婚外情愈耐時間愈難分?

AudiQ7
|
最近發現C6有婚外情,嗰個係佢個Ex,因為拍拖嘅時候我問過佢啲情史,我認得嗰個女人,佢哋應該識咗好多年,我記得佢嗰陣時話,好鍾意呢個女仔,但係因為自己衰,有女朋友走去追人,結果一齊左好短好短時間,佢哋就分開咗。然後C6搞掂晒所有嘢,再搵呢個女人,佢已經唔肯再同佢一齊。

所以睇相一眼就認得呢個女人,其實準確地我唔知佢哋開始左幾耐,但佢哋之間認識,一定耐過我同C6,只係我係我C6拍拖最耐嘅女朋友。


AudiQ7
|
AudiQ7 發表於 18-12-19 10:48
最近發現C6有婚外情,嗰個係佢個Ex,因為拍拖嘅時候我問過佢啲情史,我認得嗰個女人,佢哋應該識咗好多年, ...

拍拖七年,結婚兩年,小朋友就快一歲。
到底婚外情係時間耐左越難甩?定係時間耐左,會厭倦,易甩啲?

我偷睇佢哋嘅對話內容,C6冇話過會為咗佢離婚。但係如果有一日穿咗,C6話會揀佢。好傷心,如果唔係好奇睇佢電話,我完全冇諗過佢會有婚外情。平時佢好就我,我脾氣唔好,佢一直都好忍讓我。

有咗到而家,我哋差唔多兩年冇性行為。咁耐以來佢只要求過一次,但大約已經係一年前嘅事。我睇返對話內容,原來C6應承咗個女人唔可以同我行埋,攬我同錫我都唔得。唔怪得知,雖然日常生活同照顧小朋友,佢都會仍然盡返個老公同爸爸嘅責任,但係就再冇掂過我。


AudiQ7
|
AudiQ7 發表於 18-12-19 10:49
拍拖七年,結婚兩年,小朋友就快一歲。
到底婚外情係時間耐左越難甩?定係時間耐左,會厭倦,易甩啲?

我好了解我C6,我同佢拍拖嘅時候係好平淡,就算剛剛開始嘅時候,都唔係嗰啲好激烈嘅愛情。當初亦係因為拍拖拍得耐,我一直逼佢結婚,我知佢耳仔軟,最後佢應承咗。

但我睇返佢哋嘅對話來容,我知道C6真係好鍾意呢個女人,佢對佢嗰種愛,係我呢九年都未感受過。我知道佢份人,佢選擇得出軌,一定唔係一時衝動。我亦知道如果我而家攤牌,可能C6真係會選擇佢。

一直以來C6都忍受我嘅壞脾氣,我知自己都有唔啱嘅地方,俾佢寵到脾氣越來越差,但原來佢一直都係忍緊我。


AudiQ7
|
AudiQ7 發表於 18-12-19 10:49
我好了解我C6,我同佢拍拖嘅時候係好平淡,就算剛剛開始嘅時候,都唔係嗰啲好激烈嘅愛情。當初亦係因為拍 ...

我驚,如果我一直拖落去,佢哋越嚟越來就越難分?好多對話C6 delete咗,我唔知佢哋開始左幾耐,如果係啱啱開始冇幾耐,會唔會容易分開D?

我知C6係因為小朋友,家人朋友等等,所以先唔會貿貿然同我離婚。但我睇到佢地啲對話,我就好似一個局外人咁。C6話,佢個心已經放唔落其他人,只係得佢一個。佢話唔想再錯過佢,唔想人生再有遺憾。

C6係屬於理智型,如果佢選擇得開始,我知佢一定已經作最壞打算,唔會係玩玩下,氹住嗰個人。

如果我再拖,佢哋感情會越深?定係我繼續忍?等佢地慢慢變淡?
Nancy20090615
|
AudiQ7 發表於 18-12-19 10:49
C6話,佢個心已經放唔落其他人,只係得佢一個。佢話唔想再錯過佢,唔想人生再有遺憾。 ...

唔係拖唔拖的問題, 係佢已經落左个決定响心, 佢一定唔揀你揀條女. 如果你爆出黎, 佢可能真係因為小朋友尤豫一下之下, 詐帝話改, 但實則唔同个女人斷的機會好高. 睇黎, 你 C6 亦都討厭你到一个点你完全唔知. 就算你話為左段關係改都係徒勞, 只係你改到對你自己有益.
靚豬豬
|
唔係嚇樓主,睇牌面樓主輸左9成,個男人竟然可以答應第三者唔搞自己個太太,即係連敷衍交功課都費事做,建議樓主唔好拆穿住,唯有試下改變自己(改左d壞皮氣)睇下會唔會改善兩夫妻嘅關係
kc_01k
|
只有唔爆拖住先,唔爆亦未必冇事,因小三已知佢心意,慢慢會迫吓佢,佢腳步只會加快。你有錢就要多個旁身,得閑將自己扮靚啲,多啲朋友,自己都要搵吓街去。
ELSA_LI
|
人人都話寧教人打仔,莫教人分妻,不過我好衰,我份人如果俾我知道佐,我就要樣樣都要搞得清清楚楚,趁候生,可變就變,而且如果你有經濟能力,做咩要甘屈就自己,我會選擇攤牌,現今社會,無話邊個無佐邊個唔得,唔好念為佐小朋友,如果兩個大人無感情,小朋友大大下都感覺到
kittykit622
|
靚豬豬 發表於 18-12-19 11:41
唔係嚇樓主,睇牌面樓主輸左9成,個男人竟然可以答應第三者唔搞自己個太太,即係連敷衍交功課都費事做,建 ...

同樣見解,樓主搵定後路。男人如果係真愛,比女人愛得更死心眼。你地當年拍拖已平淡,佢又搵到自己真愛,地位上冇得比。如果想保留名份,唔好灘牌,因為一灘牌即死。
stella^^
|
kittykit622 發表於 18-12-19 11:56
同樣見解,樓主搵定後路。男人如果係真愛,比女人愛得更死心眼。你地當年拍拖已平淡,佢又搵到自己真愛, ...

我會放手成全佢無為咁辛苦自己!
20150618bb
|
AudiQ7 發表於 18-12-19 10:49
我驚,如果我一直拖落去,佢哋越嚟越來就越難分?好多對話C6 delete咗,我唔知佢哋開始左幾耐,如果係啱啱 ...
照睇你生活環境唔差,的男人唉
kittykit622
|
stella^^ 發表於 18-12-19 12:26
我會放手成全佢無為咁辛苦自己!

我係樓主都放手,對住一個唔愛自己既人好痛苦。可惜唔係個個女人都學懂呢個道理。
kc_01k
|
知係會傷心,但樓主都必須要行動,做足準備,畢竟有小朋友,錢,心態,建立自己朋友圈,坐度諗都冇用,行動要快,亦要忍住,到做好心理準備,佢有咩依郁,到時你會好好多。要堅強呀,諗太多會老,而家更加要扮靚,減吓肥,買化妝品護膚品。
koalamaggie
|
要有準備被飛,裝扮好自己重新出發,
如果佢唔郁,你自己又會點做?
忍,當冇事?
衝勁BB
|
睇黎拖唔到幾耐,樓主要有準備。
yau2012
|
如果你真係想再畀一個機會自己 ,你試下營造一個好氣氛,等你c6在好放鬆嘅情況下 好好食一餐飯或最好2個人去一次三日兩夜 ,然後夜晚你主動搞佢 ,如果咁樣佢都真係唔掂你,咁你就 疊埋心水好好計劃 自己以後嘅生活吧!
soso1227
|
如果我係你就暫時唔會攤牌,
改好大家嘅關係先,
你知道自己脾氣唔好就改下,
唔好淨係掛住湊仔,
再諗下如果真係分開你會點安排。
mini1204
|
"佢個心已經放唔落其他人,只係得佢一個。佢話唔想再錯過佢,唔想人生再有遺憾。"

就呢句, 我放手. 真係唔知講咩好; 不過分開最少唔會成為製造遺憾既人.
之後佢仆街佢既事.

而家唔係時間早定耐既問題了, 睇黎你老公已經落左決定; 只係時間問題.
你首要任務係搞好經濟; 先可以講其他.


Isaacymom
|
樓主,明顯地你係唔會擇離婚....你只好盼望他的她真的安於現狀
AudiQ7
|
yau2012 發表於 18-12-19 13:27
如果你真係想再畀一個機會自己 ,你試下營造一個好氣氛,等你c6在好放鬆嘅情況下 好好食一餐飯或最好2個人去 ...

我上星期發現前,同佢去台灣三日兩夜。其實生完之後自己都唔係好想搞嘢,咁佢一直冇要求,所以我都不以為意。

成個旅行,我哋都冇拖過冇攬過。而家諗返起,我有一下想拖佢嘅時候,佢有意無意甩開咗我。依家先知真正嘅原因。

問題係,而家我扮唔知,佢仍然會做一個好先生,唔敢咁放肆,會返屋企食飯,唔會出街過夜,會報道,會驚我發現而唔敢咁過分,我好驚我揭穿左,反而佢會放肆
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽