7個月BB中咗甲型流感仲要受人氣!

lazy_baby
|
本帖最後由 lazy_baby 於 19-2-19 04:24 編輯

早兩日見我個細孖少少咳,面又紅卜卜,度一度37點幾度,諗住可能唔係好大件事,到第二日又係紅卜卜,都37度幾,諗住出緊牙仔所以少少燒,到第三日朝,哇~勁紅卜卜,一度38度幾!餵佢食退燒水,每四個鐘一次,到第二日仲係完全冇退燒!仲燒到39度幾!因為我要湊大孖,我老公自己即刻帶细孖去聯合醫院,照完x光,話有輕微肺炎,建議留院,之後再抽血驗,又(了)下鼻驗鼻入面D野,超恐怖,當時同老公keep住講電話,聽到呀B比人抽血D慘叫聲真係嚇死!唔知比人插咗幾多下先搵到血管!不停大聲慘叫!我老公話果度講明BB血管難搵,要吉好多次!

lazy_baby
|
最恐怖之後仲話要抽脊髓!又話驚有腦膜炎!之後到今日見情況OK,所以話唔洗抽!好彩!暫時繼續留院,點知今晩輪到大孖突然發燒!我同老公即刻抱佢去聯合急症,我老公同大孖等,我去探細孖,終於見到佢,好精神,但一出聲,沙到爆!孌咗老牛聲 面又紅卜卜,我行去問姑娘細孖退燒未??個正中超級八婆姑娘話:冇燒過!佢由入黎到而家從未燒過!佢中咗甲型但佢冇發過焼!我話:下?但佢而家紅卜卜,會唔會燒緊?八婆:冇燒呀!然後我話:佢把聲沙哂嘅?八婆啤住我唔出聲!我都好奇以為佢望住我會答我,點知佢一直啤!
lazy_baby
|
本帖最後由 lazy_baby 於 19-2-19 18:48 編輯

我即刻啤實佢!睇佢想點!佢先出聲話:邊有呀!成日都未聽過佢沙!然後我扮呀B點樣沙把聲,然後八婆話:你自己把聲係咁咋!然後佢行埋呀B度聊佢,然後見我開咗燈,佢超串咁問:你有D咩需要令你要開燈呀?你知唔知D燈開太耐會好熱㗎!鞋!然後我已經即刻熄燈,佢仲鞋鞋聲!!我慶慶地問佢洗唔洗咁爐氣呀!佢唔望我行咗去!頂!真係不知所謂!我啱啱黎到開燈幫我B換片同玩下之嗎!就因為開左燈先見到細孖塊面原來仲係紅卜卜,摸d手腳又凍冰冰,咪行出去問下會唔會發緊燒,咁都比人話!

真係好想而家即刻帶呀B出院

lazy_baby
|
之後有呀姐黎同所有BB探熱,佢度完我問佢幾多度?佢答:冇燒!然後我問即係幾多度?佢唔出聲咁奇怪嘅?唔比得人知?然後我自己裝佢部機!見到35度幾!又會咁低嘅? 係咪正常呢??不過算了,費事再問呢度D廢人護士,問完等如冇問!仲有機會比人串多獲
臭Patpat小B
|
Bb入院好陰功已經,出院未呀
lazy_baby
|
臭Patpat小B 發表於 19-2-19 12:17
Bb入院好陰功已經,出院未呀

細孖而家出院,不過佢喪咳
醫生想大孖留院,但我唔想,所以叫佢開藥比我返屋企餵,因為我唔想留大孖喺度比人亂吉,我上網睇到好多人D BB中咗甲型都會自然好,醫生都話OK比我帶走,x光片亦顯示佢冇肺炎,所以我啱啱帶咗佢返屋企了~頭先餵佢食抗生素、特敏福、退燒藥,原本喊到九彩,可能食完藥舒服晒!終於笑返 啱啱瞓咗了~thanks
臭Patpat小B
|
lazy_baby 發表於 19-2-19 12:35
細孖而家出院,不過佢喪咳
醫生想大孖留院,但我唔想,所以叫佢開藥比我返屋企餵,因為我唔想留 ...

用啱藥就好快好了,近期好多bb中招!
小楠藍
|
lazy_baby 發表於 19-2-19 04:35
之後有呀姐黎同所有BB探熱,佢度完我問佢幾多度?佢答:冇燒!然後我問即係幾多度?佢唔出聲咁 ...

祝大細孖快啲好番
GCHK
|
臭Patpat小B 發表於 19-2-19 13:47
用啱藥就好快好了,近期好多bb中招!

係亞,呢排好多中招,希望小朋友們快D好番
puppydingo
|
大細孖一齊病係超痛苦。我明。上星期岩岩病完,2個一齊燒。
你要加油。
lazy_baby
|
臭Patpat小B 發表於 19-2-19 13:47
用啱藥就好快好了,近期好多bb中招!

但係醫院無比過藥細孖食,8婆姑娘話佢無燒過無食過藥,而家出埋院,見佢都精精神神好彩,我見之前又話佢肺炎又呢樣果樣,講到咁嚴重,但佢唔食藥都好得返,所以先夠膽唔比大孖留院咋~因為我見病房入面d BB係病到癡左線,咳到呀媽都唔認得,又抖唔到氣咁,我覺得再留係醫院對住咁多病毒好似仲危險,所以返屋企穩陣d囉
lazy_baby
|
小楠藍 發表於 19-2-19 14:23
祝大細孖快啲好番
多謝你
lazy_baby
|
puppydingo 發表於 19-2-19 17:16
大細孖一齊病係超痛苦。我明。上星期岩岩病完,2個一齊燒。
你要加油。
下!你兩個都中左招!咁佢地燒左幾多日呀?係咪又要食特敏褔抗生素果d?? 兩個一齊病真係好恐怖,我同老公已經差唔多幾晚無訓,食野都無心機,因為第一次遇到呢d事,好擔心,聽見流感兩個字已經驚
多謝你,而家大孖食左兩次藥,見佢肯訓同無再喊應該舒服左了,希望快d好最奇怪沉晚佢一發燒,突然成面紅哂起到成面濕疹!
我前排聽你講食能恩幾好,我都轉左,夠淡口,佢真係肯飲呀~~仲飲好多呀~
puppydingo
|
lazy_baby 發表於 19-2-19 18:31
下!你兩個都中左招!咁佢地燒左幾多日呀?係咪又要食特敏褔抗生素果d?? 兩個一齊病真係好恐怖,我同老公已經 ...

本帖最後由 puppydingo 於 19-2-19 19:56 編輯

我兩個唔係甲流。
感冒加手足口。
細孖仲要唔知咩事食左d咩敏感。

飲多奶就好。

如果食左藥,兩個都訓倒,你快d休息。

我要做媽媽
|
真係仲要受人氣,咁先嬲亞
lazy_baby
|
puppydingo 發表於 19-2-19 19:54
本帖最後由 puppydingo 於 19-2-19 19:56 編輯

我兩個唔係甲流。

下?咁慘!你肯定又唔洗瞓了!
細孖點敏感法?又係起紅色一達達?

我瞓咗一陣,太肚餓,而家醫下自己個肚先
lazy_baby
|
我要做媽媽 發表於 19-2-19 20:10
真係仲要受人氣,咁先嬲亞

我有D後悔冇即場爆佢!我只係問下個仔退燒未之嗎~我好有禮貌行埋去問,又唔係發哂癲好緊張咁問,佢哋個衰樣好似覺得我阻住佢地傾計咁!有三個8婆,D眼神十足電視嗰啲三姑六婆咁呢~哇!衰到呢.....

kissapplegirl
|
有能力有買保險可以住私家,咁就唔會再受氣啦
新聞都有講公立醫療系統幾爆醫護人員工作繁忙,做家長嘅見到小朋友病又擔心,有機會溝通上磨擦誤會,大家多多忍讓啦 唔好勞氣
我個仔都試過發高燒入院,係食左退燒藥都燒到39,40度,入院一樣要照肺炎驗尿尿抽鼻液,住院其間keep住度體溫,有發燒就會比退燒藥水,我個仔有咳同埋少少鼻水,佢地都唔會開任何藥物,我諗正常嚟講係要由醫生去決定開咩藥畀bb, 我嗰時帶埋探熱器入院 我都有keep住個bb度體溫,發現bb一發燒就通知姑娘,姑娘就畀藥呀b
有無同bb打流感針呀 不幸中左招病情會輕微d
lazy_baby
|
kissapplegirl 發表於 19-2-19 21:14
有能力有買保險可以住私家,咁就唔會再受氣啦
新聞都有講公立醫療系統幾爆醫護人員工作繁忙,做家長嘅見到 ...

係呀~經過今次,一定要買保險!唔想冇啦啦受氣~
佢地忙鬼,三個八婆圍住喺度傾計,我阻頭阻勢,佢哋咪慶 而家重點唔係食唔食藥,係我淨係問退咗燒未,佢哋已經想發癲 答我冇燒咪OK囉~D語氣衰到又話我個仔從未燒過,佢意思好似講到我個仔都冇事都唔知入嚟醫院做乜嘢咁!
冇打喎~淨係帶過佢哋去母嬰院打嗰啲針咋~
sfcbb
|
lazy_baby 發表於 19-2-19 04:14
最恐怖之後仲話要抽脊髓!又話驚有腦膜炎!之後到今日見情況OK,所以話唔洗抽!好彩!暫時繼續留院,點知今 ...

我孖仔同你兩個差唔多大,之前我地三母子都中左流感,真係人都顛,好彩老公冇事,佢一個頂晒。 加油,希望佢地快啲好番,心痛死媽媽
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽