法國醫院全餐記錄

daidailek
|
9/2 :呢日係我預產期,但我仲未feel到任何跡象,所以覆診私家醫生,決定15/2入院催生。
10/2:
02:00-04:00零晨煲緊劇,開始覺得肚痛持續,而且每隔一陣就痛。
04:00 同喺廳睇緊波嘅老公講我好似有規律陣痛、會留意住,叫佢去眠一眠先。打電話俾法國,話要入院,而家入同朝早8點入無分別。
07:30 換好衫帶埋走佬袋出發去醫院,上車前食左KFC 早餐。
08:30 去到法國三樓產科,向姑娘登記,簽左好多名。揀咗三人房、決定做聽力測試同埋代謝篩查,奶粉就揀咗能恩。因為我中咗B鏈,所以要開醫健通。簽哂名老公就落去一樓交$7000住院按金同埋開通醫健通,我就跟姑娘入去做檢查。
daidailek
|
daidailek 發表於 19-2-24 14:13
9/2 :呢日係我預產期,但我仲未feel到任何跡象,所以覆診私家醫生,決定15/2入院催生。
10/2:
02:00-04:0 ...

09:00 姑娘首先叫我換咗嗰件粉紅色嘅醫院袍,除晒所有上身內衣,但係可以着住條底底。然後姑娘叫我瞓低幫我檢查宮頸,我其實好驚呢一part,之前醫生檢查親我都嗌晒救命,點知法國醫院呢個姑娘檢查完全唔客氣,痛過醫生檢查多多聲,仲要隊左幾次都話未得,痛到我捉到佢隻手就快魚。檢查完,姑娘話勉強開咗一度,宮頸都算軟。然後佢想幫我放大便,但係我啱啱先痛完唔想再痛,就話唔放啦我今朝早已經去過大便,咁佢就話由你啦。


daidailek
|
daidailek 發表於 19-2-24 14:14
09:00 姑娘首先叫我換咗嗰件粉紅色嘅醫院袍,除晒所有上身內衣,但係可以着住條底底。然後姑娘叫我瞓低幫 ...

10:00 姑娘叫我入產前房幫我博胎心機聽BB心跳一個鐘同埋聯絡我嘅私家醫生私家醫生。醫生大概係一個鐘頭之後嚟到睇過份胎心機嘅報告冇問題就拆咗個胎心機,當時我鎮痛開始5分鐘一次,我就叫老公快啲去食嘢先返嚟陪我。老公出去嗰一個鐘我痛到不停捉實個張床希望佢快啲返嚟。去到老公未返嚟我已經同佢講我頂唔順啦要打無痛,所以我就同左姑娘講叫佢幫我安排打無痛。唔知係痛得滯定點,突然覺得好肚餓,呢個時候老公返嚟買咗餐蛋治俾我,我9秒9就K.O.左,然後先落產房。
daidailek
|
daidailek 發表於 19-2-24 14:15
10:00 姑娘叫我入產前房幫我博胎心機聽BB心跳一個鐘同埋聯絡我嘅私家醫生私家醫生。醫生大概係一個鐘頭之 ...

2:00 入到產房做好晒所有安排,包括幫我駁好晒啲機,打B鏈抗生素等。我痛到捵嚟捵去問個麻醉科幾時先到,姑娘話因為今日係星期日,所以麻醉科醫生要特登趕來,仲要半個鐘先到,我心諗仲要半個鐘我真係好痛,嗰半個鐘真係來回地獄又折返人間。我已經無辦法再WhatsApp但又好想老公入嚟陪我(醫院政策係要打完無痛老公先可以入嚟),老公應該係出邊嘈晒話可唔可以入嚟陪我,但係姑娘都唔俾姑娘問我聞唔聞笑氣,但係我堅持唔聞,因為我驚我啱啱食完野聞笑氣會嘔,而且我都就快打無痛仲聞乜鬼嘢笑氣。
daidailek
|
daidailek 發表於 19-2-24 14:15
2:00 入到產房做好晒所有安排,包括幫我駁好晒啲機,打B鏈抗生素等。我痛到捵嚟捵去問個麻醉科幾時先到, ...

3:00 麻醉科醫生嚟到幫我打無痛。佢同我解釋一堆打無痛嘅風險嗰陣,我只係瞇埋眼極痛苦咁樣對住佢噏頭。之後佢就快手幫我打無痛,打完好似有一陣冰涼嘅感覺通過全身咁樣,之後下半身就冇感覺啦。佢話感覺唔到溫度同壓力就代表感覺唔到痛楚。麻醉科醫生臨走之前仲同我講你咁怕痛,但係你就快做人媽媽啦,無痛分娩已經係最強嘅止痛方法,生BB都一定要捱少少痛㗎,你依家要盡量放鬆,等你個宮頸開,呢個麻醉科醫生個人好好,佢講嘅嘢真係安慰到我,所以嗰刻開始我就盡量放鬆,直頭瞓埋添。護士呢個時候就幫我打催生藥同埋睇情況之後幫我穿水等一系列嘅準備幫我順產。
daidailek
|
daidailek 發表於 19-2-24 14:16
3:00 麻醉科醫生嚟到幫我打無痛。佢同我解釋一堆打無痛嘅風險嗰陣,我只係瞇埋眼極痛苦咁樣對住佢噏頭。之 ...

4:00 我瞓到蒙蒙朧朧之間好似聽到嗰部胎心機係咁叫,無幾耐停咗,之後又響過一次,我繼續瞓,瞓到一半嘅時候姑娘突然之間同我講要停水啦,唔可以再落啦,我依家call緊你醫生,叫佢而家嚟。因為我瞓緊嘅關係,完全消化唔到佢講嘅嘢,我就問佢點解而家叫私家醫生嚟?我係咪要開刀?佢就同我講,如果我係你就一定唔諗直接開刀啦。我問佢點解,佢話一落催生藥BB心跳就跌到得60,佢試過停催生藥,BB心跳上返130幾,之後將催生藥嘅劑量減少再落,BB心跳又跌,佢就唔夠膽再落,仲要出去寫報告添。然後唔夠1分鐘佢就翻過嚟俾個電話我,係我嘅私家醫生。
daidailek
|
daidailek 發表於 19-2-24 14:17
4:00 我瞓到蒙蒙朧朧之間好似聽到嗰部胎心機係咁叫,無幾耐停咗,之後又響過一次,我繼續瞓,瞓到一半嘅時 ...

佢把聲有啲低沉咁同我講,而家個情況唔係幾好,因為阿B好似唔係幾鍾意啲催生藥,一落咗佢心跳就係咁跌,如果再落唔知跌完會唔會上返嚟,好危險,我宮頸又未係好可開,所以呢個情況最好都係開刀。我話我要同先生傾下先,姑娘即刻叫我老公入嚟,我哋大家都係覺得其實個刻係冇得選擇要開刀,所以我哋好快決定開刀。佢哋聽到之後9秒9幫我安排去手術室,仲call埋兒科醫生Stand by,因為係緊急開刀同星期日嘅關係,老公冇得陪產,只能夠我自己入產房,呢刻開始我啲眼淚就不停咁標冇停過,直至到生完BB都冇停過,所有護士姑娘見到我都安慰我,個麻醉科醫生走左又要趕番過嚟。
daidailek
|
daidailek 發表於 19-2-24 14:19
佢把聲有啲低沉咁同我講,而家個情況唔係幾好,因為阿B好似唔係幾鍾意啲催生藥,一落咗佢心跳就係咁跌,如 ...

5:00 入到手術室完全冇人,因為係星期日,果下我已經知道我呢張單會好甘,但已經唔理得咁多。入到手術室我諗最少企左10個人喺度,大家快手快腳幫我set up,麻醉科醫生又幫我落藥準備,我望住天花板塊鋼板,好快見到反射落嚟嘅紅色就知道嗰下應該係開緊刀,我自己雖然冇感覺但係feel到好多嘢係入邊扯出嚟,我就同麻醉科醫生講我好似feel到痛喎,佢話其實你feel到扯係正常嘅,陣間到BB出世我會幫手㩒一㩒,到時再加多少少劑量。我好想咳但係咳唔到因為喺頸以下嘅地方我都控制唔到,想拎起隻手又拎唔到,果下淨係想麻醉藥快啲落返去。唔夠10分鐘麻醉科醫生就同我講BB就快出世啦。
daidailek
|
daidailek 發表於 19-2-24 14:19
5:00 入到手術室完全冇人,因為係星期日,果下我已經知道我呢張單會好甘,但已經唔理得咁多。入到手術室我 ...

5:50 講完唔夠10秒我就聽到BB喊聲,然後好快護士同埋兒科醫生就走過來比BB我睇。BB好暖,佢哋問我BB係男仔定女仔,我話係男仔,跟住佢就拎住部相機同我影相,但係我喊緊根本笑唔出,佢就話係開心事黎笑吓啦咁我就笑左一下,咁就影咗我同阿仔第一張合照,可惜呢張合照冇爸爸份,所以護士一影完之後就即刻話好啦我要抱出去俾爸爸睇啦。然後兒科醫生就過嚟同我講,檢查完BB一切正常叫我唔使擔心,我先鬆一口氣。做緊呢炸嘢嘅時候醫生應該係幫我馮緊針,好快馮完就已經可以被推返上病房。
daidailek
|
daidailek 發表於 19-2-24 14:20
5:50 講完唔夠10秒我就聽到BB喊聲,然後好快護士同埋兒科醫生就走過來比BB我睇。BB好暖,佢哋問我BB係男仔 ...

呢個就係我成個生產過程,感受最深嘅係法國嘅姑娘同醫生都好當機立斷,縮短我嘅產程,令到原本可能好辛苦嘅產程變得輕鬆。你哋最想知應該係我埋單幾多錢,我埋單總共10萬蚊包括打咗無痛分娩、緊急開刀醫生附加費、星期日加班費、因為我有B連而BB需要做嘅一系列檢查、仲有就係兒科醫生Stand by等。10萬蚊係順產(唔打無痛)嘅一倍價錢,我平時好慳家,但係經過今次嘅經歷我覺得呢10萬蚊係值得嘅。其實我有諗過去政府醫院度生,因為諗住橫掂順產都冇所謂啦去邊度生。但係生仔嘅過程你點知道會會唔會順利,去私家生就算有咩突發事佢哋都會處理得好啲,如果負擔到,呢筆錢係唔慳得嘅。
daidailek
|
daidailek 發表於 19-2-24 14:22
呢個就係我成個生產過程,感受最深嘅係法國嘅姑娘同醫生都好當機立斷,縮短我嘅產程,令到原本可能好辛苦 ...

最後,我啱啱尋日做完產後檢查,第一次睇自己開刀個傷口,其實唔認真睇完全唔覺得有條很喺度,所以如果有機會再有下一胎我一定諗都唔諗選擇開刀。希望以上嘅分享幫到各位JM。純粹個人分享,唔想公開醫生姓名。
wingin206
|
睇到好緊張呀, 好好保養身體, BB 健健康康
va115
|
daidailek 發表於 19-2-24 14:22
最後,我啱啱尋日做完產後檢查,第一次睇自己開刀個傷口,其實唔認真睇完全唔覺得有條很喺度,所以如果有 ...

我一月生完 都係食全餐 我政府生 其實如果順利地順產到 政府的確最抵 但如果要開刀真係私家好 同你一樣 經歷完陣痛加開刀 再揀我會揀開刀 因為陣痛真係好辛苦 唔知痛幾耐 開刀起碼有哂心理準備!
daidailek
|
wingin206 發表於 19-2-24 16:05
睇到好緊張呀, 好好保養身體, BB 健健康康

多謝,BB 係滿月B, 而家好健康,感恩。
daidailek
|
va115 發表於 19-2-24 18:00
我一月生完 都係食全餐 我政府生 其實如果順利地順產到 政府的確最抵 但如果要開刀真係私家好 同你一樣 ...

無錯,順順利利無事無幹順產到真係個blessing。一開始好想順產,覺得身體復原會好啲,但原來開刀完全唔係想像中咁差。你而家坐完月?
JD930
|
daidailek 發表於 19-2-24 20:09
多謝,BB 係滿月B, 而家好健康,感恩。

咁就好了
nalinacc
|
daidailek 發表於 19-2-24 14:22
最後,我啱啱尋日做完產後檢查,第一次睇自己開刀個傷口,其實唔認真睇完全唔覺得有條很喺度,所以如果有 ...

本帖最後由 nalinacc 於 19-2-25 08:11 編輯

樓主好叻叻同時又覺得樓主好可愛,所有過程都形容得好清楚,祝福你同bb喔~

daidailek
|
nalinacc 發表於 19-2-25 08:10
本帖最後由 nalinacc 於 19-2-25 08:11 編輯

樓主好叻叻同時又覺得樓主好可愛,所有過程都形容得 ...

原本諗住記嚟for 自己,驚第時唔記得,但寫左之後又覺得可以分享下俾BK JM, 之前喺呢度扒文好多JM分享都幫到我。
阿合hop
|
daidailek 發表於 19-2-24 14:19
佢把聲有啲低沉咁同我講,而家個情況唔係幾好,因為阿B好似唔係幾鍾意啲催生藥,一落咗佢心跳就係咁跌,如 ...

我睇到當你話老公入唔到嚟陪產同bb心跳時上時落,而你忍唔住喊出嚟嘅時候,我都睇到忍唔住流眼淚...你真係好叻
希望你身體早日完全康復,身體健康,快高長大
siuball
|
睇完你分享,回想起當年生個時都係緊急搵麻醉師半夜來落藥,我都認為有d錢係吾慳得!就算比貴d都係私家生好
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽