骨肉分離之苦

bobocheung65
|
我情況 生完三個月返工 而家bb 五個月 老公人工低不可能唔做嘢湊b 我同奶奶十個地鐵站相隔 佢屋企離地鐵站仲要行二十分鐘,而家情況係一到五晚上去奶奶屋企食飯 睇bb 之後自己返屋企 bb 係奶奶屋企 六日跟我自己湊返屋企 我覺得好唔開心 我自己媽媽都話奶奶湊得好地地 唔好搞咁多野 奶奶同姑仔就話每日睇下就好啦 大左先考慮其他 但究竟佢地明唔明白我係媽媽唔係依依 點解生出黎要咁 有無咩方法可以提供 我老公好煩唔肯俾其他人湊 怕好似d 新聞咁虐兒
我係街見到其他人帶住bb 都問點解自己唔可以
仲想叫我生多個 去die 啦 白癡
hontari
|
可唔可以搬近啲奶奶?長遠對親子關係好大影響呀
monicalee888
|
bobocheung65 發表於 19-2-26 19:39
我情況 生完三個月返工 而家bb 五個月 老公人工低不可能唔做嘢湊b 我同奶奶十個地鐵站相隔 佢屋企離地鐵站 ...

一係排育嬰園,你放工接番,聽聞育嬰園都湊得好好,不過都唔平,應該同請工人差不多價,我覺得會安心過俾工人湊
SMKATHY
|
bobocheung65 發表於 19-2-26 19:39
我情況 生完三個月返工 而家bb 五個月 老公人工低不可能唔做嘢湊b 我同奶奶十個地鐵站相隔 佢屋企離地鐵站 ...

我以前都係咁,要搵食無辦法。
我堅持星期五夜晚帶走,星期日中午先帶返去我媽度,如是者到左小二先自己帶返。
其實係好架,BB跟住一個可以準時比野佢食以及有定時昨息的人,好過跟我地日日趕頭趕命。
而且自己都無咁辛苦。



hohoyin731
|
bb先五個月一定無時無刻都好掛住, 最重要bb健健康康肥肥白白, 佢知道媽媽錫佢㗎, 為母則強, 之後會有更多挑戰,加油呀
bobocheung65
|
hontari 發表於 19-2-27 00:22
可唔可以搬近啲奶奶?長遠對親子關係好大影響呀
五個月已經有先兆, bb 見到爺爺會特別開心, 當然我都開心因為老人家一定比外人照顧用心
但一定種個孫, 另外我都想自己照顧, 搬近。。。。奶奶屋企校網no good

bobocheung65
|
SMKATHY 發表於 19-2-27 08:48
我以前都係咁,要搵食無辦法。
我堅持星期五夜晚帶走,星期日中午先帶返去我媽度,如是者到左小二先自己帶 ...
小二? 我個男同事bb 兩歲, 已經weekend 唔鐘意返爸媽屋企, 想跟住老人家。。。。
做媽媽hurt 爆。。。。

SUKI20062014
|
有長老幫你湊.你應該好放心好開心就真.點解要甘唔開心?要明白.請工人要錢.你就單單是晚上陪一下.
你而家起碼星期六日可以自己湊返.平時夜晚也可以見一見.仲想點你應該帶住開心的心情去每次見一見BB.亦都要好感恩你99幫你湊BB.
你已經比好多好多人幸福好多啦!
請珍惜!
SUKI20062014
|
仲有一個重點是:夜晚湊B好辛苦架.要起身整夜奶.
我果陣時無人湊.自己一腳踢.第日仲要返工.當時的我才是真的好想死.
artai430
|
bobocheung65 發表於 19-2-27 09:29
五個月已經有先兆, bb 見到爺爺會特別開心, 當然我都開心因為老人家一定比外人照顧用心
但一定種個孫, ...


如果要用校網vs親子關係來比較.
我會首選親子關係.

親子關係由小建立. 頭3年最重要.
錯過左要花更多更多心機建立.....



ricky0223
|
做人要感恩,湊bb好辛苦,24小時湊住無覺好訓,你自己都識講,先生收入唔高,請工人唔一定好,而且好多額外洗費,育嬰院要排好耐,當你排到,一早湊返學,放工趕住湊放學,買送煮飯冲涼陪我玩氹訓覺,年中無休,你覺得好好?而家你可以返工,又唔洗煮飯,等小朋友大,湊返去讀全日n班,情況會好好多。
明白做媽媽都會想日日都對住bb,但情況唔許可都無辦法,或者可以既然話搬近99附近,放工湊返去,晚上99又可以休息下。
littlefunpig
|
點解唔搬近,校咩網,俾我就接受唔到
我一生完就即刻搬去99屋企附近,放工日日接返bb返去

你話為校網 唔通第時日日要個小朋友搭10個站去返你屋企附近返學咩? 區區都會有好學校,我自己中小學都唔係咩名校網咪一樣升到3大

仔女相處好緊要,健立唔到緊密既關係佢第時都唔會聽你講,聽麻麻講都唔理你你就後悔
kunn
|
係我就搬奶奶附近,我而家係在職,bb 1.5歲,住99約15分鐘路程,bb去育嬰院,99接放學食飯沖涼,晚上我湊返,星期六日堅持我湊,6299都吾可以搶我親子時間

保護兒童協會旗下育嬰院收費每月約$4500,同請姐姐差不多,但老師都好有愛心,可以放心,又會同佢玩又會教佢野,一定吾怕俾老人家縱壞,你報名時求下情講雙職父母好需要學位,都會可能俾位你先,有朋友試過

係辛苦少少,但冇野比親子更重要,So far bb都好黏我,會認得會中意返屋企,如果放佢起99屋企訓會唔開心,bb 7m 左右會開始認熟人,吾好令自己後悔
kunn
|
老人家點會明你感受?衰d講更何況吾係親生
佢地覺得睇下咪算,你俾湊b費就得,點會諗到親子關係親不親。
吾好旨意老人家會幫你教,bb再大,好多教法重大分岐。例如只係餵佢食飯,求方便求快,點會話教佢自己食?好多野你求人湊只能啞忍,冇話事權,起你背後點教bb你又吾知,同bb講媽媽吾要你都講得出

所以我堅持去育嬰園,一來有人教,二來免去同99的分岐


bobocheung65
|
monicalee888 發表於 19-2-27 08:44
一係排育嬰園,你放工接番,聽聞育嬰園都湊得好好,不過都唔平,應該同請工人差不多價,我覺得會安心過俾 ...

最近果個for 嬰兒組係調景嶺 oh no
bobocheung65
|
我無唔感恩 當然明白都唔可以生出黎要老人家責任 我想一收工就見面到返工 其實咁要求好簡單 但點解所有人覺得我搞事
而家住屋唔需要錢 搬屋租樓要錢 會覺得我自找麻煩
monicalee888
|
bobocheung65 發表於 19-2-28 00:46
我無唔感恩 當然明白都唔可以生出黎要老人家責任 我想一收工就見面到返工 其實咁要求好簡單 但點解所有人覺 ...

我好明白你感受,我都唔會想長輩湊,一係你請工人/鐘點姨姨湊啦
bobocheung65
|
monicalee888 發表於 19-2-28 08:47
我好明白你感受,我都唔會想長輩湊,一係你請工人/鐘點姨姨湊啦

bb 可愛 人人鍾意 搞到好似我搶仔
artai430
|
回覆 bobocheung65 的帖子

您宜家唔洗交租..咪出租依家果間.... 再另租新地點籮.
yanwendy
|
bobocheung65 發表於 19-2-26 19:39
我情況 生完三個月返工 而家bb 五個月 老公人工低不可能唔做嘢湊b 我同奶奶十個地鐵站相隔 佢屋企離地鐵站 ...

我個囡k2前排系嫲3個月,星期五晚上湊返來.
有時個囡都話唔跟我返屋企。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽