請教點樣可以鼓勵幼稚園小朋友上堂時主動舉手?

Sweet.mushroom
|
請教各位媽媽點樣可以令還在讀幼稚園小朋友可以上堂時主動舉手答問題?
小兒4歲半,正在一間英文幼稚園讀K2,今日家長日老師話佢上堂時唔夠主動舉手答問題,同埋寫字仲未有信心。唉~搞到我成晚訓得唔好,
我個人覺得我小朋友其實學術ok,K1時上下學期都係全班考第五,喜愛閲讀,宜家一頁大約三至四行英文故事書可以自己讀比我聽,但性格好奇怪係屋企就好多野講,甚至覺得有點嘈,但返到學校就即刻變得文靜左,唔夠主動,我怕學期尾去到考小學時又係甘,唔答問題。各位豐富媽媽,可以教吓我點做好嗎?(emoji)
怪獸青BB
|
老師鼓勵好重要,上兩日老師先打嚟話阿仔上堂多左主動答問題同專心左,其實課堂得老師同學生,家長無得參與俾唔到咩意見,BTW你間幼稚園係咪好谷? K1已經考試仲要排名?
feifei_baby
|
Sweet.mushroom 發表於 18-12-20 04:53
請教各位媽媽點樣可以令還在讀幼稚園小朋友可以上堂時主動舉手答問題?
小兒4歲半,正在一間英文幼稚園讀K2 ...

去上面試班??其實有啲小朋友係觀察型,未必係唔好。

我啲細路未上過,但small group關顧好啲睇下幫唔幫到。我大女幼稚園時會主動舉手,考小一一樣食白果
sfuhsg
|
下,依家k1都有名次架?
Sweet.mushroom
|
怪獸青BB 發表於 18-12-20 07:15
老師鼓勵好重要,上兩日老師先打嚟話阿仔上堂多左主動答問題同專心左,其實課堂得老師同學生,家長無得參與 ...

據我所知只要全班考到前8名,成績表就會有顯示。我都希望老師會比多d機會阿仔答問題。
Sweet.mushroom
|
feifei_baby 發表於 18-12-20 07:25
去上面試班??其實有啲小朋友係觀察型,未必係唔好。

我啲細路未上過,但small group關顧好啲睇下幫唔幫 ...

其實我返到屋企都有同老公講,佢話最緊要小朋友明白條問題,舉唔舉手係另一件事,我話緊係唔係啦,考小學競爭激烈,唔舉手好大件事。
你個女甘叻肯舉手都好吖,我個唔舉手仲大鍋
Poyau
|
sfuhsg 發表於 18-12-20 07:31
下,依家k1都有名次架?

K1有排名 唔知PN都無?
sillykaka
|
sfuhsg 發表於 18-12-20 07:31
下,依家k1都有名次架?

我老公30年前讀名幼都有排名,K2有年考第5,講到依家個仔都K1啦,每次講起佢都覺得好funny,仲keep起張成績表

利申,果間名幼依家個個都爭崩頭入讀
李露眉
|
無得逼架,

我去觀課就知,
有一堆係好主動, 問親問題都舉手,
有一堆就好被動,叫一下郁一下.

我估人人都唔同,唔洗叫佢舉多D 手,
因為硬有小朋友中意表現自己, 好有自信,
有D 會收埋自己



toffeecat
|
Sweet.mushroom 發表於 18-12-20 04:53
請教各位媽媽點樣可以令還在讀幼稚園小朋友可以上堂時主動舉手答問題?
小兒4歲半,正在一間英文幼稚園讀K2 ...

你自己是怎樣的? 會主動舉手發言嗎?送你兩個字:身教。
貓頭雀
|
你仔鍾唔鍾意間學校?
我女 幼稚園時唔舉手好 被動 ,比老師話佢無自信。
問佢鍾唔鍾意間學校?佢又話鍾意。

但到咗小學,佢先發現原來自己唔鍾意間學校。
因為上咗小學後,佢好開心,佢好落力答問題,成日舉手。
現在,佢自己都識講:其實幼稚園時唔係太開心。
因為上咗小學才有對比,佢才知道以前其實係唔開心。
coraor
|
小朋友本身咩性格?如果佢係被動形,咁佢少主動舉手都好正常,但如果佢本身主動,多野講,但又唔主動擧手,咁就要睇下咩原因會咁。
我小朋友係被動,佢只會對自己有信心答啱嘅問題擧手。如果你想小朋友多擧手,短期方法就係你喺屋企預先教咗佢先,等佢有信心擧手。長遠要增加自信,同唔怕答錯。
Sweet.mushroom
|
李露眉 發表於 18-12-20 09:57
無得逼架,

我去觀課就知,

有少少羨慕人地d小朋友甘識表達
乖乖媽
|
我覺得係睇幼稚園,唔係叫家長做,同埋性格冇得逼,點解個個要一式一樣,老師有冇引導,比機會小朋友呢?
Sweet.mushroom
|
貓頭雀 發表於 18-12-20 10:11
你仔鍾唔鍾意間學校?
我女 幼稚園時唔舉手好 被動 ,比老師話佢無自信。
問佢鍾唔鍾意間學校?佢又話鍾 ...

佢暫時都話好鐘意學校,無話唔想返學,但返到學校又好安靜,唔多出聲,我都好希望佢可以有一日主動舉手答多d問題。
Sweet.mushroom
|
coraor 發表於 18-12-20 10:15
小朋友本身咩性格?如果佢係被動形,咁佢少主動舉手都好正常,但如果佢本身主動,多野講,但又唔主動擧手, ...

其實我仔係屋企都同大部分小朋友一樣好多野講,唔係真係超內向型,係唔知點解一返學校就甘.個班主任同我講就好似最近學校搞聖誕party, 我仔著左一件聖誕老人衫,甘老師見熱,幫佢除左佢,甘老師同佢講笑話唔係講唔該喎,不如你hohoho份聖誕老人啦,但老師話我仔唔識笑,太認真,眼神流露出老師佢係咪儍架
Sweet.mushroom
|
乖乖媽 發表於 18-12-20 11:55
我覺得係睇幼稚園,唔係叫家長做,同埋性格冇得逼,點解個個要一式一樣,老師有冇引導,比機會小朋友呢?
...

明白呀!但唔知點解現今社會好似識舉手答問題就代表叻,唔舉手就當你唔識
oscarmama
|
其實小朋友主唔主動真係冇得逼,最多畀佢上多一啲面試班 ,學吓特定嘅面試巧, 有時上到邊間 小學 ,我都覺得 好似冥冥中自有安排 。

回想當年我個仔面試小學,所有group interview嘅小學都唔收佢, 或者只係做後備, 但係佢身邊嘅同學仔全部都有著落 , 當時我同佢都好唔開心 ,唯獨一間係單對單面試 嘅私小,佢就成功咗,跟住入埋神級中學 ,而家已經可以入讀三大之一 。其實家長做好自己盡力去而為就可以,至於最後係點就要睇 上天嘅安排。

結果係點都唔好責怪小朋友,我真係好後悔當年阿仔考唔到小學嘅時候我有責怪過佢 ,幸好佢而家真係算唔錯,讀到自己想讀嘅科目。

cassy_w
|
幼稚園都要考試, 仲要有名次? 好大壓力喎
Sweet.mushroom
|
oscarmama 發表於 18-12-20 12:20
其實小朋友主唔主動真係冇得逼,最多畀佢上多一啲面試班 ,學吓特定嘅面試巧, 有時上到邊間 小學 ,我都覺 ...

多謝你分享經驗,其實暫時我都無怪責個仔,不過係有擔心考唔倒小學,你仔勁,最後入倒大學,希望我仔都可以啦!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽