單親天地

跳至

首頁
1

尾頁
   1


大宅

積分: 3134


發表於 19-2-20 12:19 |顯示全部帖子
本帖最後由 Bbtvsvod 於 19-2-20 12:20 編輯

我正式做了單親媽媽一年左右,但同先生分居都大概兩年,原因係自從老公自己開公司,太忙後就大家關係一直差落去,再冇咩返屋企訓,咁久而久之,就分開左住。

我有一個6歲小朋友,從k3開始,我就大部份時間獨力湊佢,我係全職工作,雖好穩定但份工好忙,黎緊星期六又要返工,呢幾年黎一直都冇停過,屋企得工人湊,好彩奶奶間中會幫手。

上到小學後,日日時間都唔夠用,確實要花係小朋友既時間心力係要多左,星期一至五放工返黎就要睇功課,簽手冊,同佢做上網練習,星期六日又要帶佢上補習班,好彩奶奶會幫手頂下出席學校活動,如果唔係,我多多假都唔夠用。每個星期日下午,當我一個人靜落黎,煮飯俾小朋友時,就覺得時間過得好快,一陣又要上床訓覺,第二日又返工。

老公有負責俾工人及小朋友學野費用,我只係負責供樓,所以財政冇咩壓力,亦因為咁,我已決定出年會轉份人工低,但時間比較自由既工作,始終而家錢賺到都冇時間駛,咁不如我用錢黎搵時間好過。

見到一位單親爸爸講,日子好難捱,我都覺得,因為日日冇左自己,我叫工人日日落去樓下拎免費報紙,但諗深一層,我一個月可能得兩、三日15分鐘左右 (即係唔駛返工既星期六)可以坐係屋企有時間睇報紙,其餘時間係連坐係梳化時間都冇。


大宅

積分: 2866


發表於 19-2-21 13:54 |顯示全部帖子
絕對明白 有機會自己要休息 媽媽都需休息


大宅

積分: 2919


發表於 19-2-21 18:54 |顯示全部帖子
想問樓主,單親對你小朋友有影響嗎?


男爵府

積分: 6525


發表於 19-2-21 21:55 |顯示全部帖子
Bbtvsvod 發表於 19-2-20 12:19
我正式做了單親媽媽一年左右,但同先生分居都大概兩年,原因係自從老公自己開公司,太忙後就大家關係一直差 ...

你嘅生活模式已好過很多雙職父母啦!起碼吾使每天收工趕頭趕命去湊仔,買餸煮飯,病痛時又吾使臨時臨緊搵人幫手或請假。放工回家已有飯食,食完又無手尾跟,多好。

你仔現時小學,正常都吾會遲過十點瞓啦,佢瞓了後果幾個鍾不是自己時間嗎?

係現今呢個社會,除了孩子出世後不聞不問,如果吾係你都預十八歲前都係無咩私人時間嘅啦!


大宅

積分: 3134


發表於 19-2-22 10:47 |顯示全部帖子
我通常等佢訓後(10點左右)自己睇下書都訓啦,因為第二日又要6點幾起身,送小朋友返學,邊可以仲有咁多私人時間?

雙職父母如果冇工人既,都會辛苦,但至少一個頂唔到,另一個都可以頂上嘛,我如果頂唔到,係冇人可以頂上嘛,唔通叫工人睇功課咩? 而且,通常雙職父母如果冇工人,好少阿媽會搵份

我唔知而家對小朋友有冇影響,不過我小朋友有語言障礙,而家要每星期上堂,我係覺得因為佢讀幼稚園時工作太忙,連同佢講野既時間都冇咩,加上工人只識講英文,所以影響到佢講中文既

不過,佢而家開始大,成日都會聽到我地大人會講佢daddy既野,咁佢都會開始意識到老豆成日唔係屋企,亦唔會好似其他daddy咁會帶佢去玩

首頁
1

尾頁

跳至