生完仔,覺得無哂自己生活......(呻文)

Rosanna1314
|
生完BB差唔多兩個月,真心覺得好攰好攰,好想返出去返工!如有得罪真係好對唔住,但我真係好想呻下又唔知搵邊個好其實未生之前已經預左,做好晒心理準備係會辛苦,但我又唔係太擔心因為我以前都係超級工作狂,日做12-13個鐘都無咩問題,不過至少個時仲容許我日日扮到靚一靚咁返工,放假去做下d facial整下gel甲,感覺自己都算過緊d中上嘅生活
但老公一直都好鍾意小朋友,拍拖時已經知,咁我都唔係話超級唔想生,只係我都同自己講,即使生左我都要盡量維持返我自己嘅原有生活,但發現原來係無!可!能!架!
我晚晚起身幾次餵奶掃風根本就訓唔到,又要時時刻刻睇住個B好大壓力,比起OT做野辛苦100倍之餘,仲要d眼紋壓力瘡乜都出哂黎,以前都可以個個禮拜做下facial,依家仲邊有依d咁空閒嘅時間......好灰心!但係老公面前我又唔敢表現出黎...唉
點評
wcpcelia    發表於 19-1-17 12:02
tansyneko    發表於 19-1-15 22:49
HH_HH
|
Rosanna1314 發表於 19-1-15 16:09
生完BB差唔多兩個月,真心覺得好攰好攰,好想返出去返工!如有得罪真係好對唔住,但我真係好想呻下又唔知搵 ...

每個做呀媽嘅,都會經歷呢啲事情(除非你乜都唔理,比工人湊),等多幾年入咗幼稚園,你就會輕鬆好多,忍耐一下。當你每日見到BB成長,對住你笑,學爬,學行,嗰份滿足感,同打工相比,無法代替。
lawgabbi
|
回覆 Rosanna1314 的帖子

放鬆d唔好俾咁大壓力自己! 想扮靚, 做FTM都可以繼續扮靚, 唔好灰心丫! 冇辦法2星期做1次, 咪1個月做1次囉~~ 等bb再大小小返playgroup, 你就會有自己嘅時間, 不過到時或者你嘅諗法又會唔同左, 唔想太有自己嘅時間呢, 哈哈
rebeccalin
|
有冇家人或者請姐姐幫下手?咁樣你可以休息下,有返少少私人空間和時間
Ashleycorina
|
好明白你。我以前都係好鍾意返工,放工一係拍拖一係同朋友吃喝玩樂,好鍾意扮靚
我做FTM係勁大改變,我都試過湊到個人好悶,每日無限loop ....
但又好感恩可以親眼睇住BB大。
所以呢,夠半歲,我就不斷帶佢去街,同朋友食lunch/tea,帶得多BB就慣,就有返生活!
我當時6299父母都唔响香港,老公又唔鍾意工人,乜都自己。到佢返K,我就可以去做facial ^_^有自己時間。如果你有人信得過,你都可以放俾人幾小時呀!
birdbird
|
你係全職媽媽湊B 、做家務??
|
其實。。。。你唔係好啱做媽媽,唔好意思。 不過咁,唔生都生左,都要面對,如果有經濟能力嘅咪請人幫手囉,冇話搞唔掂嘅。
lapz
|
只可以講, 仲有排你捱, 共勉之
sasatt
|
我初初都係咁
唯有比時間適應下
如果係無工人自己湊
其實係辛苦過返工
manki1610
|
要諗下方法
我番工都係隻牛咁
但湊仔唔係似牛就得
最終小朋友9個月大時
我有了焦慮症同少許抑鬱
我選擇出番黎做野 (對我黎講陪伴得少唔代表唔錫自己衡量)
搵多少都唔係問題
叫做有番d自我認同 有番搵錢能力
之前唔舒服既不藥而愈
番下番下.個仔下年k1 啦
實有方法解決架 加油加油!
little_monkey
|
你講得好啱呀~係湊初生bb媽媽的心聲。
我第一個小朋友初生時,我也有同樣感覺。

不過回想返,小朋友變化好快,而家lee刻你所有的苦樂,好快(講緊一兩年後),就進入另一階段變成回憶。

看到bb 睡覺,識笑,每天進步,嗰種開心/幸福感,同工作上achievement 係唔同。對我來說,兩者都重要。希望我的分享能給你一些動力和comfort 吧
bosch
|
本帖最後由 bosch 於 19-1-15 16:44 編輯

頭半年至一年係晚晚冇覺好瞓。 bb 過左三四個月大,開始有生活規律會好d。

咁既生活好辛苦,好機械式,冇得瞓中好磨人,我唔鍾意做ftm,但我又鍾意咁既生活,因為夠癲狂,時間好快過。而家慘d,仔女日日激一到我出煙。

如果你自覺唔適合咁既生活,返工好d。
mysterious22
|
初生時係最辛苦,我好明白,多D搵朋友傾下,唔好屈住自己,到BB介左夜奶,你有得瞓就會輕鬆D,跟住佢再大個D又可以帶佢出下街,唔使困住係屋企,媽媽既心情會好好多

加油呀
猫物語
|
我都係生完兩個幾月,陀緊b個陣決定左做Ftm,之後會慢慢請工人,重回職場,初初個月都幾攰,即使有陪月姨姨同老公支持,我都覺得好辛苦,餵完又喊,抱又喊,產後憂鬱左一段時間,不過好彩bb好快戒夜奶,慢慢摸清bb習慣同脾氣先好d。

好認同生b前後個轉變,我唔係咩事業女性,以為自己都應該幾享受湊b生活,但係有時真係覺得好困身無自由,想落街買少少野都要帶埋b,準備呢樣個樣。

有d咩唔開心要同c6或朋友傾下,千其唔好屈住,同c6溝通下幾時再返工喇。
Mrs.Jay
|
頭半年一定係甘(除非有其他人幫手湊),當年我直頭覺得自己有產後憂鬱。未生之前都同妳一樣覺得自己唔可以唔工作,唔想做湊女婆,結果我女N班開學前我決定辭職要全職湊佢,陪佢長大,係無左私人時間,但係開心既,值得既
kellyffung
|
Rosanna1314 發表於 19-1-15 16:09
生完BB差唔多兩個月,真心覺得好攰好攰,好想返出去返工!如有得罪真係好對唔住,但我真係好想呻下又唔知搵 ...
有小朋友都可以有自己生活架! 我就算生左都keep住去做treatment做facial, 前排就去試左個triolixx去眼紋嘅treatment, 做一次就已經幾明顯淡左, 慳時間慳精力! 而且我都成日見啲媽媽帶埋自己個女去做facial, 我都想我個女都快啲大呀, 到時就可以一齊行街shopping、high tea、做facial...如果屋企有人幫到手, 不如同佢地傾下俾佢地湊半日咁, 你當俾自己休息都好呀
newcook
|
老公無幫手咩? 又話鍾意小朋友? 比返D責任佢, 你咪會無咁辛苦囉
cy101
|
要同老公傾下, 佢好喜歡小朋友, 就更加未必明白你感受, 要溝通, 等佢知你諗乜, 有咩唔開心! 唔好自己收收埋埋!
chonglulu
|
同老公傾下,wkend佢幫手一陣,比反少少私人時間你去整甲facial.讚成雖然有小朋友但唔代表需要放棄自己一切
花生油子
|
本帖最後由 花生油子 於 19-1-15 16:56 編輯

其實我自問都係鍾意番工多過响屋企湊仔不過我絕對覺得全職湊B既媽媽係好偉大,,乜都要兼顧,,係好辛苦既同埋以前有呀媽湊真係幫輕我好多,,,所以生仔女呢樣野好睇自己係咪湊得嚟,同埋有冇親人可以幫吓手,,如果唔係都預左好困身架喇
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽