彭志銘評論《流浪地球》製作簡陋 「中國人自大狂意識太

bunnyjanjan
|
彭志銘評論《流浪地球》製作簡陋 「中國人自大狂意識太強,反映民族強烈自卑感」

https://hk.news.appledaily.com/local/realtime/article/20190222/59286126

彭志銘認為《流浪地球》的水準不及20多年前的外國科幻片,如《明日之後》的冰封場面(左)亦較《流浪地球》細緻。

他說,《流》的中國人自大狂意識太強,反映民族強烈自卑感,作為愛國的中國人應「越睇越傷心」

中國科幻片《流浪地球》獲中共喉舌《人民日報》大讚,甚至外交部也建議外媒記者「去看一下」。惟從事電影出身的本港文化人彭志銘諷刺,《流》是「超級災難片」,製作簡陋連20年多前外國科幻片都不如。他形容《流》「植入義和團式思維」,吹噓中國強大,「嗰種自卑感、自大狂意識太強。令你以為自己係世界最堅最好,但其實拍咗出嚟係俾人笑,咁都救到地球?」

早前已觀看《流》的次文化堂社長彭志銘說,科幻片必睇畫面,但廿多年前的外國科幻片水準亦較《流》高得多,「講現時外國科幻片,佢係連B級也不如,直程係C級、D級,係好低層次」,「啲畫面10幾年前The Day After Tomorrow(明日之後)已經出現過晒,同埋人哋係好清晰睇到紐約被冰封,係有少少自由神像突出嚟,會感覺到有地理、環境性,亦會感受到個雪冰到幾高。但佢冰封個上海,係睇唔到呢個sense,即係無邏輯囉!睇唔到冰封成點」。

彭續斥,《流》的製作低智兼簡陋,例如戲中人物只身穿普通棉衣,便能抵擋氣溫急跌80多度;戲中「地下城」猶如廟街,「連一個高級嘅城市都做唔到,然後話俾人聽呢個係未來世界,反映中國人缺乏想像」。他更形容,電影重點「地球驅動器」十分「白痴」,「只係幾條好似針咁樣嘅光,拍唔到推動成個地球時候嘅能量,咁係好反智嘅」。

彭說,科幻片可有無限幻想,惟《流》片超脫科學常識,「喺太空艙無地心吸力仲可以行嚟行去,咁你都好堅喎。超越西片超人托住地球」。他批評,「如果一個咁反智嘅電影受到當地人接受,即係呢班人都係反智低質嘅人。一個咁低水準嘅所謂科幻片,而全國都受(落),就知呢班人知識水平好低」。

不過「災難級」畫面也許不及意識形態植入恐怖。彭指,昔日清政府為煽動百姓為國家效力,就利用百姓的無知組成義和團,令他們以為自己刀槍不入,以身體抵擋洋槍子彈。《流》亦透過此種「義和團式思維」,利用國民的無知,土豪式吹噓國家強大,「以為我哋國家強大,贏人好多嘅。但你睇畫面,(戲中)電腦個mon仲渣過屋企樓下看更個mon,咁樣就覺得自己好勁、好偉大、超科學,呢啲就係義和團式思維植入你個腦裏面」。

他續指,不少評論稱《流》不再是超級英雄救地球,而是強調「命運共同體」概念,但他認為結局其實是中國人救地球,「係全球人類都搞唔到,得番吳京兩父子救地球,係個完全無讀過書、無科學知識嘅人救地球,科學家停晒手腳」。他說,任何國家拍攝同類電影也是該國家救世界,但前題是故事要合理,「而家拍出嚟係俾人笑,『吓,咁樣都救得到?』」

他說,《流》的中國人自大狂意識太強,反映民族強烈自卑感,作為愛國的中國人應「越睇越傷心」,「國家推動呢種意識形態嘅電影,造就如此假象,係幾可悲嘅現象」。他諷刺,《流》是「超級災難片」,並會推薦他人觀賞,「睇下聲稱全中國最賣座電影係咩質素,測試下自己嘅忍耐力」。

本地影評人家明則指,相信《流》具可觀性,但港人較喜歡本土電影,加上抗內地心理強烈,即使《流》在港上映,亦未必獲好成績;另一影評人鄭政恆認為,《流》在賀歲檔期跑嬴喜劇,估計是受中美角力影響,故可與美對撼的國產科幻片崛起,內地人便特別關心。他續指,雖然國產片強勢,但相信無損香港電影在內地是票房保證的地位,特別是動作及喜劇片仍具叫座力。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽