中國人--殯儀館-

mrsma1120
|
殯儀館1)由晚上6點至9點坐到,烏煙瘴氣, 差不多每半小時一場儀式, 包括最勁一次破地獄,又走來走去, 又圍埋轉又轉, 又噴火.2)吉儀, 內有一粒糖, 一元硬幣,一張紙巾 (收到吉儀一定要拆開, 糖即刻食左佢, 紙巾抹下咀掉左佢, 一元硬幣一定要回家前洗左佢,不可帶回家)3)孝服: 披麻戴孝, 長子,大媳婦,二仔,二媳婦,整套杏色混白色麻衣. 穿白布鞋. 有部份親友累色麻衣. 信基督教的(濁稱請假-不用上香)只需腰攬孝帶,心口掛黑布, 咩作用,唔太清楚.4)中國傳統, 擔花買水, 長幼有別 (列隊次序大仔,大媳婦,二仔,二媳婦…之後先到大女,大女婿….長子嫡孫…內孫..外孫…中國人,重男輕女思想(一定要生到個仔為止).5) 儀式, 主要係長子, 由主持帶領長子行來行去,手拎住紙紮公仔,扶助紙紮公仔過往生橋.大家的工作: 接待處:負責接待賓客.派發吉儀,同賓客簡單講解將會進行的程序長子嫡孫:負責即場燒元寶給先人長子,大媳婦,二仔,二媳婦...等人:負責家屬謝禮 其他人:不停地摺金銀元寶6)第二日,9點正, 又集合,除了長子比較忙外, 因他由主持帶領長子行來行去, 最後到11點,見埋先人最後一面後蓋棺,先人坐靈柩車, 親友坐旅遊巴,去和合石火葬場, 安排好場地, 再見證火化”按啟動”鈕, 棺材就坐如升降機般降去下一層.全部儀式完成,坐旅遊巴去食解慰飯.上網查過收費, 除了政府$1360(死亡證 +火葬費) 指定收費外,最基本 $2萬 殯儀館服務費.
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽