有邊個工人姐姐沖涼去廁所時間多過我的工人?!

vanillara
|
我這個工人姐姐是我請的第一個,已經做左5年幾。對她其實不是非常滿意,但我同老公都嫌麻煩,所以一直都沒有換。最近有個念頭想以後換一個,因為我自己對她都有d厭煩。
我想問下大家你們工人姐姐一般沖涼沖幾耐?我這個,晚晚要開大號,短則半個鐘,長則一個鐘,然後先開始沖涼,沖也要半個鐘。搞到我們經常沒有廁所用。同她講過好多次,我們都懶得再講,唯有遷就她。
白天沒有事做的時候也是貓係廁所唔出。我都唔知道她真的在開大號定係休息。

以前自作主張買她自己鐘意的食物。屋企煮左牛展等,她會偷偷收埋d靚的部分,搞得我好怒氣。之後我就給她food allowance,被我發現她依然偷食我的食物,我嚴重警告。現在應該有所收斂。

貪靚,她的衣服超級多。好在我搬過兩次屋,她的好多衣服全部寄返印尼。她的新衣服都是每次星期日著一次,之後就唔著了。她好中意觀察我買什麼衫。比如我鐘意uniqlo的衫,她經常跟住我買。我買做什麼她都買什麼。雖然這是她的自由,但是搞到我心裡好唔爽。我買左什麼好食的零食,她都要跟住我買。我叫她洗衫,內衣完內衣,外衣外褲分開,她也跟,有時一日開機洗幾次她自己的衫。一次就洗一兩件。激死我了。同她講左兩三次先收斂。

以前一起食的時候,她總是將自己食的食物羅出來先,再比我地。比我感覺這個姐姐係好享受果種人,同我對於工人姐姐的概念差好遠。

這個工人姐姐的有點就是煮飯好食,可能因為她自己鐘意食。清潔乾淨,但唔知道浪費多少水。有時幾個碗碟要洗一個鐘。乾淨係要,但是過分乾淨。

仲有好多事。我經常想要寬容,但是現在可能時間耐左好厭煩了。感覺個姐姐也老油條。原來一段時間她係我們返工之後就睡覺從9點到11,12點先開始工作。

算了,講完出來我舒服d..來年10月唔想續約了。







PonyMom
|
比我一早就不要她了
lily-of-valley
|
你嘅情形, 叫茶餐廳外賣, 鐘點搞掂, 你仲可以忍5年。 你個做工人定做家婆?
ccysj01
|
有冇小朋友要照顧?
fitfish
|
如对住她自己吾開心。就不用她吧
無谓自己谷氣
vanillara
|
回覆 lily-of-valley 的帖子

有小朋友要照顧,不然不用請工人
lily-of-valley
|
vanillara 發表於 18-12-19 21:44
回覆 lily-of-valley 的帖子

有小朋友要照顧,不然不用請工人
你照顧工人多D。
vanillara
|
回覆 ccysj01 的帖子

有,但是好多事我都親力親為。比如湊返學,放學就唯有工人湊。以前小朋友沖涼都係我。所以縱壞左個工人。
ccysj01
|
唔續一點也不可惜
Solarflare
|
本帖最後由 Solarflare 於 18-12-20 13:15 編輯

我在家的話。
工人沖涼加開大最多半小時。太長我會問佢係入面做乜, 開大開一個鐘就好心佢去政府醫院照下, 可能生野。

夜晚霸住個廁所個半鐘, 太自私。第一日已經鬧到飛起, 你真係好忍得。
vanillara
|
回覆 Solarflare 的帖子

我都覺得自己好傻。我之前有同事請工人請極都係極品,搞到我好驚換工人。驚自己唔好彩請到個更加衰既。
宜家先鼓起勇氣想換,但係已經過左5年,要比長期服務金。



Solarflare
|
vanillara 發表於 18-12-20 16:35
回覆 Solarflare 的帖子

我都覺得自己好傻。我之前有同事請工人請極都係極品,搞到我好驚換工人。驚自己唔 ...

可能你第一次請。唔清楚自已既 expectation 啫。
到換新工人, 入門口就要比 house rules 佢了。
babychin
|
Solarflare 發表於 18-12-20 13:13
我在家的話。
工人沖涼加開大最多半小時。太長我會問佢係入面做乜, 開大開一個鐘就好心佢去政府醫院照下, ...

非常同意,夜晚霸住個廁所個半鐘, 第一日已經鬧到飛起, 你真係好忍得。
vanillara
|
其實有時覺得佢人心地唔壞。就係自私或者蠢,無同理心。廁所的事情,講左好多好多次。人地就係頭一兩日快快沖,唔開大。之後慢慢地時間又長返。
屋企d錢冇丟失過,整爛野有,但少,都唔係好大件事。湊我仔無功無過。談不上幾錫我仔。有時web cam見到我仔三四歲既的時候一個人係度玩,個工人就係見唔到人,一係廁所一係廚房玩手機。夜晚我仔發燒,都係我湊,佢唔會問句需唔需要幫手。見到甘多post講左工人都唔會夜晚主動幫手,我都釋然。有幾個工人係同你講心。大家都一樣。

見到好多post都講工人清潔好求其。但我果個又做的ok,不過我嫌佢浪費,明明沖個碗沖十秒我已經覺得好乾淨了,但人地一定次次都沖個二十三十秒鐘。我兩公婆以前水費四個月交200幾蚊,依家分分鐘八百一千。我想問大家的水費維持大概幾錢。係唔係我太小氣。我自認對浪費這件事真的好在意。

alle
|
fitfish 發表於 18-12-19 20:38
如对住她自己吾開心。就不用她吧
無谓自己谷氣

我們家的姐姐中午做完事就去躲在房間裡,我也是很煩,請個工人覺得每天都不太開心,以前還好,現在老是聽錯事情,我朋友說不要給她週日休息,我是覺得週日孩子不用上學接送就給她放假,是不是跟朋友混一起後就假裝什麼事情都不清楚。你們的工人一天都做些什麼,白天都午休嗎?
ajfamily
|
vanillara 發表於 18-12-21 11:09
其實有時覺得佢人心地唔壞。就係自私或者蠢,無同理心。廁所的事情,講左好多好多次。人地就係頭一兩日快快 ...
$800-$1000真係太多,我們一家四口加工人,一季水費$400左右,轉過幾個工人都維持呢個數。你工人都算浪費,而且咁做唔環保。
bigyanb
|
vanillara 發表於 18-12-19 18:18
我這個工人姐姐是我請的第一個,已經做左5年幾。對她其實不是非常滿意,但我同老公都嫌麻煩,所以一直都沒 ...

一早炒仲可以五年
小菜豆
|
vanillara 發表於 18-12-19 18:18
我這個工人姐姐是我請的第一個,已經做左5年幾。對她其實不是非常滿意,但我同老公都嫌麻煩,所以一直都沒 ...

same here, 仲以為講野我工人。
雖然剛續約,不過會照炒。
sasatt
|
浪費食水在我家是大罪
一早炒左啦
仲比佢霸個廁所5年咩
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽