樓主,你拋少啲書包啦。
有時候,事實勝於雄辯。
你一咪賴你99令你唔能夠相信天父,但你係從細個已經領洗,即係你應該好明白教徒係唔應該信問卜或風水之談,但係你自己又唔廚房 sink 盤位置嘅風水,難道呢啲又係你99逼你?
喺我答你第一個 post 嘅時候我係無睇你舊 post, 因為我相信你口中所講長達二十年嘅窮必有其原因,一定唔會係鬼神之說。我有問你是否大使?是否唔適合做生意而走去做生意而引致債台高築。
後來睇番你舊 post 我終於明白一切。你連買樓一項咁大決定自己都唔做足功課,你唔係七歲小朋友,反而賴你99令你做錯決定!Come on 咁大個人要為自己 make 嘅 decisions 負責仼。
樓主,好心你咪玩彈弓手,每一個 post 都比你 edit 過!
其實咁多年要搬來搬去咪又係你自己決定,無論搬屋定遠走加拿大,然後又回流香港。呢一切嘅行動都係由你決定,冇人揸住支槍逼你㗎。
好心你四十幾歲人成熟啲啦,唔好賴呢個賴嗰個啦。
好似你段婚姻咁,由十幾年前話離開到重修,依家又話走,有啲嘢唔好成日掛喺口,但又冇行動。咁樣只會比人煩厭嘅感覺。
By the way, 浸過咸水都好,中文都要學好。係入伙,唔係入火。