分享QM極速生B紀錄

mandy512
|
今胎係第二胎,我選擇順產,我上胎無調頭要開刀。好多人怕痛,㨂開刀,我理解,但為咗可以照顧大家姐同細妹,我決定試順產。

38週開始放產假,等到預產期個日(2019年1月1日)以為仲有排等,點知清晨時份..開始陣痛..唔理啦,訓咗先。8點等老公起身,表示有陣痛,第一時間拎手機mark底,2-5分鐘一次。即刻搵媽媽,睇住大女,同老公飛車入院。登記換衫發現見紅,以為好快生....點知....痛咗成日....都冇穩定規律宮縮(emoji)痛咗一日.....努力行行行,不論痛與否。當晚訓教,只係8-12分鐘一次陣痛....以為會比人退貨...


mandy512
|
早上駁機,都係不穩定陣痛,但痛得勁咗,已經去到唔想行/打人嘅地步(emoji) 下午再次駁機睇陣痛....都係得10分鐘一次,已經灰盡(emoji)
晚上8點一邊睇住愛回家一邊坐fitball,希望有進展,都得不規律的3-7分鐘一次(emoji)
既然無了期等規律陣痛,不如訓下先,之前個晚痛到無得訓。9點上床,感覺有野打咗一下,諗住係胎動,點知一坐上床,有暖流(emoji)即係穿水,唔敢郁,床上大叫,多得對面床媽媽勢手搵姑娘。但醫生檢查又話唔確定,但我塊m巾濕到滿晒,又無味,我100%相信係穿水。

mandy512
|
姑娘幫我檢查宮頸,已經2度半,又再駁機,陣痛都係不穩定。我覺得尿急,要求落床,開始有2-3分鐘陣痛,時間仲有1分鐘咁長,死忍,因為唔多穩定。10點幾左右,開始有便意陣痛,仲感覺到屎都比人陣痛迫出黎。姑娘唔理...叫等下....醫護再過一陣,姐姐話幫我換衫褲準備過產房,再次有便意+100%有屎出。姑娘話檢查宮頸已經5度,唔係掛!!
入到產房,已經不由自主咁痾屎,姑娘見到都話,應該生得,可惜...妹妹頭仔未夠低。再等陣痛迫佢落去。吸住笑起,同時一痛就大叫,感覺到屎繼續出,同埋想痾妹妹出黎。
努力同姑娘合作,一痛就痾,00:36就生咗妹妹啦。3個半鐘就生到,完全無諗過=]
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽