點解自己孫都可以咁

Febie
|
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡樂,最後兩年幾以黎一直只係增添自己麻煩。媽媽終日投訴無私人時間,小朋友唔食野,小朋友幾百厭,小朋友乜乜乜。。。聽到我好煩躁
我從來一句都唔答咀回應,事因只會有佢講無我講。只會令佢大發雷霆,因為我在職如果爆一句唔湊我唔知即刻去邊揾人湊。為左方便媽媽我同老公分開住同小朋友留媽到住宿,日子越來越難捱。到抵我係咪應該返自己屋企請工人湊?
我愛Corina
|
Febie 發表於 18-12-19 15:34
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡 ...

係,最好自己請工人湊。

湊小朋友真係好累,唔係人人鍾意。
PhoebeKw
|
Febie 發表於 18-12-19 23:34
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡 ...

本帖最後由 PhoebeKw 於 19-1-2 16:43 編輯

.
HOPEFORBB
|
回覆 Febie 的帖子

你意思係,你夜晚都留係媽媽屋企,佢除瞓覺外都仲對住小朋友?會唔會因為咁佢覺得完全無私人空間?你夜晚點解唔湊返去自己屋企?
講真,湊小朋友仲辛苦過返工,我個女又係唔食嘢,雖然我有工人姐姐,但我媽媽都有幫我睇住工人點湊小朋友,同埋諗煮咩俾佢食,引佢食,小啲心力都唔得
hontari
|
湊小朋友真係好辛苦架
佢恨湊,但無諗過原來咁辛苦咁無私人時間,所以咪多抱怨囉,始終年紀大氣力真係差啲(有時喺街見到啲60+的婆婆嫲嫲揹住書包仲要追住個周圍跑的孫,我都“鄧”佢辛苦)
屋企環境應付到的,請姐姐,再搵婆婆幫眼,咁樣應該會對大家都好啲
michelin888
|
又一最佳證明,所以我從來唔信呢度D人話什麼爭孫湊呢回事,現實世界只有見到拒絕湊孫,要凑湊果D都係無奈硬食
littlelittlekwa
|
情況許可 請工人
我請工人趕唔到係我生之前黎做 臨急臨忙搵左公公幫手湊
初時諗住頂幾個月 公公就得閒上黎玩孫
點知比個工人臨時唔黎 要再請過
前後公公湊左8個幾月
個段時間 勁驚佢冧檔 日日一大早佢過黎湊走個初生b返自己屋企 下午仲要買餸 再湊返去我度 煮埋飯
晚晚都8/9點自走 第二朝6點幾過黎 坦白講 辛苦 真係好辛苦 最後工人黎左 佢而家得閒就上黎同粒孫玩 帶佢落公園 唔駛再咁趕頭趕命咁做
為左比婆婆湊 你仲要同老公分開住 請工人係自己度 婆婆上黎玩孫 對你同婆婆 仲有老公 關係會好番好多
小朋友開始大 都要見多d爸爸架
anna59
|
如果你份糧cover 吾到請工人,就要比亞媽食住,如果負擔到的話,請工人啦!小朋始終要跟父母生活,否則,你會後悔
あやや
|
佢想你哥生同佢湊,有d老人家只想湊內孫。
我姑姐就係咁。當然你媽媽只可能係太累。
甜心朱古力
|
我朋友做ftm都會咁呻,好似我哋返工都係一邊做時一邊呻,老實講湊小朋友真係好辛苦,聽話唔病都話,你媽媽肯湊算係咁。
如果有錢當然請工人好,唔洗同c6分開住,感情一淡仲大鑊。
nanaaixi
|
Febie 發表於 18-12-19 23:34
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡 ...

請工人湊
bosch
|
你唔係FTM, 你唔明婆婆既苦況. 仲有老人家湊孫一定比後生仔吃力好多.

如果佢只係純呻, 咁咪由得佢出下氣囉. 否則請鐘點或工人幫輕下佢都好應該, 因為湊仔真係堅辛苦.
o_____o
|
本帖最後由 o_____o 於 18-12-20 09:58 編輯

我覺得你放工應該帶小朋友返自己屋企,早上返工先送過去,一來你C6要一起分擔湊小朋友,二來你地一家要培養感情,三來每天比返D私人空間你媽媽休息,其實全日也要幫手湊小朋友,仲要照顧埋自己個女,你咪話唔辛苦,湊小朋友丶做家務丶煮飯,真係好唔得閒,多D自己一家三口活動,比時間媽媽自己出去搵娛樂,有能力就請工人只叫媽媽得閒上來幫下眼,湊小朋友係自己責任,自己諗下有咩方法。

anyuser18
|
係,絕對應該返家請工人湊!
HAPPYBOBB
|
o_____o 發表於 18-12-20 09:57
我覺得你放工應該帶小朋友返自己屋企,早上返工先送過去,一來你C6要一起分擔湊小朋友,二來你地一家要培養 ...
認同. 我由生完到依家個女讀n班都係咁, 早上返工前帶個女去婆櫻度/返學, 放工就接個女返屋企, weekend 同假期都係自己湊返, 始終小朋友都要同爸爸媽媽一齊有親子時間
mrschocolate
|
Febie 發表於 18-12-19 23:34
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡 ...

你多唔多湊自己個b? 湊b真係好困係同埋煩,呻下小朋友乜乜乜好正常。我放大假湊左一排好明點解阿媽咁多咦咦哦哦。
little06
|
事實又一單長輩講就兇狠,做就.......
我99 都話幫我湊,但我真心唔信!
做個靚太
|
咁唯有請工人湊!老人家唔情願,真係會覺得好辛苦架~
況且我唔讚成一家三口分開住~
btw....樓主要學精啦~老人家話幫你湊,你都唔好大安旨意,就算佢肯湊,你都要考慮定planB,例如佢病左或有乜意外(好似佢話唔湊),或者大家唔夾,咁點呢~會少D磨擦囉~
kaman0617
|
Febie 發表於 18-12-19 23:34
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡 ...

我FTM自己湊都覺得辛苦,好彩唔洗我煮飯,唔係日日食外賣都似
shadowrainbow
|
Febie 發表於 18-12-19 23:34
末結婚前我媽極度幸湊孫,等左幾年我哥都唔生。我自己好鐘意小朋友,所以一結婚就生。一心諗住會為媽增添歡 ...
樓主,帶孩子是很操心,體力消耗大的工作,可以的話,請外傭,然後由長輩幫手"睇頭睇尾"就算啦。

至於你哥哥既家庭,由得人地,如果有天,佢去帶佢地個bb, 亦不要唔開心。父母意願,由得佢啦。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽