生完bb後 覺得老公好衰

kmbb519
|
係佢恨生的,生之前佢乜都話佢會做,結果乜都唔做,做少少,但又怨天怨地,唉....

有冇同路人 一齊呻下 共勉之
rayrayus
|
既然係咁你點都要做好安全措施,唔好又再耳仔軟生多個。有d男人對BB 係比較冇耐性,因為都係食同瞓又唔識講野,等小朋友有2-3歲會比較逐漸親近,我希望你老公都會係咁啦
RisaRisa
|
有冇同老公講你的感受呀? 提醒佢當初應承過d乜
Nancy20090615
|
做左老豆重係咁
Aquarius12
|
kmbb519 發表於 19-2-2 01:12
係佢恨生的,生之前佢乜都話佢會做,結果乜都唔做,做少少,但又怨天怨地,唉....

有冇同路人 一齊呻下 共 ...

我同你差唔多,我老公叫佢夜晚餵多餐奶都唔想,會有說話聽,夜晚只係指12點前。由出世到而家佢從未餵過一餐半夜既奶,我餵人奶壓力極大,因為我係窮媽,我泵出黎餵既,奶奶成日話自己生完我老公就有奶。半夜bb喊佢可以瞓到豬咁冇反應既,所以餐餐都係我餵佢。但佢自己打機睇劇又可以唔瞓,叫佢揍就叫眼瞓。因為我手痛b又重抱唔到bb沖涼,所以要佢同佢沖,佢沖親就話我好唔同佢沖,一次都未沖過佢做曬之類,佢沖唔係包著衫架,都真係只係沖,沖完係我同佢著衫。餵奶又唔換片,抗拒換片,我要半夜起身泵奶有時想早少少瞓都唔得,因為佢唔同佢換片,我變左一樣要等佢餵完先換到。
Aquarius12
|
Aquarius12 發表於 19-2-2 12:27
我同你差唔多,我老公叫佢夜晚餵多餐奶都唔想,會有說話聽,夜晚只係指12點前。由出世到而家佢從未餵過一 ...

我而家又要番工,半夜又要泵奶,極度唔夠精神,一晚斷斷續續好既有4-5個鐘瞓到,差既得三個鐘到瞓,都唔體諒下我既,勁驚番工做錯野囉
kmbb519
|
一模一樣呀!佢打機就唔眼訓,一叫佢餵奶就好眼訓!沖完涼又係要我著衫話唔識著怕屈到佢喎!半夜餵奶,唔駛旨意啦,人地第日要返工嘛!
Aquarius12
|
真係要一齊呻下,唔係谷埋谷埋好似嘈交。我已紅係咁,生完成日嘈
HOPEFORBB
|
回覆 Aquarius12 的帖子

我唔係唔支持人奶,但你咁嘅清況,唔算多,累更加令你少奶,又要返工,不如轉奶粉算
睇你所寫,你C6就真係幾自私,小朋友係大家有份,大家要返工,自然大家都要分擔,我同C6之前都係新手爸媽,每晚兩餐夜奶都係行孖beat,佢餵奶,我泵奶
Aquarius12
|
HOPEFORBB 發表於 19-2-2 17:17
回覆 Aquarius12 的帖子

我唔係唔支持人奶,但你咁嘅清況,唔算多,累更加令你少奶,又要返工,不如轉奶粉 ...

我放產假唔洗番工所以夜晚係我餵,未放完產假bb都戒左夜奶了,大家都唔洗餵啦,只係我要泵奶。轉奶粉,唉,被奶奶多說話了。
cometingliu
|
我見有姊妹都有提到奶粉嘅問題,其實唔好咁抗拒奶粉啦,奶粉都好好,無謂堅持人奶到自己壓力爆煲到有精神病,何況你仲係窮媽
Ma12345
|
kmbb519 發表於 19-2-2 01:12
係佢恨生的,生之前佢乜都話佢會做,結果乜都唔做,做少少,但又怨天怨地,唉....

有冇同路人 一齊呻下 共 ...

我C6都係明明係佢想追第二個,有左之後又不聞不問
iwantbabies
|
kmbb519 發表於 19-2-2 01:12
係佢恨生的,生之前佢乜都話佢會做,結果乜都唔做,做少少,但又怨天怨地,唉....

有冇同路人 一齊呻下 共 ...

Same here
叫佢幫手佢話佢返工好累,唔好搵佢幫手!結果我又要泵奶又要餵奶,佢重話BB嘈到佢訓攪到佢勁眼訓!
到放假!佢就話要訓晏d,起左身就做自己野玩電話,從無諗過幫手!
同佢講話我想訓下,叫佢幫下手,佢竟然話咁我應該搵我阿媽幫手,唔係搵佢!
唉⋯
做個靚太
|
咁又慘D,生完先反口~
希望你呻完可以舒服D啦~
望住bb都會開心D!
wendylei88
|
Aquarius12 發表於 19-2-2 12:27
我同你差唔多,我老公叫佢夜晚餵多餐奶都唔想,會有說話聽,夜晚只係指12點前。由出世到而家佢從未餵過一 ...

我同你差吾多,係好辛苦!自從生左二胎,我就算感冒都糸自己凑同餵B,叫老公餵下,都话自己吾得,喂吾好!有時揼奶個仔喊,都話自己連線網上打緊機,已經吵过幾次了,每次都佢都聲大大仲亂踢D家具(emoji)搞到我囡好驚佢,我同奶奶都同佢傾過,佢自大咪都糸自己岩曬。上周我在房餵奶仔,叫佢陪個囡復習下功課英文,點知吾夠15分鐘就聽到佢糸度鬧個囡,話囡沒用,少少也記吾到,仲罰個囡站(emoji)我發火你點可以敢教囡,打擊囡自信心,就拍了老公兩下(emoji)佢竟然话我打佢,重重一巴打在我只手媽媽手被他打了手第二日腫了,奶奶阻止了他再打,我考慮離婚,10年感情,兩個小孩讓我狠不下
wendylei88
|
kmbb519 發表於 19-2-2 01:12
係佢恨生的,生之前佢乜都話佢會做,結果乜都唔做,做少少,但又怨天怨地,唉....

有冇同路人 一齊呻下 共 ...

從來未曾有如此傷心難過,我敢辛苦為左邊個,二胎短短7⃣️個月多,很累很累,也一點都不體諒
Aquarius12
|
wendylei88 發表於 19-2-7 01:33
從來未曾有如此傷心難過,我敢辛苦為左邊個,二胎短短7⃣️個月多,很累很累,也一點都不體諒
...

郁手真係唔得喎,未生之前有冇試過?
wendylei88
|
Aquarius12 發表於 19-2-7 03:19
郁手真係唔得喎,未生之前有冇試過?

第一次郁手,10年了,之後再道歉心都系有刺,我如果同父母講,佢地肯定嬲爆了⋯⋯我好想逃離⋯⋯我要為左兩個小朋友繼續忍佢?我奶奶對我好似囡一樣敢好,我好傷心佢每次吵完都吾會正視自己,好似没事敢,我已經(emoji)⋯⋯
Ronman
|
我生完二寶後都覺得老公好乞人憎。

二寶由初生到宜家2嵗,都唔會幫手點湊。叫佢教大既讀書,唔夠5分鐘就搞喊個女。

我同二寶宜家都病左,我半夜係咁咳,二寶又因爲肚痾成晚都要起身痾poo poo同換片。佢只係零晨3點起過一次身幫手,跟住就訓到天光。朝早7:30二寶又起身痾poo poo嘈醒左佢,又黑口黑面罵人。 我自己唔舒服成晚冇訓,7;30搞完個女都唔得閑再訓,要煮早餐同煲粥仔,佢就訓到宜家11:00先起身。

起身見我黑面唔睬佢,佢氹都費事氹,直接入房玩手機了。 唉⋯⋯如果唔係為左啲女,我都想離婚,好過對住佢篤眼篤鼻。
Aquarius12
|
wendylei88 發表於 19-2-7 09:50
第一次郁手,10年了,之後再道歉心都系有刺,我如果同父母講,佢地肯定嬲爆了⋯⋯我好想逃離⋯⋯我要為左 ...

既然第一次可以畀次機會佢既,若果再郁手就唔得了。我有個朋友被老公打左幾年,試過打到佢入急症要照腦,佢老公次次都話會改,當然係冇改過。我個fd為左小朋友忍,忍左幾年攪到自己抑鬱要睇醫生,佢奶奶老爺成家仲話佢精神病又話自己個仔冇打佢,小朋友見得多爸爸好惡咁對媽媽攪到尿頻要睇醫生,所以唔好諗住為小朋友忍,忍左小朋友都一樣受影響。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽