太太是怎樣想的?

ML3299
|
[size=0.75em]#1


[size=1.1em]本人今年40多歲,是一間公司的高級行政人員。自問顧家,沒有不良嗜好。現在的老婆是我的第二任老婆,她比我細12歲。我們一家三口租住大概900尺的地方,每月俾老婆家用10,000俾佢買餸丶搭車、買些簡單嘅日常用品、一年出外旅遊兩次。最近也用了六七十萬在中山買咗一層樓俾老婆。這差不多是我的所有積蓄。

今天早上我收到這樣的圖片來自於我老婆。她在討論區講人哋老公好犀利(別人老公送咗一隻55,000嘅勞力士錶)。把截圖發比我睇,其它一句都冇同我講。我收到之後覺得度非常之憤怒、和不開心。

我想問吓大家意見,點解我太太會咁樣做呢?為什麼她不滿足現在的生活?我感覺到憤怒是否有問題?
hedhed
|
ML3299 發表於 18-12-26 23:55
#1

佢想要囉,你咪話你無能力買囉。有乜好嬲?
edith72
|
回覆 ML3299 的帖子

聖誕佳節,你可有表示,即有送禮物嗎?或者她只是想暗示別人有甘大的禮物,而自己毛都無吧。
BBB豬
|
ML3299 發表於 18-12-26 23:55
#1

本帖最後由 BBB豬 於 18-12-27 00:10 編輯

原來收勞仲開心,咁早知送隻勞算啦 ,洗乜咁揼本
或者你今次送左隻勞,下次佢都會有其他截圖再send比你,沒完沒了的。
人係咁架喇,得1想2,慾望係無窮無盡架嘛,你努力啲做野搵錢啦
ML3299
|
回覆 hedhed 的帖子

我EQ真的冇你咁高。他們都是過埠新娘,我比佢哋嘅生活並不差過佢個朋友。啱啱先買咗陳樓俾佢喎!唔貴過個勞力士?
ML3299
|
我EQ真的冇你咁高。她們都是過埠新娘,我比佢哋嘅生活並不差過佢個朋友。啱啱先買咗陳樓俾佢喎!她要求買的。唔貴過個勞力士?
happyb_happyb
|
ML3299 發表於 18-12-27 00:15
我EQ真的冇你咁高。她們都是過埠新娘,我比佢哋嘅生活並不差過佢個朋友。啱啱先買咗陳樓俾佢喎!她要求買的 ...

樓上講得岩,
呢d叫得一想二,
反正up下就有層樓,
今次咪cap 圖囉...
努力搵錢啦

rita1208
|
ML3299 發表於 18-12-27 00:12
回覆 hedhed 的帖子

我EQ真的冇你咁高。他們都是過埠新娘,我比佢哋嘅生活並不差過佢個朋友。啱啱先買咗陳 ...

只可以話大家價值觀不同. 香港土生土長的女孩比較喜歡靠自己及願意同老公慳家有分吋!!
jackiemei
|
ML3299 發表於 18-12-27 00:15
我EQ真的冇你咁高。她們都是過埠新娘,我比佢哋嘅生活並不差過佢個朋友。啱啱先買咗陳樓俾佢喎!她要求買的 ...

我喜歡食雞腳,你俾隻雞搥俾佢;你覺得佢會食得開心嗎?



中山樓.....我唔知你動用咗幾錢;當你已經full pay咗;一個月收幾錢租?(唔需要答)

咁佢喜錶俾fd羨慕,曬下

你話層樓係香港,帶fd去曬下;大陸邊個肯同佢去?同人講你送咗層樓都可能有人唔信

你好嗎
|
恕我直言,你老婆係咪大陸人?佢揸乾你d錢就走頭,你依家有錢買俾佢佢可能留耐d,如果唔買或買唔到就應該進入倒數期。
haha_13
|
老婆得28歲
人點都有虛榮心
中山樓都show唔到比人睇
買名錶就立即show到啦…
ninachu
|
ML3299 發表於 18-12-26 23:55
#1

好貪心呀你老婆,直接話買左中山樓清袋,可能佢以為你收埋大把錢
ML3299
|
多謝嗰位樓主嘅分享。這是小弟第一次把問題上放上討論區,真的想聽聽各位客觀的看法和意見。
我相信我老婆不是那樣貪心的人, 但我會認同得一想二丶得二想三的看法丶不滿足現狀、只看到別人好的地方、看不到自己比別人好的地方。
請問有冇女士嘅樓主可以 comment 一下。謝謝大家! !

soso1227
|
你40幾歲人,租樓住,
全部積蓄60丶70萬買埋中山樓俾老婆,
捉襟見肘,你唔會冇安全感?
你在這裏聲討你老婆冇用,
先諗下佢當日為乜嫁你,
再諗下點開源節流,
你冇錢,大陸女子就無義。
係咁多。


rayrayus
|
本帖最後由 rayrayus 於 18-12-26 14:53 編輯

根本好多大陸出身既女人都係心頭高,鍾意比較,我識既大陸女仔朋友大部分都係咁,有兩個好d,但係佢地本身家庭小康出身,表現舉止先會比較大器。我有個大陸女仔同事(我地都在美國),佢最近去左香港,返來只係一味講左半個鐘佢在香港既朋友間屋有幾大幾靚,你想換話題佢都唔換,仍然不停講人地有幾間房有工人有司機,我鄧佢老公慘,有個老婆心頭咁高,永遠覺得自己老公唔夠好。

樓主,你好自為之啦,佢地好多都係咁既心態,你駛哂d錢在佢身上你自求多福啦
Belavizio
|
回覆 ML3299 的帖子

你太太send相比你之後,你哋有無為此傾過?
夫婦關係在乎多溝通,了解對方的諗法。發現不協調的地方,大家須互相磨合。

你買樓比太太,佢開唔開心?平時有無要求你送嘢?

或她的朋友收到勞做聖誕禮物,而她沒有?
mini1204
|
簡單
賣左層樓買隻勞力士比佢
點評
   發表於 19-1-5 04:36
anyuser18
|
本帖最後由 anyuser18 於 18-12-27 08:31 編輯

點解?你買咗咁大層樓俾佢,都唔敢直接問佢咩?
其實點解你個心都知,呢樹啲都講咗,係你有無面對現實啫!
虛榮係無止境!快啲賣咗層中山樓拎返錢在手啦!唔好咁儍嘞!無底洞嚟㗎
咁易就得到無厭足㗎!

你覺得,佢鍾意你多啲定錢多啲?真心問。
kiss
|
男人都需要有d錢傍身㗎,你現在40歲,到十年後,你會明白的!
PTMCYS
|
ML3299 發表於 18-12-26 23:55
#1

樓主, 你太太在大陸那裡識架? 一般打開工搵辛苦錢的, 應該唔會咁奢侈, 並且有足夠的溝通和考驗才結婚, 應該不會太離地吧.
我都有朋友娶大陸女仔, 亦有大陸同事和經常接觸太太的國內/自己親戚, 都未聽過咁既情況. 當然外間/新聞會有, 睇下自己怎樣處理o者....

最重要這段情的基礎是用什麼來建立和維繫呢? 你用差不多所有的積蓄來買大陸樓給她, 自己3個人在港又租住900尺的房子, 這個做法已經不理想, 都是表面工程來, 令她在生活在美好的一邊, 她就更加不會為妳著想, 萬一你工作上有什麼風險, 你自己都不易應付.

我覺得, 娶太太是希望多個人互相分享, 照顧, 一起面對人生的問題, 商量和解決. 你這樣做只會令自己越來越辛苦.

我感覺到憤怒是否有問題? ----> 一半半, 因為"生活滿足" 可能只是你的一廂情願, 她未必認為是.

切勿令太太成為離地的花瓶....
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽