覆 ruruko 的帖子

之前9月做左流產,果陣時係9W, 我果陣時都係冇痛,冇見紅...乜事都冇
只係因為我做ivf...開頭果陣CHECK得密D, 8W果陣時CHECK到冇左閃閃, 就係9W果陣時做。

我係威爾斯做吸宮既, 係照住超聲波吸返個胎出黎,只係局部麻醉, 做之前其實一樣要食兩粒'星星'藥丸, 但我食完都冇乜感覺就入左去吸宮, 醫生話其實藥流同吸宮傷害性係比較少, 而傳統刮宮傷害性較高。

點解我做吸宮, 係因為我想驗胎, 所以果陣時冇揀藥流。
但我唔知係咪間間醫院都有得吸, 之前聽JM講過屯門醫院都有。
tongyuenyuen
|
好明白你心情,我今個月頭11w發現bb心跳停了,停在10w,兩日後塞藥,反應不大,只流了少許血,我自己煲益母草,當日和過兩日就屙了肧胎出來,拎左番醫院,一星期後番醫院照,醫生話仲有點組織,好少,提議我食藥清,我決定不吃,因為覺得藥對我反應不大,我而家睇緊中醫,飲了兩碗生化湯,流了好少血,跟住已咩都無流了,而家食緊中藥溫補,中醫話我血虛。呢段日子最難過是等排組織的過程,希望你都快d好番。
cavy0511
|
ruruko 發表於 18-12-18 02:23
大家好!唔好意思比較長篇上個月11月去左美國旅行唔知自己有左,有日揸緊車比個發雞盲鬼佬撞我車尾,咁call ...

本帖最後由 cavy0511 於 18-12-18 23:00 編輯

私家都可以食藥排, 唔貴幾千蚊, 都會食下睇下效果唔會急住趕你出院等排, 呢個係我朋友既經歷

公家藥流, 有塞同食, 睇返醫院做法, qe會係食既, 我上胎11w發現胎停係8w4無左心跳, 威院係塞既, 但塞完就會送你出院

藥流好處, 最唔傷身, 自然排出, 可以快d restart
唔好處係有機會唔清, 就要做手術

如果你揀做手術, 建議真係唔好係公家做, 公家撞正個新手/學神, 可能會有後遺症, 連公家做既姑娘都唔建議d人係公家做
ruruko
|
Miss_S 發表於 18-12-18 02:46
好明白你心情。我上年都係6weeks見到有心跳,到9weeks流啡無左心跳,希望你唔好太傷心!我自己就喺無食藥 ...


借問聲流啡之後幾日左右排出?
等待時間好痛苦,我到而家都冇流啡呀;唔知要等幾耐
ruruko
|
cavy0511 發表於 18-12-18 22:58
本帖最後由 cavy0511 於 18-12-18 23:00 編輯

私家都可以食藥排, 唔貴幾千蚊, 都會食下睇下效果唔會急 ...

好的謝謝你的解答
cavy0511
|
ruruko 發表於 18-12-18 23:56
好的謝謝你的解答

本帖最後由 cavy0511 於 18-12-19 00:39 編輯

我上胎胎停, 直到塞藥都一直無紅無流啡, 但留得耐唔好, 要盡快決定點處理

bb執齊野會返黎, 希望你快d搞掂, 重新開始
kayi1030
|
我同你情況差唔多,上兩星期去做產檢發現個胎停左係9wk,本來應該係11wk,所以知道既時候個胎已經停左2星期了,當時係有流啡(不過係好少量)
醫生都比左兩個選擇我,一係等自然排出,一係食藥,我最後選擇等,因為醫生話我已經開始流啡有機會自排,可以觀察多一星期,冇反應先再食藥將傷害減到最低,結果我等多兩日就自然排出了
candice0088
|
同你接近一樣。8週照到心跳。10週照唔到。胎停在8週1日

我揀左塞藥入陰道。然後等佢排出。真係排出組織時要2-3日。第一天很多血,第二已減少。第三天很淡,然後再排埋一舊無血既粉紅色組織出來。然後10多日裡抹先抹到有啡...

過左一個月多4日了。坐完月 正常生活。
tongyuenyuen
|
回覆 ruruko 的帖子

5/12 塞藥, 流好少血;8/12 飲益母草,當晚排了一個類似膜的組織;10/12 排了肧胎,跟住開始慢慢少血;14/12 醫院照話仲有少少組織;15/12 去睇中醫飲生化湯,一日一碗,流了少許血;17/12 睇另一中醫,開了上補湯幫排,有少許血同啡,希望下次再覆診會乾淨。我由塞藥開始都是用薑水沖涼,不掂水喉水,持續約兩個禮拜。西醫話盡快清埋d組織,免得發炎,我話唔想食藥排,佢開了兩個禮拜後覆診再照,我中醫話唔好有心理壓力,剩番少少組織唔駛太過擔心,因為肧胎已排,佢叫補番好個人最緊要。
你都係,心理生理都需要時間好番的,我開頭幾晚瞓唔著,眼光光到天光。我覺得都是機率問題,好好保重,重新出發。
orangekkkkk
|
cavy0511 發表於 18-12-18 22:58
本帖最後由 cavy0511 於 18-12-18 23:00 編輯

私家都可以食藥排, 唔貴幾千蚊, 都會食下睇下效果唔會急 ...

我之前因bb冇心跳,我怕痛,唔想食藥流出來,想直接吸宮(另外concern係流得唔清都要做吸宮),問過私家醫生,佢話公院同私院做吸宮其實冇咩分別,因為係一d最低level最容易既手術,私家醫院做就1萬左右。醫生話如果我在公立醫院做,通常佢一定會叫你藥流先,但只要你堅持一定要做手術吸宮,佢都會幫你安排,最終我去左威記,成個過程都好順利,醫生姑娘都好好。
cavy0511
|
orangekkkkk 發表於 18-12-20 10:06
我之前因bb冇心跳,我怕痛,唔想食藥流出來,想直接吸宮(另外concern係流得唔清都要做吸宮),問過私家醫 ...

公家唔一定有吸宮俾你揀, 仲要好多時都係無得揀, 我個時如果有吸宮我都唔介意公家做, 可惜佢得刮宮揀呢
orangekkkkk
|
cavy0511 發表於 18-12-20 18:48
公家唔一定有吸宮俾你揀, 仲要好多時都係無得揀, 我個時如果有吸宮我都唔介意公家做, 可惜佢得刮宮揀呢
...

本帖最後由 orangekkkkk 於 18-12-20 19:02 編輯

公立醫院第一步絕大部份係建議用藥先,但只要同醫生講堅持唔用藥要吸宮,其實係可以,呢個係私家醫生比我既建議。結果入公立醫院後,醫生遊說我兩次用藥,我都好堅持只要吸宮,最終安排左。

ruruko
|
kayi1030 發表於 18-12-19 12:10
我同你情況差唔多,上兩星期去做產檢發現個胎停左係9wk,本來應該係11wk,所以知道既時候個胎已經停左2星期 ...


我等到今日都仲冇啡冇紅
我等唔到喇,約左聽日見醫生,因為再等多一星期
就聖誕節,醫生大部分都出門旅行
可能又要再等到月尾先有得做
我唔想留喺身體入面太耐
人馬
|
ruruko 發表於 18-12-21 02:57
我等到今日都仲冇啡冇紅
我等唔到喇,約左聽日見醫生,因為再等多一星期
就聖誕節,醫生大部分都出門旅行 ...

我好明白你的心情和情況...

我7/12 8周4產檢 心跳剛停了兩三天 之前6周都照到心跳 完全冇先兆

我覺得本身要睇你對藥有冇反應 好似我 食完藥 食埋止痛藥 都係得個痛字 仲要痛到急症 都排唔出 連血都流得唔多.... 咁唯有都係做手術...

但亦有好多人 可以自排 或者食藥/塞藥有效的。

但因為我已經用左藥 醫生唔建議我拖太耐 始終胎long本身好有營養 但胎死後 啲營養keep住響子宮 好容易會發炎 發炎仲大件事 所以7/12确定冇心跳後 18/12就做手術 自己都掙扎左一星期。


Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽