醫療險一定要睇清楚包乜唔包乜,咪俾人老點

天道酬勤
|
本帖最後由 天道酬勤 於 18-12-19 18:27 編輯

未share前,了解下我地已經有的醫療福利先。

普通科門診50元
急症室180元
急症病房120元/日

香港真係福地,醫管局喺政府有限預算下善用資源,香港人亦得到世界級的醫療服務,令鄰近地區人士羡慕。

除左由醫管局管理的醫院同埋診所,以下機構對唔同病人都有幫助:

對自費藥有資助的機構
撒瑪利亞基金
關愛基金醫療援助項目

對末期腎臟病人有幫助的機構
香港腎臟基金會 (免費借出洗肚機)

對癌症病人有幫助的機構
泰山公德會 (提供防癌及治療資訊)

公立醫療服務水準高收費平自然多人搶,因此門診要提早一日預約,而且名額好快會被人搶曬;急症室輪候6-8個鐘先見到醫生係常事;病床使用率over 100%,病人瞓走廊都習慣曬。以上提及的乜乜基金,想申請佢地的資助服務都要經過嚴格資產審查,一般中產家庭好難申請到呢類基金資助。

呢個forum成日有人話醫療險唔係必需品,佢講得啱,因為佢已經財務自由,萬一需要用到一D貴價自費藥都afford到,唔駛向親友籌錢。

既然只係消費品,就預估下人一生中有無機會會用到佢。











呢3幅圖來自某保險公司內部某年某季度賠償記錄,見到佔大頭的都係癌症,佔左七成以上,再睇下衛生署的數據:







致命疾病仍然係癌症居首,不過佔比已經降左唔少,證明依家呢個年代癌症係有好大機會醫番好架。

近十幾年醫療技術同埋藥物研發進步神速,舊時的絕症好多已經有藥可醫甚至已經有疫苗。
2003年梅豔芳因子宮頸癌病逝,2006年防子宮頸癌疫苗問世。
瑞士諾華藥廠的格列衛2001年獲FDA批准上市,呢隻藥令原本只有9-20個月命的慢性骨髓性白血病患者可以如常生活,係神奇的續命藥,但藥費超貴。(來緊有一套電影我不是藥神會喺聖誕節後香港上映,套戲所講的就係呢隻藥)
以Keytruda為代表的癌症免疫治療藥物近年亦被引入香港,佢可以令末期肺癌患者壽命平均延長30個月,藥費亦係同樣超級貴。

住院醫療險主要係俾D未財務自由的人投保,提供的保障細項好多,重點包括(一)住院治療費,(二)藥品費,(三)地域保障。

受保人無論係住私家醫院或公立醫院,住院費都可以claim,而買左保險的人梗係想住私家醫院,又唔駛排隊,病房環境又比公立好,體驗上自然有升級感覺,但治療效果跟公立接近,收入較低或者精打細算的人會覺得無乜吸引力。

依家仲有好多人覺得政府醫院係包醫包藥,呢個係啱架,醫生會根據病人需要處方醫管局藥物名冊內的藥,但係如果病人想用一D效果更好的外國新藥,就要自費,好似小可仁個case,用政府免費藥生存機會二成,自費用免疫療法藥物生存機會五成,俾你係父母會點簡?

好多醫療險提供的保障地域都唔止香港,就算出外旅遊有事入院都可以claim,但我要講的重點唔係將佢當一份旅遊保險用。有一種新型治療癌症方法叫質子治療,呢部質子機現時香港係無,大陸有、臺灣有、美國同日本更多,如果份醫療險有cover呢D地區,就可以用呢種目前公認係世界最先進的治癌方法,增加生存機會。

好多人買醫療保險都只係留意第(一)點,住乜野級數病房?保額夠唔夠大?保費貴唔貴?

但係,我反而覺得第二同第三點最緊要,以癌症為例,治療藥物同治療方法發展得好快,可惜並唔係所有公司都包免疫治療藥同質子治療呢,以我做過research的三間公司為例,只有一間涵蓋範圍較廣。





不過Ⅹ邦都有一樣唔好,就係批賠償嗰part都幾嚴,往往會睇下係咪有醫療需要,例如住院照腸鏡,喺claim錢時公司一定會問醫生,了解病人有乜特別情況需要住院照而唔用日間手術型式做?如果對答案唔滿意,就只會批日間腸鏡手術賠償,差額就受保人自己孭。不過都有解決辦法的,遲D講。



大力大力
|
本帖最後由 大力大力 於 18-12-18 18:43 編輯

又是你的功課 ?


保柏祗專做醫保,沒AGENT(少左成本)但有24小時CS服務,亦有熟悉醫療專業職員,可以立刻比到醫療意見~

唔似其他保險公司,掛羊頭賣狗肉,因醫保無肉食而佣金超低,AGENT ㄧ定狂Sell 妳公司其他高利潤產品,唔等洗野如....(儲蓄保/教育基金),煩死~

保柏互通保額」計劃 
http://www.baby-kingdom.com/forum.php?mod=viewthread&tid=14562281
天道酬勤
|
繼續講番點簡plan,用case來分享,睇下呢個:

免疫治療未入藥物名冊 癌症末期老翁藥費40萬 哭訴憂成子女負擔
https://www.hk01.com/%E7%A4%BE%E ... 3%E8%B2%A0%E6%93%94

70歲的陳伯今年2月確診患肺癌四期,醫生建議他接受10針的免疫治療療程,已退休的他積蓄不多,要支付每針4萬元的免疫治療,唯有求助於子女及弟妹,整個40萬元的療程,現時仍需再繳付8萬元才可完成。

打針後,陳伯肺內腫瘤有縮小,不過談及孝順的子女負擔沉重,陳伯隨即老淚縱橫:「有時諗起都好(心)酸。」他指,現時的處境是「頂得幾多得幾多」。

有機構為陳伯在網上發起眾籌,惟目前籌得的金額不足以支付半支針費,陳伯最希望的都是當局可考慮將免疫治療藥物納入安全網,令處境相近的病人都可申請資助。

陳伯去年做過身體檢查,當時並無大礙;至今年1月,陳伯開始咳嗽,右邊胸口疼痛,他先到公立醫院求診,照肺時發現有兩處陰影,惟待公立醫院的電腦掃描確定病因需等大半年,陳伯的子女花費萬多元安排他2月底在私家醫院接受電腦掃描,其後確診右肺長出兩個惡性腫瘤,已是第四期。

他的咳嗽由3月開始加劇,背部疼痛令他夜裡無法進睡,至今年6月開始注射免疫治療藥物匹博利組單抗(Pembrolizumab),第三針後疼痛不再,至第五針後腫瘤有所縮小。

藥費共四十萬 需求助於親人續命 無奈且感心酸

受訪這天,陳伯在酒樓吃過「孖寶」: 一盅飯及一籠點心,連同茶芥收費,少於四十元。他11年前退休,年初妻子因病離世,現時獨居於公屋,收入僅得政府的長者生活津貼,以及幼女每月給予的數千元家用,面對的負擔卻不成正比。

陳伯指免疫治療每針39,996元,「四萬蚊,仲有4蚊找」。醫生指標靶藥物不適用,陳伯怕自己捱不過化療,選擇了免疫治療。醫生建議先接受共10針的療程,每三星期注射一針,藥費近40萬元。

翻開陳伯的「紅簿仔」,內裡的儲蓄不足6萬元。要醫病,惟有求助於親人,陳伯至今已注射8針,32萬藥費中,有12萬由弟妹幫忙,餘下20萬元由四名子女分擔,這個決定著實不易。「仲有兩針,唯有辛苦班仔女…」語未畢,陳伯的淚水已然落下,但他仍哽咽地說完:「有時諗到都好(心)酸」。

子女各自成家立室,為人父者自然不想成為子女負擔,但人算不如天算,他的子女坦言「頂得幾多得幾多,頂唔到先再算」,餘下的8萬元藥費未知能否撐過,至於兩針過後是否需再打針仍是未知之數。

網上眾籌暫僅獲九千元 未能支付半劑藥費

協助陳伯發起網上眾籌的是關注癌症病人的癌症資訊網慈善基金,眾籌發起逾兩星期,暫時籌得約九千元,惟這個金額尚不足以支付半劑免疫治療。

現時陳伯所用的免疫治療藥物仍未納入藥物名冊,按現時藥物資助計劃下的新經濟審查機制計算,若該藥被納入安全網,陳伯的情況應可獲得全額資助藥費。陳伯指現時最渴望注射完10針後可以得到醫生指示轉藥,亦希望政府知道有這一批無力自費買藥的病人,可以提供補助,「唔係要全費,睇嚇點樣幫輕嚇我哋就得」。
大力大力
|
天道酬勤 發表於 18-12-18 17:08
繼續講番點簡plan,用case來分享,睇下呢個:

免疫治療未入藥物名冊 癌症末期老翁藥費40萬 哭訴憂成子女 ...

如果合資格(無錢),政府不是全費援助嗎?

尤其基層,生活猛猛緊就一定不要供保險,有事下下送入私醫, 入院一两日, 驗勿驗勿埋單幾萬,要先付款才入表索償, 如果沒積蓄可能要先問親友借,如果索償不到便會留下債項~

一句到尾,在香港保險不是必需品,而是消費品~
大力大力
|
小朋友尤其BB,因為不懂表達,政府醫生都會特别緊張照顧,為安全起見,一般也容易留院~

我從小及我子女(老父教的),一般發燒感冒,就算在晚上等不到了早上,都是先一定看私家醫生或私院門診,喉嚨發炎會高燒3~7天,祗要孩子精神進食,不用擔心,如果咳嗽發燒有痰,要小心是肺炎...

一般家庭醫生药是三天,抗生素是食5天,如果孩子食药三天沒什麼進展,再睇會問醫生情况,再開药三天,其實孩子沒胃口,沒精神還發燒,咳嗽.......要考慮入政府急症室,記著帶理孩子之前食過的药,給分流的姑娘看,在這些情況下一般 90%都會收入院,我們會執定留院的用品,自已的厚褸,因為醫院很冷~
大力大力
|
唔好比 agent 點,班人成日話早買平,年紀大就買唔到平保險,根本係呃神騙鬼~

年紀輕保費當然平,所以騙子便呃客,買供10/20 年唔使供保一世,但這世上是有通脹,到客人年齡大左,每年保障額不變下,賠償金額便不停眨值,直至變成好少~

60年前人工每月袛有100元,即今日的100萬,到60年後祗有1萬的購買力,根本就是騙案~

所以 agent 成日坤客話 : 同妳詳細睇過以前份保單,由於通脹,保障額明顯不足,要加大或買多份~ :laugh2cry:



可以參考一下~

阿女星期六深夜入左急証室.....留院...出左院鳥~ http://www.baby-kingdom.com/forum.php?mod=viewthread&tid=4618703
天道酬勤
|
陳伯呢個case用既係免疫治療藥,唔係標靶藥,只係X邦有得賠,其餘兩間無。X邦的基礎醫療plan,對每一項醫療支出都設定限額,級別唔同、限額都唔同。普通房、半私家房、私家房三個級別中,私家房級別對免疫治療藥費的cover只係21萬,如果買埋(SMM)額外醫療保障,扣除15%自付後可以claim多36萬,都夠,但係......70歲人每年保費要6萬零蚊,如果呢個療程完結後,醫生要佢再做第二個療程,就唔夠啦。X邦基礎醫療險係以每個病症計,連埋(SMM)額外醫療保障,陳伯claim肺癌藥最多都係21+36=57萬。就算係跨第二第三年,都唔會重新計算,呢個係X邦基礎醫療險的限制。

同一間公司有另一隻高端醫療險,亞洲版保費貴一成,陳伯買要6萬6,每年最多賠1千萬,對藥品費無分項限制,呢款野就可以包曬陳伯所有醫療費用支出。
大力大力
|
天道酬勤 發表於 18-12-18 17:08
繼續講番點簡plan,用case來分享,睇下呢個:

免疫治療未入藥物名冊 癌症末期老翁藥費40萬 哭訴憂成子女 ...

本帖最後由 大力大力 於 18-12-18 18:13 編輯

請教一下閣下.......

其實70歲可以買什麼醫保,可以每月食標靶藥食幾年呢?


哦,原來每年6萬幾一年, 香港男人壽命平均年齡84 我當佢供70歲起供十年,即80然萬啦~

當佢75歲相信會加到十幾萬一年了~
天道酬勤
|
本帖最後由 天道酬勤 於 18-12-19 18:31 編輯

係吖,6萬幾蚊一年,年紀大買醫療險好貴架,唔似後生時每年只係幾千蚊,不過都有方法降低保費支出架,就係善用高端醫療險的墊底費。乜野係墊底費?就係每個保單年度某個金額的醫療支出要自己孭,墊底費以上的費用先claim到。

保險公司的諗法係,俾個折頭買有墊底費版本的人,佢地唔會因為一D小問題就入私家醫院,因為細數目係claim唔到,claim的次數就少左。

而好多人直覺一聽claim唔足會好刺耳,其實大有學問,例如呢隻亞洲版本plan,最高墊底費2萬5,保費係無墊底費的42折左右。如果係0歲BB買,無墊底費版本保費8000(點解會平過普通醫療plan私家房+SMM架?我都唔知),2.5萬墊底費保費3360,差咁少梗係買無墊底費版本啦。

但係到左陳伯70歲呢個年紀,2.5萬墊底費版本每年保費係2萬8蚊,無墊底費就要6萬6
計一計,保費2.8萬+墊底2.5萬,自己俾5.3萬之後就可以claim足,比無墊底費版本平左1萬3。如果當年無入院,就慳左3萬8,連續2年無入院,就慳左超過7萬,墊底費仲可以減免D添。

無論係40萬、6萬6,2萬8,對已經財務自由的人來講都係濕濕碎數目,唔知佢入我post留言想做乜,但對普通人來講唔係一筆小錢,不過,每年2萬8即係每個月2千幾蚊陳伯同仔女之前應該負擔得起。保險係一種轉移風險的金融工具,可以當佢係牛熊証、股票期權咁分析下佢的條款,計下數,分析完都可以唔買架,理性D對待佢啦。
大力大力
|
天道酬勤 發表於 18-12-18 18:08
係吖,6萬幾蚊一年,年紀大買醫療險好貴架,唔似後生時每年只係幾千蚊,不過都有方法降低保費支出架,就係 ...

唔好呃人叫人後生買啦~

這個世界是有通脹的,20歲買70歲先有事,50年後賠償額不變,到時只得雞碎那麼多~
天道酬勤
|
本帖最後由 天道酬勤 於 18-12-18 18:26 編輯
大力大力 發表於 18-12-18 18:04
請教一下閣下.......

其實70歲可以買什麼醫保,可以每月食標靶藥食幾年呢?

X邦我講的兩隻70歲係最後入保機會,可以食多幾年就要睇下佢夠唔夠命硬,我只係用理財的角度提供意見,對疾病的治療要信醫生。
大力大力
|
天道酬勤 發表於 18-12-18 18:21
X邦我講的兩隻70歲係最後入保機會,可以食多幾年就要睇下佢夠唔夠命硬,我只係用理財的角度提供意見,對疾 ...

本帖最後由 大力大力 於 18-12-18 20:11 編輯

請問,保險同命硬有什麼關係呢?

其實香港男女,平均年齡全世界最高,男84歲女87歲, 衛生署話再過多十年,男女平均壽命 還會增加多3歲~

又請問,甘由初生BB買到80歲,80年保險費一共要付出多少錢呀?

真係唔係好識計~
steven1110
|
留番啖氣暖肚
大力大力
|
steven1110 發表於 18-12-18 20:12
留番啖氣暖肚

叻!叻!
天道酬勤
|
本帖最後由 天道酬勤 於 18-12-19 18:35 編輯

第二個case,就用番小可仁呢個,唔知呢個case內容可以睇番

https://www.baby-kingdom.com/for ... 509&fromuid=2389140

報導中知道小可仁爸爸係醫生,媽咪係學校老師,對未出世前的BB應該已經做過詳細產前檢查,排除左唐氏綜合症等的先天性疾病至生佢出來。

無奈BB出生第4日已經發現心臟有問題,要做手術,到依家第17個月更發現患有一種罕見癌症,只能寄望新的免疫治療藥物能提高BB的生存機會。

睇完報導或者好多人會奇怪,大仔已經有自閉症,醫生爸爸應該比任何人更清楚公立醫院包醫乜唔包醫乜,點解唔喺BB一出世時就買份全面的醫療保險呢?佢會唔會好似某位C兄咁本身就極之討厭保險的呢?

可能醫生爸爸都有投保的打算,但保險公司對入保時間有限定,唔係一出世就可以買,而且都不謀而合咁規定由第15天開始至可以投保,Maybe保險公司內部有統計過,知道BB仔出世15日內夭折率好高,所以都統一規定新入保年齡由15日-XX歲。而小可仁就咁唔好彩,出世第四日就已經發現心臟有問題要做手術。

咁手術後呢?依家都17個月大啦,唔通醫生爸爸真係同某位C兄一樣完全無諗過幫佢屋企人投保?醫生爸爸點諗我梗係唔知啦,但係我知道保險公司對啱啱做完手術的人投保態度非常謹慎,一般都唔會批。唔係拒保,係要求投保人遲D再申請,觀察下受保人健康變化一段時間先。呢段觀察期少則一年,長則超過5年。就算醫生爸爸喺手術後再為BB投保,結果都會係唔批。

咁由出世到15日呢段空窗期真係無辦法用保險cover?咁又未必,我知道X柏環球(唔係先前講的X柏亞洲)有份高端醫療險,如果媽咪係受保人,仔女一出世就自動入保,仲可以免費保到小朋友10歲,對疾病治療形式同藥品都無嚴架限制,咁媽媽同BB兩人都有無縫的保障,咁當然保費唔荒平啦。

做父母或者準備做父母的,如果諗住幫小朋友投保,就要自己做多D功課啦。
天道酬勤
|
大力大力 發表於 18-12-18 18:25
本帖最後由 大力大力 於 18-12-18 20:11 編輯

請問,保險同命硬有什麼關係呢?

人命係無價,何況係自己仔女,當仔女有病需要用錢去醫時,你又點計?

另外,醫療險係一年一年咁續,投保時唔駛簽契約一定要續保到80歲、一定要俾錢到80歲,但係保險公司一定要保證續保,如果投保後患上奇奇怪怪的病,要一直claim錢,保險公司係無權斷單。

仲有,有D保單賠償額係每年重新計算,有D係以每個病症計算,投之前要了解清楚條款。

以上只有第一句係回你,其他兩段係寫俾追post的其他人睇。

天道酬勤
|
我喺頂樓有提及兩種新型治療癌症方法,免疫治療同埋質子治療,咁呢兩種新方法相較公立醫院使用的化療和電療,有乜優勢呢?睇下醫生點講。


免疫治療藥費 每周2萬難負擔

https://topick.hket.com/article/ ... 3%E8%B2%A0%E6%93%94

醫學界近年研發過百種免疫治療藥物,惟藥費高昂非人人可負擔。有醫生認為,癌症已成慢性病,其中免疫治療每周藥費可高達1至2萬元。

養和醫院臨床腫瘤科專科醫生羅振基早前接受本報訪問時表示,癌症已成慢性病,認為與環境因素、西方飲食或女士生育率有關。他指出,一個化療療程只需數千元,一般只需數個療程;惟免疫治療雖然能有效治療癌症,延長存活期,但平均每周需1、2萬元。他認為,藥物只會愈來愈貴,坦言從前一標靶藥1個月需約萬餘元,到現在已是2、3倍價錢,惟存活率可延長一倍,變相藥費高4、6倍。

臨床腫瘤科專科醫生梁廣泉則指出,現時本港有2類已註冊及經醫學證實的自費藥物,包括免疫藥物抗PD-1抗體及抗PD-L1抗體,用於非小細胞肺癌、黑色素瘤、腎癌、膀胱癌、淋巴癌、胃癌及肝癌,但乳癌並非範圍之內。

梁又指,醫學界亦有利用T細胞消滅癌細胞的嵌合抗原受體T細胞療法,上年已獲准在美國20幾個醫療中心使用,主要用於治療兒童白血病,但治療費用需約400萬港元一次,本港暫時還未引入此項技術。



質子治療副作用低 兒童抗癌救星

https://health.mingpao.com/%E8%B ... %E6%95%91%E6%98%9F/

【明報專訊】質子治療,是利用「質子束」對準癌細胞,將最大劑量的輻射準確地投進癌細胞,避免了殘餘劑量影響正常細胞。

歐美亞洲先進國家,早已先後開設質子治療中心並投入服務,唯獨香港遲遲未有。本報獨家專訪美國質子治療專家黃步賢,他表示近年愈來愈多研究證實質子治療對兒童癌症特別有利;加上質子治療近年成本下降,香港應考慮在下月啟用的啟德香港兒童醫院引入新技術。

放射治療(俗稱電療),用於直接或輔助治療癌症已超過百年,當中發展出數碼導航刀(CyberKnife)、影像導引放射治療(Image Guided Radiotherapy,簡稱IGRT)、螺旋刀(Tomotherapy)等不同新技術。但數到近年發展快又受醫學界注目的,非質子治療(Proton Therapy)技術莫屬。

黃步賢,曾在2002年於美國西雅圖瑞典醫療中心(Swedish Cancer Institute)擔任首席醫學物理及新技術主任,現為美國西雅圖癌症護理聯盟(Seattle Cancer Care Alliance)質子治療中心醫學物理及輻射劑量學總監。他表示質子治療早在1946年於美國已開始研究,今天已列入不少國家及地區醫療體系的未來規劃之中。

定點擊破腫瘤 減少殺死正常細胞

究竟質子治療可為癌症病人帶來什麼好處?

黃步賢解釋,傳統的放射治療與質子治療,治療過程都十分相似,不過對正常細胞的影響卻大不同。「傳統放射治療主要是利用輻射(X光)破壞癌細胞中的染色體,令癌細胞死亡。輻射線必須經過身體正常細胞才能到達癌細胞,而且輻射線必須以高劑量射入體內,到達腫瘤位置後才有足夠劑量殺死癌細胞,而輻射線在照射完癌細胞後,殘餘的輻射線會繼續穿越之後的正常細胞。因此傳統放射治療不單會殺死癌細胞,同時亦殺死大量正常細胞,因而引發不同程度的副作用。」例如鼻咽癌病人接受傳統放射治療後,有口乾、喪失味覺等後遺症,正是輻射線將正常細胞殺死的副作用。

至於質子治療,是利用經過加速的質子形成「質子束」照射癌細胞。由於質子束的速度快,進入身體初段只會釋出低輻射量,但當與腫瘤接觸後,便一次過完全釋放所有輻射,將癌細胞殺死。「進入身體過程中只會殺死小量正常細胞,而在攻擊完腫瘤後又不會有多餘的輻射影響其他正常細胞,因此副作用比傳統放射治療少。質子治療適用於實體癌症,包括腦、中樞神經、顱底、眼、頭頸、消化系統、前列腺等癌症,與傳統放射治療相似。」

質子療程貴 但長線較省錢

質子治療雖然具有不少優點,但貴價儀器導致治療費用高昂,根據黃步賢提供的資料顯示,一名5歲患有髓母細胞瘤(又稱:成神經管細胞瘤,Medulloblastoma)的兒童於美國接受質子治療,一個療程便約需12,000美元(約9.68萬港元)。但他同時指出,若把日後副作用的影響一併計算,兒童癌症病人使用質子治療更合乎成本效益,「傳統放射治療所帶來的副作用,部分是暫時,但亦有可能是永久;如果老人家沒有味覺,相對影響不大,但對兒童來說會影響一生」。

髓母細胞瘤是兒童常見腦癌之一,增長快速,可擴散至脊椎中樞神經系統,病人以手術切除腫瘤後,要接受全腦全脊髓放射治療。根據2005及2016年在American Cancer Society刊登的研究報告指出,患上髓母細胞瘤的兒童,接受傳統放射治療後出現的副作用包括IQ受損、失去聽覺及生長激素缺乏症。而在為期15年的追蹤研究中,質子治療比傳統放射治療的費用高出一倍多,但若同時計算之後因副作用而出現的治療費用,傳統放射治療反比質子治療高出大約8倍,而整體的醫療費用,傳統放射治療比質子治療高約2.6倍。

近年儀器體積及價錢下降

質子治療能減低副作用,從而減少日後的醫療費,但由於科技限制,令這種技術未能普及。黃步賢說當中涉及儀器、所需空間等因素,「質子治療所使用的儀器體積龐大而複雜,在四五年前,單是儀器便要一個籃球場的面積,甚至更大才容得下,價錢亦相當昂貴。但近年相關儀器的體積及價錢皆大幅下降,要製作一間質子治療房間,大約只要半個籃球場便可放置相關儀器,所需金額大約是2000萬至2500萬美元(約1.57億至1.96億港元)。儀器一般可以使用10年甚至20年,這個投資數目其實並不高」。
大力大力
|
天道酬勤 發表於 18-12-18 22:45
第二個case,就用番小可仁呢個,唔知呢個case內容可以睇番

https://www.baby-kingdom.com/forum.php?mod=r ...

本帖最後由 大力大力 於 18-12-19 06:24 編輯

把保險公司的教材,貼上來完全沒有用的~

你仲未答我,如果客人問妳 :由初生BB買到80歲,80年保險費一共要付出多少錢呀?

我粗略估計,假設當世上没有通脹,也需要200~300萬吧~


老師你唔識签或不敢答呢?
天道酬勤
|
大力大力 發表於 18-12-19 06:21
本帖最後由 大力大力 於 18-12-19 06:24 編輯

把保險公司的教材,貼上來完全沒有用的~

你將人地的經歷,新聞的報導當係教材?

咁你可唔可以計埋養個小朋友要幾錢?從佢一出世到80歲會使你幾多錢?養小朋友的回報率係幾多?因為買幾件靚衫、俾好的居住環境俾佢、俾優質的醫療環境俾佢,令到自己儲少左錢,係咪罪過?唔知你點對D仔女,但Forum度都有其它媽媽為仔女咁做,呢D對仔女的愛又可唔可以量化?
大力大力
|
天道酬勤 發表於 18-12-19 09:59
你將人地的經歷,新聞的報導當係教材?

咁你可唔可以計埋養個小朋友要幾錢?從佢一出世到80歲會使你幾多 ...

做保險最喜歡剪報,把意外疾病,作為銷售資料~

仔女供到大學畢業,便可以甩身,而且有回報(可能有家用)~

閣下重還未答我 ,由BB 两夫婦供到80歲, 保險要一供多少錢?

要迴避 ,這根本是一條簡單的數學問題~
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽