3歲或以上

跳至

首頁

尾頁
   3


大宅

積分: 2584


發表於 19-1-8 10:36 |顯示全部帖子
Chuchinghan 發表於 19-1-8 09:44
回覆 nicole_yan 的帖子

不如你嘗試諗多d同大女開心既事,唔開心嘅事已經成為過去,努力嘗試忘記,其實小 ...

同佢全部都係激心嘅事,冇開心事


大宅

積分: 4433


發表於 19-1-8 13:37 |顯示全部帖子
nicole_yan 發表於 19-1-8 09:22
或者我簡單講下背景

佢初出生已經係錯,我resign前check清楚沒有懷孕先resign,點知遞信後就發現有左,當 ...

從你呢段文字睇,你將你嘅不如意都歸咎於你個女嘅出現,但係你有得揀,佢冇得揀架

你一開始就唔鍾意佢,咁對佢嘅面口都唔會好啦,一個幼童,日日被母親心裡嫌棄,佢係知架,佢都唔會開心,咁你想佢點樣乖?


男爵府

積分: 9375


發表於 19-1-8 19:24 |顯示全部帖子
nicole_yan 發表於 19-1-8 09:26
到6歲,有左細妹加上佢升小學,於是我辭職全職湊佢两個。

因為陀住啊妹個段時間好辛苦,個1年入面我好少湊 ...

咁你真係需要睇睇心理醫生啦。你好多負面情緒


大宅

積分: 1573


發表於 19-1-9 16:12 |顯示全部帖子
調轉諗佢激你其實佢想要你關注,小朋友最大寄託都係想要媽媽,最首要係改變自己諗法先最緊要


大宅

積分: 4632


發表於 19-1-9 17:18 |顯示全部帖子

回覆樓主:

我覺得小朋友也很可憐。長期沒得在你身邊。無咩安全感。
講番我自己,由細到大都覺得父母唔錫我,有段時間都好憎佢地。但大個左溝通多左,就好close. 樓主加油


禁止訪問

積分: 10091


發表於 19-1-10 17:30 |顯示全部帖子
提示: 作者被禁止或刪除 內容自動屏蔽


大宅

積分: 3565


發表於 19-1-10 17:56 |顯示全部帖子
你個女好正常,個阿媽都唔錫自己,你唔係覺得個女仲會聽阿媽話呀?


大宅

積分: 1445


發表於 19-1-10 19:23 |顯示全部帖子

回覆樓主:

惡性循環?你憎佢,佢又憎你,作為父母,大方係必要


大宅

積分: 2948


發表於 19-1-15 10:00 |顯示全部帖子
我建議你去睇心理學家
睇完你既post
其實好多事都係自然咁發生
但就偏偏都歸咎於個大女

其實我想問
你同老公關係差
你未生細妹之前又憎大女
點解你地會決定想生多個?
想取代大女小朋友既位置?


大宅

積分: 1174


發表於 19-1-16 19:39 |顯示全部帖子
我有一個媽媽 會由細到大都好憎我,原因係覺得我出世得唔合時。我出世個陣佢就扔低我俾爺爺嫲嫲,一個月先見一兩次,我每次見到媽媽都會好開心,但係佢每次見我都好唔情願,慢慢我就唔想再親近佢。反而同嫲嫲既感情愈來愈好。衣家長大了,我呀媽就算身體唔好成日要睇骨科我都無理過佢,因為子女未必會記得你細個對佢做過啲咩,但係佢會記得你係一個點樣既人。
記住,佢出世並唔係佢自己揀既,係你自私既決定。
希望樓主唔好步我呀媽既後塵


大宅

積分: 1863


發表於 19-1-17 23:47 |顯示全部帖子
樓主,睇完你寫嘅背景,我認為你冇資格憎佢。相返,我覺得你大女好可憐,你由細到大咁對佢,如果佢憎你,我覺得唔出奇,如果佢唔憎你,你真係要感恩還神喇。
你諗下,你同你老公搞嘢又唔避孕,搞出小生命,係你倆嘅責任。
驗孕出錯,係驗孕棒或醫生嘅責任。
你resign 嘅時間,係你嘅決定,責任在你。
出世食全餐,冇人想,至少唔係你大女刻意安排。
佢出世要瞓箱,佢比你慘,你有冇更加愛佢關心佢?
之後你因為工作關係,冇辨法下,大部分時間交比家人湊,可以諒解。但你有否內疚,想係星期六日給予她更多嘅愛及關心?
你與你老公關係不好,你大女也不想吧。你倆夫婦嘅關係好與壞,責任在你倆,你倆不給她開心和諧嘅家,還怪責佢,不公平吧。
幸好,你還懂得發問希望改善問題。
我並唔係什麼心理專家,但我覺得首先你必須承認,有很多問題都不是你大女嘅錯及責任。反而,很多都係你及你老公一手做成嘅,什至你大女現在嘅性格與反叛,都絕對同你以往點對佢,及將一切問題歸咎於佢有關。
所以由現正開始,做返個有責任感嘅媽媽,不要推瀉責任,係你錯就要認。你大女現在還很需要你嘅愛,你要多D包容,多D讚美,唔好事無大小都責備。一開始,你及大女可能會不習慣,但你一定要堅持,每日都嘗試少少,慢慢佢會見到你嘅努力,你地嘅關係先會有改善。你不要諗住可以一兩個月可以見到成果,因為咁多年來積落你大女身上嘅忽略,責罵,憎恨,並不是短時間可以消除。所以你一定要努力堅持!希望見到你一家人開開心心,大女好快因為你嘅改變而變好,更愛你。


大宅

積分: 4195


發表於 19-1-18 20:26 |顯示全部帖子

回覆樓主:

樓主快快去搵社工或心理醫生,你需要有一個中間人幫你同囡囡解心結,我們可以講看法講意見,但不能介入和跟進其實作用不太明顯,要明白自己放過自己,對你一家人也好。大家樂意傾聽,但你也要努力面對


大宅

積分: 4433


發表於 19-1-21 18:44 |顯示全部帖子
https://www.sundaykiss.com/368121/%e6%9c%80-hit-%e7%86%b1%e8%a9%b1/%e6%99%82%e4%ba%8b%e7%86%b1%e8%a9%b1/%e5%bf%83%e7%a2%8e-%e9%81%ba%e8%a8%80-%e6%9c%80%e5%a5%bd%e7%9a%84%e7%a6%ae%e7%89%a9-%e9%9b%a2%e9%96%8b-10%e6%ad%b2-%e5%a5%b3%e7%ab%a5-%e8%87%aa%e6%ae%ba/

呢條link報導左一個10歲女孩,用了結生命去當作給媽媽嘅禮物

佢話佢嘅出生令到佢爸爸離家出走,令到媽媽唔開心,所以佢想佢媽媽成為開心嘅人,佢就選擇了結生命。

樓主,希望你引以為戒,唔好到時恨錯難返。


複式洋房

積分: 426


發表於 19-1-21 23:27 |顯示全部帖子
MrsPerthLiu 發表於 19-1-21 18:44
https://www.sundaykiss.com/368121/%e6%9c%80-hit-%e7%86%b1%e8%a9%b1/%e6%99%82%e4%ba%8b%e7%86%b1%e8%a9 ...

小朋友很可憐,其實佢出世自己都冇得揀


大宅

積分: 1249

MommyPanel勳章 Poo得好勳章 BB防敏心得分享勳章 瞓得好勳章 食得好勳章 開心吸收勳章


發表於 19-1-22 00:22 |顯示全部帖子
nicole_yan 發表於 19-1-7 18:55
7歲,我自己都唔知。

今日反覆咁諗自己由幾時開嫌惡佢,但諗極都諗唔到。

試諗下有咩行為你最唔鐘意



大宅

積分: 3313


發表於 19-1-22 07:09 |顯示全部帖子
吾係自己湊大的,一定冇咁親蜜。如果你想要返個女,就要表現出來,以後不再嫌棄佢。我有個大仔由細到大比奶奶湊,當我想湊佢時(四、五歲),佢覚得我從佢阿嫲手上搶佢,也憎我,不過這是我自己當初種下的因,但孩子仲細,我可以去補救啊!七歲的女兒再吾救佢,佢十幾歲時真係激死你都似!


大宅

積分: 1736

畀面勳章 BK Milk勳章


發表於 19-1-22 22:49 |顯示全部帖子

回覆樓主:

首先你真係要睇下心理醫生,你全部都係負面情緒,你個女做咩你都覺得唔順眼,咁樣大家都辛苦,我自己等左5年先有個女,期間陀佢乜都齊晒,辛苦到行都行唔到,而家想要多個等左3年都未有,你應該睇醫生處理好你既情緒,好好珍惜


洋房

積分: 83


發表於 19-1-24 17:25 |顯示全部帖子
nicole

睇完你後面ge story
我相信你自己都好辛苦 覺得guilty
先會上來搵人幫手
我相信你上來唔係想人繼續鬧你
你開post 都希望呢個困局有change!

我明白大女的存在 同你好多痛苦的回憶有聯繫
在加上同先生的關係不好
之前又少時間同女女相處
種種原因令你產生左厭惡的情緒

呢度未必係最好ge平台
好似你自己都話
搵心理醫生/社工傾傾啦!!


複式洋房

積分: 163


發表於 19-1-25 08:43 |顯示全部帖子
睇完你既說法,其實你負面情緒真係太多,太多既負能量會另你走去牛角尖,如果你有睇其他人講,佢地都講左一個重點出黎,就係你大女無得選擇的,所以你唔好再同自己講佢出世時間唔好喇,呢個係天意,而且都係你兩母女既緣份,請珍惜你倆之間既情同緣份,唔好等到突然失去,到時你就恨錯難返了!
而且你真係好需要去找心理醫生看看,快可以找私家,不過就貴左D,但政府比較耐,希望你可以努力.
每次你大女會激心你既時候,請你慢慢思考一下點解佢會咁做,就算真係好激氣,你忍唔住話完佢,請你之後都過返去抱抱你的女兒,再靜心慢慢同佢傾,點解佢會咁做,其實小朋友好簡單,可能初初佢唔會同你講,因為你們之間已經稹左好多不同既情緒係入面,但我希望你可以慢慢改變你自己既想法同行為,唔好用你既恨去包圍你女兒,請用你既愛去包圍同包容你女兒啦,希望你可以同你女兒可以一齊開開心心


洋房

積分: 77


發表於 19-1-26 01:09 |顯示全部帖子
睇完你寫嘅野,覺得你大女好慘,好心痛佢。

首頁

尾頁

跳至