小孩未出世已要十多萬(18:07更新)

toni123toni123
|
本帖最後由 toni123toni123 於 18-12-30 18:29 編輯

我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩
無可能養唔掂
一開始另一半已經話要揾某醫生接生
個到都已經7W
但我份人工先得2W2
遲下又JOIN左個旅行
但另一半叫到都無法
所以D錢都就住用
但最近佢話生完做隔空溶脂
仲要請陪月 個到加埋又成8萬
聽到個下忍唔住爆左
因為無預到仲有咁多額外開支
佢話有之前同我講過要E筆費用
但我唔記得佢有講過
而且有講都無預過要咁多
因為佢提出要咁多錢做額外開支我無可能唔出聲
最後因為錢銀問題嘈到好大鑊
但我唔想無左BB 所以我最後都應承佢
佢都應承我會幫我分擔下
佢本身只係得閒教下琴都有1W左右
但佢想懷孕期間每月用1W買補品E.G.燕窩、花膠
根本都無多餘錢
睇完小紅書之後
遲下仲話買Clxxx個套孕媷套裝 仲可能要4、5套
聽完之後真係好大壓力
以上既問題都可以用錢解決
但就會一次用曬所有既錢
而我屋企都比唔到家用
各有爸爸媽媽可唔可以幫幫手比D意見
我真係唔知可以點做-------------更新-------------
之前應承整野比佢食 但經常都推左所以諗住今日再整
但之後話佢約左朋友唔上黎食 叫我拎出去比佢
但我話唔可以 因為原先都話可以上黎食點解E加就話約左朋友唔可以
之後佢就唔開心 而且前幾日先嘈過生仔既問題
所以佢話要冷靜下
之後佢有再打比我問點解唔可以拎比佢
我就係個陣叫睇左E篇野
佢睇完就問我咩意思
話我之前應承左佢講好曬點解E加又咁
而且話我無打曬我個日話佢D野
其實前幾日嘈個陣 佢一話要整隔空溶脂 肚皮紋 同陪月個陣
我真係好興 之後佢話我應承左佢 E加又話唔得
我就忍唔住爆左佢 話佢點解唔自己比關我咩事
我都知D說話係好傷 但點解講到所有野都係負責曬
我知 佢係因為我想要所以先為我有
但我真係無諗過要負擔既係咁多
其實佢係出生中產 一直都係要咩就有咩
佢為左我已經唔理屋企人點諗
所以我都無得話D咩
黎緊仲要搬黎住 但佢一直都訓唔慣
所以間房都要拾下佢個到都可能要幾錢到一萬
佢有話到要落因為真係傾唔掂 而且仲未夠5週
但我唔想 E加可以點傾好
kayer
|
以你地能力仲想私家生?有無埋保險,有起事黎私家係每樣每樣計,隨時十幾萬埋單。
生完仲要奶粉尿片衫仔奶樽,唔少錢,陪月一個最少2萬(新手),好d都2-3萬???你2萬幾一個月點樣支撐???
dreamboy_man
|
無咁大個頭唔好戴咁大頂帽
生完仲有大把錢要洗
chanlazy
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

學你話濟 窮有窮養 富有富養
做父母要養小朋友金錢應該好好分配 如果負擔唔到 點解唔係公立生呢 其實公立生配套都ok 負擔到咁當然私家享受舒服啲都好值得 但好現實的問題係有咩事 唔係7萬就埋到單 緊急情況私家收好貴 你要有呢個心理準備
同埋唔洗咁快諗咩溶脂啦 老婆咁後生 我都係二十頭 後生修身修得好快 再加上喂母乳修身效果更好 講真溶脂呢啲做機 治標不治本 抽脂就有用 做運動做好啦 慳翻個錢 初生b用好多錢架!
唔洗下下咁補 燕窩好多激素 花膠好長胎 唔好食咁多 到時啊b太大好難生 做下功課啦 均衡營養仲健康 好過咩都淨係補
同老婆傾下啦 你咁多壓力遲早好辛苦 加油!
kissapplegirl
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

首先我當你地儲蓄唔多啦,養一個小朋友開支唔算好大,但頭幾年bb仲細貼身膏藥咁要媽媽湊實,即係屋企得你一個人既收入,更難儲錢,所以未生唔洗搞咁多不必要既野洗晒d積蓄
新手父母請個幫到手既陪月呢畢錢係值既
要唔要搵私家接生,就好睇你地經濟狀況,我自己係公立順產,我覺得醫護人員好好,完全唔覺有問題勁快復原,身邊好多一樣90後既朋友,明明屋企有能力去私家生,但大家都係公立醫院順產生
其實最基本既均衡飲食就已經比到足夠營養bb,到後期每日食多3百幾卡路里就夠,花膠燕窩食左個b唔會特別健康聰明,反而燕窩唔應該食,花膠到孕後期都唔好食會塞奶,飲奶食蛋已經夠
chanlazy
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

唔好因爲想要啊b咩都口輕輕應承
有時現實歸現實 同老婆講清楚你咩環境
有幾多就比幾多 洗晒就無 咁樣諗法唔得 有咩事啊b睇醫生 老婆睇醫生 到時無錢仲慘
唔好屈埋屈埋 兩公婆要傾 都要知道經濟狀況 馬死落地行 你咁大壓力 我怕你谷埋變抑鬱!

kissapplegirl
|
chanlazy 發表於 18-12-30 02:16
學你話濟 窮有窮養 富有富養
做父母要養小朋友金錢應該好好分配 如果負擔唔到 點解唔係公立生呢 其實公立 ...

你講既孕婦套裝,我有買,其實用2套就夠,另外可以用平d既bio oil,記住貴唔=好,你咪比佢買住一套搽住先囉,要日日早晚按摩佢有呢個恆心先算啦,重點係你老婆個肚變大時都夏天,天熱唔會想搽d咁油既野嫁~
不過講到底,佢懷孕幫你生bb,有d物質上既野可以滿足佢既就滿足下囉,但最緊要唔浪費用得著 平心靜氣大家好好傾下,唔好鬧交,多d讓佢
newspaperhang
|
W 即係幾多
有錢有有錢既洗法,無錢有無錢既洗法。
我生第一胎果時計過買bb野其實唔係好多錢,都係幾千蚊,生係政府生,產檢出去做、有錢咪睇多幾次、無錢咪隔耐d 先一次。係bb 出世之後成日忍唔住買野俾佢,不過都係有限錢
果套套裝係用黎搽肚??最天然係用椰子油,一百蚊左右都有我果時都買左d 所謂搽肚既膏,用左兩次已經覺得好煩唔再用,爆紋就爆啦
pigpiglamlam
|
我生咗2個,你講ge野我一樣都冇做 冇搵私家、冇買孕婦裝、冇食補品,冇做過產後收身療程。
其實咁後生使乜怕收唔到身?我30頭都冇諗過呢個問題,政府醫院又唔係外界講ge咁差,可能我好彩又冇乜要求,真心覺得ok。
你所講ge開支大部分我覺得唔需要,不過冇人幫手陪月就一定要啦
pigpiglamlam
|
newspaperhang 發表於 18-12-30 02:44
W 即係幾多
有錢有有錢既洗法,無錢有無錢既洗法。
我生第一胎果時計過買bb野其實唔係 ...

我估w=萬
Jeffreystep1213
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

我22 c6 27,經濟狀況比你仲差(有左局住冇得返工,得c6賺錢萬幾兩個洗),但我地洗費各樣有商有量,冇需要用既洗費可免則免。

你都識講窮有窮養,你有需要同佢講清楚自己環境如何,唔系乜都迁就晒佢,何況你講嗰啲開支例子,好多都系多餘冇必要洗嘅,應該解釋返比佢知,或者諗啲平啲既選擇佢,佢20歲都應該要識諗啲啦。
fantasytong
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

其實佢20可能都顧慮唔到你諗既問題,真係要認真傾。
懷孕真係一生人無幾次,洗錢無所謂,最緊要唔好浪費,互相提醒唔係多或者貴就好。
Babymoon近期都多人話去,始終生左bb真係唔會再有空閒,不過陀住bb去旅行係好攰,所以揀啲輕鬆舒服,行程唔好太緊密。
私家生定政府生好多人都會係考慮重點,順產對bb同媽媽有好多好處,政府生一定會順產,除非有醫療需要。如果可以傾到產檢搵某醫生,跟住返政府生就慳到,不過前提係佢要願意
Clxxxx孕婦套裝我孕中期用一套搽都用唔哂,唔好一次過買幾套,就算特價都等用哂先再買。
最重要俾佢個感覺唔好係想慳,而係關心佢感受。你都唔好為左要bb忍
mjmy
|
上面d媽媽講得好好, 我諗樓主依家知道除左陪月最應該駛, 其他支出都係可以避免或者有平d替代品, 甚至如果屋企人幫到手, 陪月都唔係必需

好好同老婆商量下, 做個預算表睇下邊樣最重要, 留返d錢第時陪養小朋友好過, 我地都揀左公立生, 唔係話私家應付唔到, 一黎想留多d錢用喺其他地方, 二黎係有起事黎公立的配套設備係好過私家
RisaRisa
|
樓主,你老婆仲細,未必識諗,你要溫柔啲同佢傾下,計條數出嚟,一眼就睇到根本負擔唔起咁多,應洗得洗,除咗陪月其他真係唔係必要。你話佢知,好多家庭月入10萬都係政府生,政府生唔等於要老婆受苦架,而家冇咗雙非已經差好遠。
littlefunpig
|
樓主我同老公都有錢過你地好多,包括收入同資產,但你講呢d我全部都無,生仔政府,係私定做過產檢、nifty 同結構,其他bb野好多都係2手,親戚朋友俾。留返d錢俾個小朋友好過啦,你如果無屋企人幫手咪訂月子餐, 都係幾千蚊。

做人呀媽啦,無錢就唔好咁大洗啦⋯⋯ 咁唔成熟點做人父母!浪費埋一大堆無謂錢
camille_wilson
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

其實你老婆知唔知你人工及資產有幾多?聽你咁講佢好似當你係識金蛋咁,定係佢平時都係買嘢唔睇價錢同唔考慮自己的能力?生咗子女仲多錢要洗,如果佢唔改變理財觀念,一定有排嘈,現實係生仔可以好平(政府醫院3百幾),或可以好貴(私家可以10萬),視乎自己能力啦,現在不要為咗哄老婆生仔就咩都答應佢,要佢了解現實情況,錢係有限的,洗晒唔通去乞去借咩。
aqua24
|
本帖最後由 aqua24 於 18-12-30 13:15 編輯

回覆 toni123toni123 的帖子

我有幾個朋友做醫生的,佢地全部都係政府生,政府唔係想像中咁差的。touch wood生既時候發生咩急野,私家都係會轉返你去政府,因為設備齊d。究竟你女人知唔知你身家幾多?收入幾多架?要傾下囉,bb出世仲有大把錢要洗
補品就應該唔會買到一萬一個月咁跨張吧?她是不是大6人?小心係外家想趁機會笠你水(如有得罪多多見諒,真係覺得太浮誇了)
Clxxxxx果套我都有買,有限錢姐,係hktxxxll買平過專門店3~4成左右
做媽媽啦,成熟d,留多d錢比bb 用啦
定係其實你女人係想試探下你關唔關心佢,願唔願意為佢付出咋?
YuriOtome
|
我覺得一次洗多過一個月人工就係太貴。其實我諗佢都係想有最好的,佢平時用開好野?娘家好有錢?定係身邊朋友好有錢?有小朋友真係要量入為出,如果未生就借錢度日咁就幣。

我同老公年齡比你地大好多,搵錢亦多好多,我都好鍾意用最好的東西,同一定要用新嘢,同好鍾意買嘢 (已買了好多衫仔而家後期又買床、車仔都要好多錢)但講真我都無樣樣一定最好最貴的,我係按需要買。因人地覺得好未必最適合你用,正如樓上講用Bio oil 就得,我都無你老婆用得咁豪,燕窩就真係唔好食啦,補品滴雞精、花膠等等亦好睇個人需要同體質,唔係人食你食人有你有就好。
長琦良美
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

你地洗果d 完全係無謂錢。懷孕食燕窩係件好蠢既事,激素好勁,bb 出世隨時有濕疹。搵唔多仲去私家醫院生洗七萬呢件事低能,大肚去旅行更加無謂。你地兩個腦筍未生埋就唔好搞大個肚啦。
chubama
|
toni123toni123 發表於 18-12-30 01:53
我24 佢20 未生之前都知生仔要好多錢
但我覺得窮有窮養貴有貴養
而且住個到又唔需要煩

唔好以為私家一定好過政府,
私家醫院生仔,順順利利$10萬以下找數,
有起特別情況,你俾$20萬都唔夠俾。

私家醫院生既BB,差果D,
係立即送嚟政府醫院既兒科深切治療部,
PAED ICU 有好多私家醫院轉院症。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽