加油!我好明白你的感受,連你都唔理仲有邊個理,我都係捱下捱下就過咗6年,人老咗,身體差咗,但當你見到仔女入間band ond 頭的學校時,你就會覺得咁多年冇白辛苦。
當她入咗間好學校,同學和老師會令她自動波,所以唔使擔心中學仲要跟,最緊要打好底。我現在輕鬆晒,我個囡仲多謝我逼她咁多年,她話她小學真係唔明點解要讀書,她好討厭我,但唔敢反抗,就算我講好多道理她聽,她都唔明,但去到中學她話她見到同學成績好,她會擔心,自己就會自發去學,她自己突然覺得自己懶好異類,唔知係咪叫自己開竅。加油!辛苦的日子一定會過,付出會有收獲的。