Sumyeema1 發表於 19-1-18 09:55
開咗, 睇咗1集半, 相比小說, 故事都改得幾多下....之後劇情改變大嗎?
為咗簡化同唔重覆都改咗d, 前面改最多,令顧二早早出場認識明蘭,暫時最重要改動係明蘭同小公爺有段情,呢個改動係我最唔鍾意嘅,改完俗晒,另外為咗明蘭幫衛小娘報仇,將墨蘭嫁梁六娘講成係明蘭設計,引林小娘出招,盛紘同佢反面,明蘭係會計算,但全部都係防人同自保,唔係主動害人,呢度將明蘭黑化咗。仲有兩次政變至新皇上場改成一次,顧二請車三娘喺水入面救明蘭改成顧二自己救,又加咗明蘭送兵符血紹,又被顧二救多次。片花有話顧二俾人害,佢出面去救,嗯度書冇,小說中顧二由此至終都係官途順利,佢非常精明,仲好有手段同心機,冇人害到佢,反而處處保護好明蘭。
花旗太太生活在花旗國,留意時差,你問我未必即時答到。