之前睇過話,美國自己領養本地嘅話,會有非常多手續同麻煩,需要好多 interview 同埋係「親生父母揀你,唔係你揀人地個 B」。好多條件唔係差,養得起小朋友嘅家庭,都有機會被 DQ,或者搞好多年先可以領養到。美國仲有一個要求,就係兩公婆加埋唔可以超過 100。仲有如果個 B 有兄弟姊妹,又會有機會要你一次過養埋佢地。如果個小朋友係年幼,個親生媽媽係可以爭返黎養。同埋美國領養,好多時候係 “foster”,大個要還返個仔女畀親生父母。
中國 d 手續好簡單,唔洗 interview,唔洗點資產審查,就算有兄弟姊妹都唔會強迫你湊埋佢地(職員甚至驚你怕要養兩個,會唔講有兄弟姊妹),合眼緣,夠錢就可以帶個 B 返美國。其他國家例如韓國、非洲國家都係好簡單。同埋始終隔個海,擺得仔女去領養,都好少會返轉頭,外國人唔洗咁驚個親生父母搞著佢地。我仲好似睇過分享話,中國孤兒比較少親生父母係毒癮同酗酒,東歐、美國本土會好多。