退休無憂:港爸35歲唔使做去旅居 搵錢靠呢兩樣投資...

mickeyeva
|
35歲退休






對於年輕人而言,退休仿似遙遙無期,但香港的確有不少人三十幾歲就劈炮唔撈退休享受人生。70後岑皓軒(Matthew)只做過四年打工仔,就轉為全職投資者,理財有道的他更成功在35歲退休,專心做湊仔公,至今每月靠內地物業的租金收入,在日本享受悠閒生活。他笑言:「做人最緊要開心,毋須富有,生活豐足就可享受人生。」

Matthew早年於英國倫敦大學帝國學院修讀IT及工程學系,畢業後即返港工作,但從事相關工作約9個月便辭職。他笑指,當初因熱愛打機才選讀有關科目,怎料學科內容卻未如所想,並不是喜歡的範疇,故即使畢業後加入IT行業,但很快便轉行。他回想,「2000年畢業時,月入僅1萬元,扣除強積金更僅九千多元。上班時間長加上工作辛苦,於是決定轉行,加入英資銀行任財務策劃經理。」

當時他的主要工作是提供銷售服務,涉及產品如樓宇按揭計劃、個人貸款計劃及基金投資計劃等。另外,他熱衷於研究期權買賣,除參加公司提供的投資培訓班外,他更會主動進修,曾以30,000元報讀校外期權課程。

【變全職炒家 打工僅四年】

其後,他向香港財經資訊及教育(HKFIE)研究部主管潘玉琪拜師學藝,至2006年結婚,他結束短暫的職場生涯,其後便變身全職炒家,主力買賣期權,但他指每月獲取1.5至2%回報已心足,因明白身家要慢慢累積,高回報產品的背後,風險也會較高,慘輸一鋪的話,要翻身便相當困難。

講到最痛心的投資經歷,要由2011年日本311大地震時引發的市場震盪說起,當時日股崩塌,日經平均指數一度單日暴瀉逾14%,拖累恒指曾單日急插逾4%,單是這一役,他就輸逾10萬元。「呢鋪我輸得幾抵死,因為師傅有教止賺嘅重要性,但自己就冇跟隨。」經歷這個教訓後,他明白投資要做好風險管理,勿過分貪婪,要定好止賺位。

【加按套現買兩單位放租】

當年,他將工作賺得的佣金、兼職收入儲起,而由於在英資銀行工作,員工可選擇以筍價購得認股權,於是工作數年後,本金連同利息,他一共取回60萬元。不過,他的被動收入其實主要來自物業投資。

他於2006年結婚,並買入茶果嶺麗港城當時一個市值200萬元的兩房單位。至2008年,他見單位大幅升值,就將之加按套現,買入同屋苑另一單位,實行以租養樓。不久後,他照辦煮碗將第二個物業加按,買入第三個物業收租。如此一來,兩個物業租金收入共29,000元,足夠償還三個單位的物業按揭之餘,更剩下數千元。他當時雖已變為全職投資者,但太太仍就任中學教師,故家中有穩定收入來源。

【成都寫字樓年收租50萬】

有樓收租加上全職玩期權,令他閒時得以享受家庭樂,有空處理家事、煮飯給太太吃。他笑指,「幸好當年成為全職投資者,冇食軟飯,未有攤大手板問老婆拎錢使。」

投資有道令他一步步致富,2010年時他已擁有三個總值約千萬元物業。同年在友人介紹下,他將其中兩個物業出售套現,並購入成都三個寫字樓收租,現時年租金回報率約6厘,一年有約42萬元人民幣(近50萬港元)租金收入,足以支付他每月平均約4萬港元生活費。其後他再出售香港物業,以增加現金流。每月又靠投資期權,賺取1萬至2萬元回報,由此可見,他們每月收入達6萬元,這筆錢在日本已能讓人過豐富生活。

一個家庭月入幾萬元,也許你會認為環境稱不上富裕。岑皓軒稱:「我哋最重要嘅係家人同生活!唔少人營營役役大半生,但就發現錯過好多人和事。生活唔需要奢華,足夠就好,最重要係過得開心!」

他又指,時代社會資訊發達,要提早退休比當年容易。如今政府也提供持續進修基金,且市民可在網上修讀遙距課程,無論是時間或金錢上都比以前容易,年輕人想提早退休,並非難事。

岑皓軒家庭生活美滿,兩名兒子在2009年及2011年先後出世,為讓小孩有更多經歷與體驗,太太辭去教師工作,全家在2014年開始過着旅居生活,首站前往泰國曼谷。

他指,泰國物價較低,所選公寓月租1萬元,面積達4,000方呎。其他開支方面,兩名兒子讀國際學校,學費連同午膳、各項雜費,每月花費共約1萬元。他們在2015年遷往成都,以約1萬元租住面積2,000方呎的公寓。扣除兒子學費等開支仍有餘錢。2016年至今,一家移居到日本沖繩,雖當地開支相對貴,但住宅租金較港低,於沖繩以1.1萬元租下寬敞單位。

他笑言:「我不時同太太講,依家我哋係『雙失』,之後日子唔知點算。」但事實上,扣除2萬多元生活費,一家尚有盈餘。

●專家:全職炒股 九成輸錢

擔任全職投資者,成功賺錢機會有幾高?資深財經專家林一鳴指,除非是基金經理,否則全職炒股的,九成人都會輸錢收場,當中僅一成人會成功,且成功不但要掌握技術,更要有幸運之神眷顧。他指,股市走勢難以預測,又笑說:「在我過往30年嘅炒股經驗中,每10次投資,有4次都係輸錢。」

他提醒,炒股不是逢炒必贏,最重要的是有良好心理質素,如要記住贏輸比例為6比4,不要因贏錢而囂張、輸錢就一蹶不振。其次要有良好止賺策略,若沒有做好投資風險管理,隨時倒輸。「每人投資命運不盡相同,或者每100次投資,僅20次贏錢;或者有人初頭買股已賺,但以我經驗,到最後90%人都會輸。」

全職炒股不容易,每天對着電腦炒股,會令交易次數、買賣金額增多,出錯機會更大。建議最好有穩定職業,若斷絕正職收入,會令買賣股票壓力增加。若有穩定收入來源,即使在股場失意亦有正常收入作後盾。

展望今年投資取向,他指要看3月1日中美貿易戰情況而定,目前他未有頭緒,最重要是雙方可否「傾掂數」,若談判失敗,料恒指會跌3,000至5,000點。若談判成功,料恒指可回穩,現時入市有如賭大細,提醒投資者要做好風險管理。




為讓小孩有更多體驗,全家展開旅居生活。







資深財經專家林一鳴提醒,炒股不是逢炒必贏,最重要的是具備良好心理質素。









點評
wcpcelia    發表於 19-2-18 16:37
tansyneko    發表於 19-2-18 13:44
mandy952
|
mickeyeva 發表於 19-2-17 23:31
35歲退休

老婆都養起成頭家
sinchui
|
呢啲個案報導黎做乜,學佢? 陣間又話10個全職抄股9個輸,哂氣
TATEYAMA
|
當故事睇下好喇
good_pig
|
mandy952 發表於 19-2-17 23:43
老婆都養起成頭家

佢老婆冇返工架?
anpanmenbaby
|
心態問題姐,你覺得夠洗咩可以咁
有人每月賺一萬都夠,有人每月賺十萬都唔夠
我99係大陸都有成棟樓連地鋪收租啦,連埋股票收益,每年都有過百萬入袋。
雖然佢無做正職,但每個星期都返兩日工做清潔,同埋做替工。仲勤力搵錢過我
蕃薯仔媽媽
|
我唔揾呢類人做老公囉,好唔實在,亦唔係仔女嘅role model
點評
sonet    發表於 19-2-18 16:11
awah112
|
sinchui 發表於 19-2-18 00:04
呢啲個案報導黎做乜,學佢? 陣間又話10個全職抄股9個輸,哂氣


awah112
|
anpanmenbaby 發表於 19-2-18 01:46
心態問題姐,你覺得夠洗咩可以咁
有人每月賺一萬都夠,有人每月賺十萬都唔夠
我99係大陸都有成棟樓連地鋪收 ...


mike89
|
十個有九個炒股,成功既人又有幾個
點評
wcpcelia    發表於 19-2-18 16:38
sonet    發表於 19-2-18 16:11
JoanaL
|
蕃薯仔媽媽 發表於 19-2-18 01:58
我唔揾呢類人做老公囉,好唔實在,亦唔係仔女嘅role model

淨係靠炒股無份正職or 兼職真係好唔穩陣,萬一出事都有份人工頂住先, 除非佢d cashflow/ fixed asset已經夠成家人成世保障, 否則唔做野dum懶個人出左事要出返黎做好辛苦
快樂瑪卡兒
|
有時工作又唔剩係為錢嘅
FJmom
|
蕃薯仔媽媽 發表於 19-2-18 01:58
我唔揾呢類人做老公囉,好唔實在,亦唔係仔女嘅role model
exactly, 我覺得對仔女唔係一個好榜樣
大力大力
|
蕃薯仔媽媽 發表於 19-2-18 01:58
我唔揾呢類人做老公囉,好唔實在,亦唔係仔女嘅role model

x 2

根本就是依賴炒賣為生(好彩),成功就是英雄,失敗便成狗熊~


ddzq89
|
醒目,打工只係浪費自己人生
20462046
|
TATEYAMA 發表於 19-2-18 00:05
當故事睇下好喇


tsung
|
TATEYAMA 發表於 19-2-18 00:05
當故事睇下好喇


asa2012
|
Timing 好重要。如果佢遲10年出生,在2016年買第一層樓,相信唔會咁易1層接1層咁買,享受不到接下來的升浪。

又調轉,如果早10年咁做,96年開始儲樓,說不定轉眼全變負資產,當年有藝人都係咁破產。
mother904
|
mandy952 發表於 19-2-17 23:43
老婆都養起成頭家
佢老婆以前係培正教書,冇做野好耐,兩夫妻一齊實行他的財富自由理念。
cattz288
|
佢自己都喺外國讀書, 本身家底都唔弱喇!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽