如果樓主妳真係麵包控冇問題,不過要識揀麵包,首先避開有餡包 (如腸仔包、肉鬆包、芝士包…) 甜包 (如吉士包、紅豆包、菠蘿包…) 起酥包 (如丹麥條、牛角包、手撕包…) 撻批類 (雞批、蛋撻、雜果撻、叉燒酥…) 要揀嚡、硬、淡的麵包如燕麥包、全麥包、五穀包、黑麥包… 高纖低GI會襟飽D。另外,如食普通麵包,可以配搭蔬菜、蛋白質一齊食,就可以將GI值拉低D,舉例以前食開餐蛋治嘅,而家轉食茄蛋治走牛油,有蔬菜、有雞蛋,另外煎蛋的油其實一D都唔可怕,油份可以減慢胃排空的時間,延長飽足感,亦防止便秘。久唔久俾自己適量零食做FUN FOOD (就算垃圾食物都可以,不過只可淺嚐),俾自己唞唞氣再奮戰,否則好快就會放棄。減肥係長跑而唔係短跑,靠嘅係韌力而非爆炸力。
樓主,保重身子呀,PLAN好先減,健康比身形更重要啊!
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!