阿b夜晚比陪月湊定自己湊好?(想埋身喂)

Minnie1991
|
本帖最後由 Minnie1991 於 18-12-20 14:47 編輯

第一胎咩都吾識,己經請左40日24小時陪月,依家諗緊點樣同陪月分配時間,如果可以我會想埋身喂母乳,咁夜晚我應該系自己湊反埋身喂定擠出黎比陪月喂?我又怕夜晚湊b會無覺好訓會少奶~請問各位有經驗的sis系點分配同陪月姐姐時間~~

EstrellaDamm
|
本帖最後由 EstrellaDamm 於 18-12-20 14:58 編輯
Minnie1991 發表於 18-12-20 14:46
第一胎咩都吾識,己經請左40日24小時陪月,依家諗緊點樣同陪月分配時間,如果可以我會想埋身喂母乳,咁夜晚 ...

如果你有心餵人奶的話,一定係埋身食,夜晚更加要餵,否則比較難提升奶量至足夠BB用。

如果已經請夜間陪月,建議你仍然根據BB需要,於晚間埋身餵。至於其他工作,如餵前/餵後換片、掃風、 包BB、哄睡等等,則由陪月代勞,你就即刻去瞓。你亦可請求陪月喺你餵奶前擺定架步、預備飲品、睇實你唔好畀你瞓著整到BB等等。

好多陪月對人奶知識未必正確,或者會嘗試說服你泵出嚟餵,又或於半夜餵配方奶。呢兩個做法對希望儘量畀人奶BB嘅媽媽各有壞處,堅唔堅持就睇你自己意向了。如果你希望好似我上面咁講,儘量晚上埋身,最好事先與陪月溝通、說明,請佢配合。
Healthy123.
|
Minnie1991 發表於 18-12-20 14:46
第一胎咩都吾識,己經請左40日24小時陪月,依家諗緊點樣同陪月分配時間,如果可以我會想埋身喂母乳,咁夜晚 ...

若希望全埋身的話話, 可以晚上埋身,餵完交bb比陪月姨姨掃風,換片。

想坐月身體快復原, 必定要多睡。

至於補奶粉或 泵人奶比 bb 都是一個方法。

如果的人奶有多,可以 儲存雪格 (獨立一個盒,好的)

而補奶粉,是看情況而定,一般會補小小,甚至唔補。

理論上有的媽咪好希望餵人奶,但唔夠奶,會補奶粉。視乎bb 情況而定。
與陪月姨姨好好溝通就是了。

上奶不二法門是睡覺及流質..e.g. 湯水及代茶。


Minnie1991
|
EstrellaDamm 發表於 18-12-20 14:57
如果你有心餵人奶的話,一定係埋身食,夜晚更加要餵,否則比較難提升奶量至足夠BB用。

如果已經請夜間陪 ...

明白~但初生bb吾系隔3-4個鐘就會要飲奶奶咩⋯咁樣每晚至少要喂兩到三次⋯咁我次次埋身嗯完都比陪月掃風⋯咁會吾會反而兩個都無休息好?
EstrellaDamm
|
本帖最後由 EstrellaDamm 於 18-12-21 18:31 編輯
Minnie1991 發表於 18-12-21 17:25
明白~但初生bb吾系隔3-4個鐘就會要飲奶奶咩⋯咁樣每晚至少要喂兩到三次⋯咁我次次埋身嗯完都比陪月掃風⋯ ...

初生人奶B正常係兩至三個鐘食一次,並非三至四個鐘。每晚餵兩三次好正常。

我唔知其他人,但我兩胎都係自己爬起身餵夜奶,因為我想儘量全人奶。晚間多埋身餵,等如向身體造奶工場落 order,有 order 身體先會製奶的。如果媽媽只掛住自己休息,晚上唔餵奶,等於自己減訂單,咁對增奶並無幫助,不只影響奶量,更加會增加塞奶風險。因為休息對你係一個大 concern,又既然你有24小時陪月,所以先建議你將晚上其他照顧同安撫BB嘅工作交俾佢。你請得佢,佢就預咗半夜要醒啦。

我自己經驗係,雖然坐月時要餵夜奶,數字上我瞓唔多,但可能因為產後荷爾蒙影響(媽媽天職係全天候照顧初生寶寶),其實係捱得過的。每日黎明過後,太陽一出,我曬一曬,又覺得成個人精神晒。所以其實唔使太擔心的。有心餵人奶,頭個月真係唔懶得。開好個頭,之後只會越來越易。

秋天與楓葉
|
本帖最後由 秋天與楓葉 於 19-1-2 01:13 編輯

有心埋身餵母乳
當然係埋身餵,bb吸啜先最刺激造奶,同埋一時樽餵、一時埋身,bb會混淆乳頭同奶樽,變成抗拒埋身
初生bb胃仔細,少食多餐,可以食完一個鐘又喊要食下一餐
初生bb埋身食10餐,媽媽身體先會知道bb要10餐奶,自動會跟bb需要去造奶,埋身次數減少自然減奶量
用泵刺激唔夠係愈來愈少奶

唔夠瞓會少奶....我唔覺.....
係醫院我總共瞓咗一個鐘
出院反我長期全日斷續地加埋瞓3個鐘左右,全晚無瞓過又試過
係辛苦到爆
不過捱過咗見到bb健康快樂,自然覺得幾辛苦都值得!
埋身餵母乳唔止係餵哺bb
係bb同媽媽之間最親密接觸,比到bb安全感,媽媽身體產生荷爾蒙有助舒緩情緒,研究指出可以減低產後抑鬱

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽