Hi mangobbbb ,純米糊係比較常見BB第一種引進嘅固體食物,唔易引起BB出現過敏,營養比白粥更全面,用BB飲開嘅奶黎開,BB會容易D適應味道。 1茶匙米糊加4茶匙奶,用匙羹餵1-2茶匙,連續試3-4日,觀察BB有冇敏感/唔適應,OK就可以加入淡味水果。 BB幾大? 會靠住椅背坐? 表現對食物有興趣嗎?
Hi 2018twinbb,係呀,BB免疫系統未成熟比較容易有過敏,每次只試一種新食物,份量要由少開始,每種新食物要連續試3日去觀察BB有冇敏感反應,記錄低BB食新食物反應,如果BB有敏感/抗拒食,就可以遲一段時間再嘗試。
Hi maychan1122 ,係呀,糊仔食得好就可以嘗試蔬果類,先加D味道較淡味蔬果蓉: 冬瓜、節瓜、南瓜、菜心、白菜,較淡味水果蓉: 蘋果、香蕉、梨, BB食得好就可以加埋鐵質豐富肉魚蛋豆類,或者嘗試白粥(肉粥),仲要建立BB飲水習慣。 BB幾大? 開始食固未呀?
Hi onemanband ,敏感主要由致敏源(高蛋白質食物衣物、昆蟲、沖涼液、洗頭水、洗衣液、塵蟎、花粉)引起,身體免疫系統誤將無害嘅物質當成有害,釋放出引致發炎的物質令身體有過敏/敏感徵狀, 皮膚出疹紅腫、嘔吐、肚痾、流鼻水/眼水,都係比較常見敏感反應。 BB幾大? 係咪有敏感徵狀?
Hi leomandy809 ,媽媽好叻叻餵哺緊母乳 母乳最容易俾囡囡消化、吸收、有抗體,提供足夠水份, 透過埋身吸吮,對囡囡口腔發展有莫大好處架! 囡囡食固後開始要飲水補充水份黎幫助排便, 由於需要時間適應飲清水, 通常避免囡囡係飲完奶後/食完固體最飽肚時俾水佢飲,兩餐中間飲水會比較好架。囡囡幾大? 食固食得好唔好?
媽媽唔好擔心,如果囡囡食飽固體後肯飲水,飲少少無問題架 囡囡好叻叻有咁好吞嚥能力, 媽媽可以俾囡囡嘗試蔬菜類食材, 例如淡味水果: 蘋果、香蕉、梨,淡味蔬菜: 冬瓜、節瓜、南瓜, 每次只嘗試1種新食材(份量好少),連續試2-3日,如果無出現過敏反應, 可以按囡囡咀嚼和吞嚥能力加入適量肉類、蛋、豆類或者轉煲粥仔,粥仔食物配搭更彈性,味道多元化,容易調教唔同質感架。