沿路唔難揸,基本上都係 highway,但入到白馬後,尤其接近滑雪場,會有一 d 斜路,如果路面結冰,要小心,我哋試過好多雪地狀況,而家去滑雪一定揸 4WD SUV + 雪呔,其中一個原因就係曾經有一年揸 7 人車去白馬,在轉上八方尾根嘅斜路上線呔,當時係夜晚,路面結晒冰,雖然已經有雪呔,但架車都一路行一路線,好吃力先上到嗰條斜路,好彩當時已經夜冇咩車,否則都幾驚險
成田往白馬途中,比較大嘅熱鬧 d 嘅地方係輕井澤,嗰度有個 outlet mall,都頗有幾間餐廳,但輕井澤離開白馬尚有大約 2 個鐘頭車程,如果你食完晚飯再揸入去會唔會太夜?你哋幾點從成田出發?或者考慮直接入到白馬先食晚飯?
[size=16.799999237060547px]http://sierrahakuba.jp
[size=16.799999237060547px]呢間都係酒店,近拇池滑雪場,但行唔到過去,如果自己唔揸車,可以坐 shuttle bus 去各滑雪場。呢間酒店冇東急咁 formal,似度假酒店多 d,溫泉正過東急,又有好多免費嘢,大堂外面日日都有免費嘅關東煮,咖喱飯,麵豉湯同紅豆沙,大堂內又有免費爆谷,紅酒白酒清酒同咖啡茶任飲,唔係咩好靚好貴嘅嘢,但 tum 得客人幾開心
雪地出狀況我哋試過幾次,有一次在意大利,酒店門口有一條細細嘅斜路,夜晚結左冰,線到完全出唔到車,我哋清晨出車趕出機場,幾架車除左一架 Audi,冇一架上到,最後搵左幾塊地氈墊在車輪前,一尺一尺咁 tun 上去,自此我哋知道 4WD 嘅重要
然後有一次在日本,冇睇清楚鏟左上一堆雪度,然後就困住左,4WD 都冇用,好彩有大班朋友同行,後來向酒店借工具,大家一 d 一 d 鏟走車底嘅雪先至解到困,嗰次之後我哋知道行雪地架車要有高 ride height,4WD + 雪呔 + 高車底,只有中大型 SUV 符合條件,所以即使車租貴一大截,行雪地我哋都一路租 SUV