新手問問問、咩到唔識 (長文。。。)

poohnson
|

對上一次1月2號黎、平時m到會早少少到所以今個月1號仲未黎自己買棒check. 出左條好淺色線、唔係好肯定所以第二日再check 結果又係條好淺色線。2號我就去私家醫院check一入去醫生問對上一次經期幾時、我話2號、之後佢話點會check到吖。我就講番出左條線好淺色。佢同我照超聲波、話未見到胎囊、淨係有胎泡 (唔記得係咪胎泡定係咩)。跟著叫我去抽血、抽完就走得、14號再返黎抽血。
各位jm, 點解要抽兩次血?咁14號會唔會再照超聲波㗎?係咪最快14號先出證明信比我?點先可以出證明信?我個日咩都唔記得問醫生、仲比老公話我點解咩到冇問。。。。宜家爬文見大家講5w已經證拎明信去公立排期產檢、我宜家咩到冇係手有少少擔心。老公淨係識得話我咩到冇問醫生、14號番去做咩又唔知、佢一味話個醫生搵我笨係又驗唔係又驗。搞到我真係唔開心。
HiyakoChan
|
poohnson 發表於 19-2-5 13:34
對上一次1月2號黎、平時m到會早少少到所以今個月1號仲未黎自己買棒check. 出左條好淺色線、唔係好肯定所以 ...

如果你排卵期準,咁你而家應該係懷孕4周左右(由計m期後計,不過有機會遲排卵有差別)
而正常6周左右先會去睇婦科醫生檢查胎囊著床位置(確保唔係宮外孕),抽血係可以幫你睇到Hcg值有無增加(懷孕指數)
大約8周至10周左右就可以搵婦科醫生做超聲波檢查檢查bb有無心跳(俗稱閃閃),大多婦科醫生都要照到有心跳先會開懷孕證明
假若你比較心急想去政府排期先,可以去普通科診所做懷孕測試(其實同自己驗孕一樣),因為普通科診所醫生只要驗孕棒出現2條就會開懷孕證明; 但婦科醫生大多就要驗到有心跳先會開證明

希望幫助到你
poohnson
|
回覆 HiyakoChan 的帖子

新手真係要花多d時間學野吖聽你講完個心都定d
多謝
fantasytong
|
poohnson 發表於 19-2-5 13:34
對上一次1月2號黎、平時m到會早少少到所以今個月1號仲未黎自己買棒check. 出左條好淺色線、唔係好肯定所以 ...

可能真係太早先咩都未照到,計月經第一日先岩岩4w左右,陰超都未必會睇到野,可能只睇到子宮膜變厚。
抽血應該係驗懷孕指數,但其實如果懷孕過多兩三週就算唔抽血,照超聲波都會照到,而家最緊要放鬆心情,如常活動就好。
我好明第一次懷孕第一次睇醫生跟本唔知可以問醫生啲咩,慢慢諗,懷孕證明只要遲下照到bb就會出到,唔洗心急,反而而家應該睇下啲早期唐氏檢查既資料,因為最早其實10w做得,比較下考慮下就差唔多時候。
Alicham
|
fantasytong 發表於 19-2-6 09:27
可能真係太早先咩都未照到,計月經第一日先岩岩4w左右,陰超都未必會睇到野,可能只睇到子宮膜變厚。
抽血 ...

樓主可以搵定醫生做唐氏,如果budget負擔到可以考慮下做埋T21
poohnson
|
唐氏係咪係政府有得做?
T21應該出去揾私家做
靚apple
|
poohnson 發表於 19-2-11 22:36
唐氏係咪係政府有得做?
T21應該出去揾私家做

政府有得做唐氏,但唔係好準,T21得私家先有得做,驗得仔細D,其他遺傳病都驗到架,又可以快d收到報告
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽