論盡家傭

跳至

首頁
1

尾頁
   1


複式洋房

積分: 258


發表於 19-1-18 16:42 |顯示全部帖子
第一次請工人, 工人聲稱初次黎港做野, 黎左就黎二個月, 印姐, 35歲, 佢有二個10+ 小朋友, 佢表現暫時都OK, 醒目, 細心, 鐘意小朋友, 鐘意煮野食, 暫時冇黑過面, 笑容OK, 同佢相處都好融合, 佢會留意我地鐘意食乜, 然後就去煮俾我地食..
我屋企有一個2歲小朋友, 一個快出世的BB 加我二公婆....星期一至五,99會過來幫手照顧小朋友

屋企工作量唔多, 朝早我地去返工後,

9AM - 11AM : 工人會執床, 掃地, 吸塵, 抺地, 抺窗, 洗衣, 晾衣
11AM - 11:30AM: 準備+煮午餐俾小朋友食
11:30AM-12:30M: 出去接小朋友放學
12:30PM - 2:00PM: 小朋友返黎後, 屋企人會幫手照顧, 姐姐最多洗下小朋友D衫, OR 等小朋友食完野洗碗, 其餘時間都係坐係度望住小朋友
2:00PM - 4:00PM: 小朋友午睡, 所以姐姐都會FREE TIME, 見佢多數係房玩電話, 睇書, THEN 恰一陣
4:00PM - 6:00PM: 同屋企人帶小朋友去公園玩, 買送, 準備晚餐
6:00PM - 10:00PM: 煮晚餐俾小朋友, 我地, 洗碗, 洗廚房, 抺地, 洗廁所, 沖涼, 訓覺

本身DAILY WORK 都唔算多, 我留意到如果我係屋企時, DAILY WORK 一定會做足, 仲係有多冇小果隻, 佢會做埋WEEKLY/MONTHLY 果D, 而且佢做得都好快手, 不過我地一出街, 佢既MUST DO ITEMS只變左朝早執床,掃地, 間中吸塵, 洗衣(佢自己果D), 加晚上抺地, 洗廁所....其餘時間佢都匿係房多.....

由於我二公婆要求又唔係高...亦都明白如果自己老闆唔係度, 就梗係HEA 做啦....所以都唔知應唔應該開聲話佢....但假設我地出街前有安排叫佢要做咩工作, 佢就會樣樣做足...做完先去休息...但我又覺得吸塵,抺地呢D其實日日都應做, 唔駛下下開聲叫..(佢當然知要做, 只係佢選擇性做), 因為我要求佢一日抺二次(早,晚), 晚上因為我在家, 所以佢一定會抺, 但早上如我不在家, 我見佢好多時都冇抺的

我有同過AGENT 傾, AGENT 就話既然佢好處多過壞處...叫我隻眼開隻眼閉, 我係咪繼續由得佢屋企冇人時就等如佢FREE TIME?????


水晶宮

積分: 60297


發表於 19-1-18 17:05 |顯示全部帖子
sweet4dfamily 發表於 19-1-18 16:42
第一次請工人, 工人聲稱初次黎港做野, 黎左就黎二個月, 印姐, 35歲, 佢有二個10+ 小朋友, 佢表現暫時都OK, ...

你呢個工人叫做正常人。佢唔可以叫做 懶, 只係未做到你心目中的非常勤力。你可提番佢每日必做的工作 eg. 抹地。

佢做妥之後, 自然係佢 free time, 你都唔應該睇唔过眼。

記住, 當你自己做家庭主婦, 你都唔會做到冇
停手, 工人亦如是, 更何況有人帮手湊小朋友


珊瑚宮

積分: 105653


發表於 19-1-18 17:37 |顯示全部帖子
吾偷野唔爛食。已有七十分

工作交到七八成。又加十分

無黑面又加十分
玩具萬歲!


男爵府

積分: 7514


發表於 19-1-18 17:54 |顯示全部帖子
sweet4dfamily 發表於 19-1-18 16:42
第一次請工人, 工人聲稱初次黎港做野, 黎左就黎二個月, 印姐, 35歲, 佢有二個10+ 小朋友, 佢表現暫時都OK, ...

本帖最後由 Solarflare 於 19-1-18 18:12 編輯

睇你形容你姐姐, 好似形容緊我姐姐咁。
佢又係平時無乜大錯, 我係屋企時正正常常, 但無人係屋企時真係hea 到爆。見過佢躲入房成兩個鐘唔出黎。(但我出門前仲見佢好忙) 但如我有野交帶佢做佢又會乖乖完成。

如你覺得佢真係 skip 得太多weekly/monthly work。係可以整個 checklist. 叫佢邊樣做左就簽到, 然後你果日 check 完就 mark 底 ok/checked。張 list 要每日填同每日 check。要唔怕煩。否則佢又係會走數的。

致於拖地, 可以每日 friendly reminder 佢記得朝早拖地。係cam 唔見佢拖扡又可 whatsapp 追佢 please mop floor thank you.

管工人就係咁, 好煩的。

佢完成到張 list 既野, 休息幾耐由得佢。


男爵府

積分: 7514


發表於 19-1-18 18:08 |顯示全部帖子
fitfish 發表於 19-1-18 17:37
吾偷野唔爛食。已有七十分

工作交到七八成。又加十分

哈哈。

我地自已做都未必100分啦。
有啲野可以隻眼開隻眼閉。


大宅

積分: 2499


發表於 19-1-18 19:44 |顯示全部帖子
回覆 sweet4dfamily 的帖子

工人只會愈來愈懶惰,不停試你的低線!你要不停提醒你對她的要求!

點評

wcpcelia    發表於 19-1-21 09:23


伯爵府

積分: 17459


發表於 19-1-18 20:23 |顯示全部帖子
就快BB出世,同佢多講解衛生要求高是必須


大宅

積分: 4632


發表於 19-1-18 23:44 |顯示全部帖子

回覆樓主:

本帖最後由 fibe0313 於 19-1-18 23:44 編輯

我家姐姐長期無人理佢。主要湊bb. 丫女訓覺,佢就休息。除非我有比extra既任務佢。但其實好少,我最最最緊要就係佢對我女好。其他野唔太重要的,我隻眼開隻眼閉。


寶石宮

積分: 291016

2023年兔年勳章


發表於 19-1-20 14:49 |顯示全部帖子

回覆樓主:

算不過不失

首頁
1

尾頁

跳至