Part 6
開庭時個官問佢仲咩接受左調解方案後又反口,條友話唔知500原來唔夠買機票返菲律賓,個官質疑佢唔合羅輯,佢寫左claim機票錢1000,而且調解前有差唔多兩個星期俾佢搜隻資料,係呢個pt質左佢差唔多一個鐘!你以為個官咁正義,咁你就錯喇!之後佢係到撩我果張收據,話唔明我點計糧,但其實係我計多左2日糧俾佢,當日好混亂,我已經唔夠訓加上細仔剛起身係度喊,我係計錯數但出多糧冇錯丫,個官話我係silly employer,淨係玩計數都玩左1.5hrs,而個官又勁多比喻同哲理,仲要教精個工人點做保障自己,而且建議佢應立既搵中介拍條片,要勁好笑容,因為僱主都係鍾意cheerful既人,會好快搵到工
Part 7
個官玩左好耐,然後話法院提供俾工主既翻譯有下一單job, 仲有半個鐘就要走,要加快否則要開第2場聆訊,之後話工主係little girl and first time to come hk,但工主28歲有2個細路,唔知道香港工作既辛酸,所以好同情佢,但另方面又好同情僱主,俾左中介費但工人只係做左3星期,之後佢就懶公道俾左個和解方案,佢上網查工主簽證最後一日既機票幾錢,話幫我扣返之前俾多既糧,叫我俾個尾數個工主,講真條數好細,只係375,比之前調解500仲少,重點係要我俾多次機票錢,即係我錯啦,收據寫埋flight no, 工主簽晒名都可以唔算數,只因佢第一次黎香港 ,佢話如果工主黎左10年就唔會同情佢喎!