點解老婆係都要同她媽媽住?

求求其其123
|
本帖最後由 求求其其123 於 19-1-21 11:30 編輯

我本來同外家關係幾好。生咗個女之後,原本我媽就來了幫忙,因為我倆要番工。過了兩年發覺太太同我媽不太合(太太一路有投訴話冇生活空間),所以便請了個工人代替我媽。我外母就用要睇住工人為由過來我家暫住,我初初不以為然就沒有反對。並且自己出首期買了間三房的單位。但外家係都要借多少少錢比我哋話供樓辛苦,而我當時已經反對因為我出個份已經可以上會,但我老婆二話不說把錢拿了放進供樓上⋯結果外母就好似自己家一樣搬了進來,她自己有老公有仔女又唔回家照顧他們。她在我家裏好似自己大曬咁指指點點,要所有野都要聽她的,不然一哭二鬧給我老婆壓力要順著她。她不懂教工人,另所以野都要依賴外母,又整天話工人沒用幫不到忙。最討厭的是她把第三間房變成雜物房並要和我女兒一起睡覺。最後我辛苦訓練到可以獨自睡覺的女兒變成每晚要同大人睡才可以。她有經常佔據我同老婆的時間,每晚要睡覺前同我老婆傾計到很晚。結果我同老婆晚上獨處的時間都沒有!外母教我女兒的方法也是我不能認同的,她是給好多壓力我女兒又罵我女兒蠢,並常常和其他小朋友比較。我多次同外家傾(到吵鬧)之後,她們也不了了之。最後永遠是「愛屋及烏」和「你忍下啦」和「要孝順父母」我聽我外父同老婆講要忍下,結果過了一年更變本加厲。而我老婆又學她的這一套,要我乜都就她又話我大男人所以要好似外父聽外母一樣,時時要聽她的。最後我發覺可能是這樣才縱慣了外母。最近有幾次我媽想看一看孫女。外母她專登帶我女兒去其他地方話沒有空,並樣我媽白走一趟。最後我叫女兒自己打電話約嫲嫲,結果外母知道後發我女兒脾氣!!!我已經到忍無可忍的地步,我已經對我外母全家人由愛轉變為恨。我同我老婆傾過很多次,只要外母還住情況只會越來越壞,但她仍問我「為什麼不能原諒她媽媽,因為大家是一家人…」如果不是為了女兒,我一定會離婚!我可以點算?可唔可以申請禁制令不能讓外母來我家?


cy101
|
因為咁樣99 就無機會入侵!!! 2個揀一個, 佢梗係揀自己阿媽!
是是但但
|
本帖最後由 是是但但 於 19-1-21 11:31 編輯

好好地同太太傾下, 首先要冷靜, 唔好只講自己對外母感觀。
可以從教育女兒呢個POINT著手。
同埋要同太太講, 佢容忍唔到99既入侵, 你尊重佢, 最後唔洗99幫手湊, 改為請工人。但同樣地, 你曾經嘗試過同外母相處, 但事實証明, 大家融合唔到! 話佢知你已經去到一個容忍唔到既極限, 請將心比己, 當日99一齊生活時, 你容忍唔到, 兩公婆都會去尋求其他方法嘛! 現在掉轉頭就唔可以?
同太太講, 唔想再破壞大家關係, 到一個無法挽回既地步, 真係要好好解決。

大前題, 說時必須要CALM DOWN 自己, 切忌扯火。大家都係想頭家好, 一扯火, 有時就會講了唔應該講既野。
大家要冷靜地商量。
Nancy20090615
|
同情
求求其其123
|
本帖最後由 求求其其123 於 19-1-21 13:03 編輯

我都有同老婆討論過,最後都會係佢話唔同佢媽住等於唔愛佢,然後就話要離婚⋯⋯

我老婆有話我唔錫佢,回家又乜都唔幫手,又唔同佢傾計。

事關乜都係外母做曬,我一插手都會有不開心收場。
老婆同外母傾計都到十一,二點,我都要睡覺啦⋯⋯

家用又比到足,我每月只有兩千洗。
好多時外母仲自己帶我個女出街(約埋我老婆),一回家已經八九點。
結果自己番到屋企一個人(同工人)搞到我完全好似外人一樣⋯⋯

我只好怨人善被人欺…
cy101
|
層樓有無外母名? 如果無, 都好D!
ingrid000
|
求求其其123 發表於 19-1-21 11:12
我本來同外家關係幾好。生咗個女之後,原本我媽就來了幫忙,因為我倆要番工。過了兩年發覺太太同我媽不太合 ...


樓主, 請儲錢還番D錢俾你外母, 還哂錢先可以做到任何野。

將第三間房入面既野全部清走, 然後叫你媽媽搬埋入去住。 你外母鬧你女兒蠢及同其他小朋友比較, 你就鬧番你老婆蠢及同其他女人比較! 以牙還牙! 你外母同老婆嘈你, 你就叫佢地原諒你!
Nancy20090615
|
求求其其123 發表於 19-1-21 11:53
我都有同老婆討論過,最後都會係佢話唔同佢媽住等於唔愛佢,然後就話要離婚⋯⋯

我老婆有話我唔錫佢,回家 ...

咁我覺得你老婆好唔識做. 點會比呀媽住响自己屋企, 係都要問左你得唔得先喇.

無架喇, 睇下你忍到幾時爆.
求求其其123
|
本帖最後由 求求其其123 於 19-1-21 12:29 編輯

回覆 ingrid000 的帖子

我現在是這樣想的,先還清再要佢走(可能是我的幻想)。但係睇到佢無理罵我女兒,我真係頂唔順。
真係好想有其他更快的方法 !

而我自己就不想麻煩我媽媽。

我就是不明白點解我外母是有這樣迷的自信,總是認為自己全對。





求求其其123
|
回覆 cy101 的帖子

只有我同老婆名。但老婆係都唔同意賣咗佢,又話佢家人有出錢所以外母有權住⋯我完全有被欺騙的感覺!
ingrid000
|
本帖最後由 ingrid000 於 19-1-21 12:37 編輯
求求其其123 發表於 19-1-21 12:21
回覆 ingrid000 的帖子

我現在是這樣想的,先還清再要佢走。但係睇到佢無理罵我女兒,我真係頂唔順。

1. 盡快還清條數先

2. 第三間房唔使清走任何野/或可以變書房(不要放床)!

3. 你同你個女瞓, 叫你老婆同番佢呀媽瞓! 或者可以買/訂造張單人床 (2.5尺闊床, 只可容立你女兒一個人瞓)!

4. 都係果句, 你外母鬧你女兒一句, 你鬧番你老婆一句, 仲要贈多佢一句: "都做人呀媽了, 都仲未介奶! 點指意你湊個女呀?! 乜鬼都靠呀媽! 我係娶你, 而唔係娶你呀媽呀!


求求其其123
|
本帖最後由 求求其其123 於 19-1-21 13:04 編輯

其實我想問一下專家。

如果以最壞打算,我最後頂唔住要離婚。

可唔可以唔分家產,同可以拿女兒的全部撫養權?
20150618bb
|
求求其其123 發表於 19-1-21 11:12
我本來同外家關係幾好。生咗個女之後,原本我媽就來了幫忙,因為我倆要番工。過了兩年發覺太太同我媽不太合 ...
可能佢亞媽幫到
siujanjan
|
咁外家其他人唔駛外母照顧? 搬埋入嚟就幾奇怪, 不過咁, 始終同你走到老嘅係你太太, 放棄唔可惜嗎?
thankyou201020
|
我覺得,其實你和你老婆好難行下去。你們現在只留下利益,無了愛如何走下去。不如早點決定,如老婆還清醒誰是自己家人的還有機會,否則去到尾都一樣。(我話你們自己家)(每個夫婦都會有各自的家人,但這對於你們家是親人)
求求其其123
|
本帖最後由 求求其其123 於 19-1-21 12:59 編輯

回覆 siujanjan 的帖子

佢哋自己有屋,自己日日出街食飯都無所謂(可能仲開心)…外母就周圍同人講幫我吔好辛苦,但叫她走又不願走。
老婆又係都要佢來幫手。我真係唔明點解她們可以咁固執

ingrid000
|
求求其其123 發表於 19-1-21 12:39
其實我想問一下專家。

如果以最壞打算,我最後定唔住要離婚。


樓主, 間屋你同太太名, 點都係要分家架啦, 贍養費個官判幾多就幾多, 其他財產我就不清楚了, 最好問吓律師專業意見。 你必須記抵每日外母/老婆如何鬧/打/教女兒, 最好錄埋音。 另外, 如果你真係行到最尾離婚呢步, 你呢段時間keep住盡量對你女兒好D, 多D陪佢玩, 陪佢每晚閲讀及做功課, 帶佢多D去行山, 圖書館, 參加多D親子班,....之類, 總之你一放工或假期就把大部份時間陪住佢。 當中, 你亦要抽一些時間幫手做家務(免得你老婆將來喺個官面前以此為籍口話你放工回來乜都唔做, 實有好多時間陪個女玩啦~!) 甘樣, 你勝算會大D。

以上只是我個人意見, 最好問律師意見。
Dada^(00)^
|
求求其其123 發表於 19-1-21 12:39
其實我想問一下專家。

如果以最壞打算,我最後頂唔住要離婚。

簽咗紙無得話唔分,係睇下邊個身家多d啫,就算層樓只得1人名,而又係婚後先買,到最後離婚收場,層樓係要1人1半的
Solarflare
|
本帖最後由 Solarflare 於 19-1-21 13:36 編輯

你呢個故事好似曾相識。
不過角色掉轉左。多數係99入主屋企, 男人叫老婆"忍下"。結過老婆頂唔順離婚。
唔信你去婆媳版望下
HOPEFORBB
|
回覆 Solarflare 的帖子

Yes 男版婆媳糾紛


Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽