c6屋企係傳統大家族,未嫁都預左會好多麻煩野,點知嫁左比想像既仲難頂,有機會再講其他事。
通常我喺呢個所謂家庭入面好少出聲表達意見,原因係講黎都side氣,同時亦都唔想同佢地打咁多牙較,太煩喇實在,最主要係太假太虛偽,我都唔想浪費咁多精神同口水同佢地打好什麼感情,因為冇感情可言。
由我認識c6到宜家做人新袍都好,佢地男家班人好想8我啲野,其實我份人就冇咩野,就硬係唔想俾佢地知我野(純粹係唔想囉就係),一陣又問長問短,我係好怕啲我唔中意既人成日喺度煩住我,而6299姑仔姑奶好厚面皮扮傻照問,話知你幾唔想答都好,一路問,打爛砂盤問到督,就好似10萬個為什麼。
咁c6都知我性格所以都好幫我,佢地班人好興扮晒野懶fd 8我野,我有時當聽唔到一係問東答西,即使佢地問無可無,向c6入手,c6都係是但up啲野打發佢地就算。
講真,兩公婆知咩事就可以話點應付佢地姐,宜家我既小朋友都都已經7歲大,開始到半知半明既階段,我唔中意男家其實都做得幾出門,但奈何小朋友咩都唔知,又未去到一個佢地完全識分別事既年紀,我都冇同小朋友講咁多大人既野佢地知,小朋友童言無忌,有時唔係想教佢地講大話,或者要教佢地講啲咩,但實在太煩喇6299同班姑仔姑奶,佢地好興同我囡扮fd問關於我既野,例如平時我唔出街喺屋企做咩,成日出街去邊(心諗唔洗問都知唔想見到你地冇事冇幹上黎啦),多唔多帶佢見公公婆婆,我幾點去完街番黎,出去見既朋友係啲咩人做啲咩.....其實就係一啲好小既事,但我真係好討厭男家班人唔想佢地知咁多囉,講真知黎又冇用,但會成為呢班怪獸既茶餘話題,加鹽加醋,再同啲姨媽姑姐討論再討論,指指點點……有時真係想自私d唔俾佢地見面,但又唔可以咁做。
我冇可能見親呢班怪獸親戚就成日將個囡痴喺身,以前細個bb就話姐,宜家囡開始大個,暫時又唔可以同個囡講咁白唔好痴埋姑姐姑媽咁多,再講多次,小朋友真係童言無忌。個姑仔姑奶成日搵啲野食玩具引我囡等佢地順理成章共處,就喺呢啲我唔會又跟埋去既時候就狂問我囡問題,有時我都俾個囡啲答法搞到頭都大埋,仲要chok我囡話 "你媽咪唔係咁講喎" 喂點呀? 係咪要咁老土先
99姑仔姑奶呢幾個恐怖女人喺小朋友面前示好,我真係好驚有日個囡同佢地羣埋,反轉搶頭對住我,我或者真係諗太多,但我冇辦法唔咁樣諗。
你地會唔會都有啲咁既情況?