老公覺得我好少氣

brima
|
本帖最後由 brima 於 18-12-19 08:51 編輯

嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔個女㷛淨低食唔曬嘅薑醋(叔仔個女大我囝8個月)我地當然冇要,我呀爸幫我預備過。
到細女出細時,2老冇探佢,3個星期之後就到我家帶走一㷛薑醋派比人。打後2年我女生日會請佢地都冇來。
究竟係我太少氣?大家覺得係咪我好有問題,咁都記咁多年!
呢件事我放唔低,每逢有家庭聚會我都去得好唔開心!我囝話我直頭黑面。

heidys
|
事件證明親疏有別,又唔駛嬲親自己嘅。
順水推舟,你咪擺明親疏有別囉。照交戲囉。
閒人搞到自己唔開心就無謂。
kaman0617
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

不被專重你嬲都係人之常情,人地都唔在乎你咪由佢地囉,你米飯班主又唔係老爺奶奶,自己同啲仔女開心過日子就可以,唔需要理佢地點諗自然會開懷啲。
sweetiesbear
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

有一年我咳左一個月,咳到差唔多完
99從來唔比湯我飲,N年被比過野我食
竟然突然有一碗湯飲
原來係叔仔咳99煲比佢,飲剩比我
但我無飲叫老公飲左佢、我有少少骨氣的

(實會有人話我有湯飲仲唔知足太貪心、恐怖言論一概不覆、打左底先)
brima
|
相隔咁多年我係記住嘅。但係最近因為要聚會我唔去, 大家重提呢啲事,我老公係咁話我小氣
crystal媽咪
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

手頭緊也可普通同佢哋食餐飯,不過過咗都算啦。 你阿仔話你黑面,應該睇得出你真係唔開心。

算啦。去到唔開心無謂成日去, 我都係間中出席
KILW
|
brima 發表於 18-12-19 12:16
相隔咁多年我係記住嘅。但係最近因為要聚會我唔去, 大家重提呢啲事,我老公係咁話我小氣
...

好明白隔左好多年係都會記住。我個人經驗係,你要明白你永遠唔係同6299係一家人,你就算係咪小氣都無必要比老公知,因嗰d係佢家人,佢地一家嘅,當然唔覺有問題,觀點角度不同,已無必要同老公傾。所以將來佢地有咩事,唔該佢地一家人自己處理,記住我呢d外人黎就得。
吹吹水
|
無話少唔少氣,個人感受。
但係你同c6講佢梗係話你少氣,你仲要黑面黑到連你個仔都知,你話係啱啱發生,你都可以拎出嚟嘈吓,過咗咁耐你而家先再提,你老公想你繼續出席聚會當然話你少氣。
不過唔想破壞夫妻感情最好都係,佢哋煩唔到你,你都唔好黑面黑得咁明顯,有啲男人都幾幾樣嘢, 到時嘈起交上嚟就唔好。
docomo
|
sweetiesbear 發表於 18-12-19 12:13
有一年我咳左一個月,咳到差唔多完
99從來唔比湯我飲,N年被比過野我食
竟然突然有一碗湯飲

你都咳到就嚟好番,如果飲左佢碗湯,實話你全靠佢碗湯先至會好番
Solarflare
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

本帖最後由 Solarflare 於 18-12-20 18:09 編輯

所謂坐月仇記一世, 好正常既。
你會記咁耐係因為事件發生之後你老公 (作為中間人) 無好好做佢既調解角色。而係由得你係度嬲, 希望你嬲完就算。但佢要知道, 你唔係奶奶個女, 你係一個外人! 外人唔同仔女, 你得罪左外人, 人地都會記你一世啦! 仔女就話嗌完交過多一排唔記得啫... 新抱.. 無乜可能。

好多人都話嫁左入去就係奶奶個女, 但感情上跟本無可能做到, 因為事實係, 奶奶無養過你一日喎。你邊有可能感情上當佢係阿媽, 樣樣野都原諒佢呢?

所以唔係你小氣, 而係你c6 太自私, 淨係係自已角度出發去諗野。
做個靚太
|
唔覺小氣喎!佢地嘅表現,連朋友都不如,你點樣可以當無野?
同你老公講,感情需要培養,但係6299無俾到機會大家去培養,唔係小氣,只係唔熟je!
luckybaby2011
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

唔小氣、係佢父母梗覺無問題啦
luckybaby2011
|
做個靚太 發表於 18-12-20 18:12
唔覺小氣喎!佢地嘅表現,連朋友都不如,你點樣可以當無野?
同你老公講,感情需要培養,但係6299無俾到機 ...

我老公仲好笑、成日話好親好親、實質朋友都不如
CMMANDY
|


樓主, 我覺得你嬲, 係好啱呀! 你為他們家, 生的第一個孫, 他們唔幫妳煲薑醋,仲耍為面子, 叫妳用人哋吃淨的薑醋, 簡直係無體會妳的感受, 什至無尊重妳, 無感激妳為家門添丁而高興, 唔錫妳bb, 令妳不被重視而有難過氣憤的感覺, 到第二個bb出世, 只係為左自己面, 拎走薑醋派街坊, 一d 都無為妳做什麼, 其實, 煲薑醋唔容易架, 買料, 替補材料, 也好講技巧, 仲耍拎呢?? 直頭洗埋襯家的心血, 令樓主肉赤和無面子, 因為老爺奶奶唔識做人, 令妳委屈和心痛, 總括來說, 妳覺得老爺奶奶唔錫妳,什至妳的囝囡, 妳不被重視和尊重, 妳好唔甘心


唔好介意我咁講, 你老公幫唔到妳出一口氣, 保護唔到妳的感受, 無企在妳角度去想, 令妳難受, 妳更加應該要調教佢呀!
brima
|
CMMANDY 發表於 18-12-23 14:12
樓主, 我覺得你嬲, 係好啱呀! 你為他們家, 生的第一個孫, 他們唔幫妳煲薑醋,仲耍為面子, 叫妳用人哋吃淨 ...

多謝你完全能體會到我的感受。我老公平時都好錫我,但呢件事上面佢冇企過係我呢邊!令我好難受,咁多年來都冇撐過我呢樣嘢,我亦為左咁哭過好多次。
木土土
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

其實也不是大事,對你完全無損失,唔值得嬲咁耐放唔低!

仲同老公為咁既舊事有爭拗,無論呢d叫小唔小氣都好,你再咁唔放低,其實係跟自己過唔去令自己生活不好過!
kmyi0_0
|
brima 發表於 18-12-19 08:46
嬲老爺奶奶!之前後生時為左錢,冇同佢地做生日(有一兩年手頭好緊)之後到大仔出世時,我奶奶叫我用我叔仔 ...

叫你食人地食剩既薑醋授受唔到,其實唔想整可以買現成,唔想比錢可以唔好提!
jojocatjojo
|
本帖最後由 jojocatjojo 於 19-1-12 05:12 編輯

回覆 CMMANDY 的帖子

我奶奶都係咁,自己乜都唔郁,為咗面子成日想我幫手招乎佢啲親戚朋友,我哋曾經一齊住過半年 ,又因為同住時將媽咪買俾我嘅黃耳同螺片送俾人,話太多食唔晒,我老公知道後選擇唔鬧佢,但要佢即刻要買番俾我,叫佢呢半年乖乖地,唔好再攪我啲野。
樓主你一啲都唔小氣,仲好正常,講真9962又無養過我哋,我哋亦好難有咁大愛無私嘅心去照顧兼包容佢哋,所以每次見面時大家客客氣氣和氣完場就算,慳番啖氣同自己媽咪傾計好過
莫失莫忘
|
木土土 發表於 18-12-27 16:36
其實也不是大事,對你完全無損失,唔值得嬲咁耐放唔低!

仲同老公為咁既舊事有爭拗,無論呢d叫小唔小氣都 ...

我都覺唔係好大件事, 搞到自己咁唔開心好唔值。可能我唔太傳統又唔太鐘意食薑醋, 99唔煲咪由佢。佢唔珍惜同孫仔孫女既時光佢自己損失, 第時D孫大個都唔會親佢。希望樓主可以釋懷放低件事禮禮貌貌出席男家活動便可,咁可以做個榜樣俾小朋友(你都話阿仔都留意到你黑面),又俾面老公。
mother904
|
唔覺得你小氣,但處理方法可以成熟d。99擺明親疏有別,你都可以,當佢係外人一個就得,對外人你唔會黑面,你無需要頻密出席佢地聚會,但出席時唔好黑面,對佢地只需要客氣地冷漠就得,你老公亦冇野可以話你。

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽