自細灌輸「屋企好窮」係有用,我細時都知屋企唔係有錢,扭玩具、零食父母一定 say no 因為屋企冇咩玩具同唔畀有零食,書就只要我要求買就一定買因為阿爸話「其他可以慳,教育就唔會慳」。暑假可以去旅行已經覺得好奢侈。出街食我一定食最平果個餐,因為我覺得咁樣可以幫父母慳錢,亦知道凍飲加錢所以唔會叫亦唔畀叫。佢地以為我鍾意食大 XX 嘅四寶飯同柯華田,其實我想食上海排骨菜販同凍檸茶。
當然大個左就會知道屋企唔係真係咁窮,但習慣左窮生活就冇咩感覺。會羨慕人地屋企一放假就可以去日本去瑞士,但鬼叫自己屋企唔富裕,唯有自己賺錢去